Аркадзь Арэхва

Аркадзь Арэхва (1 мая 1910, Дзісенскі павет (Расійская імперыя) — 27 лютага 1993, Спрынгфілд, Масачусетс, ЗША) — беларускі грамадскі дзеяч, юрыст.

Аркадзь Арэхва
Род дзейнасці	грамадскі дзеяч, юрыст
Дата нараджэння	1 мая 1910(1910-05-01)
Месца нараджэння	Дзісенскі павет, Віленская губерня, Расійская імперыя
Дата смерці	27 лютага 1993(1993-02-27) (82 гады)
Месца смерці	Спрынгфілд, акруга Хампдэн[d], Масачусетс, ЗША
Альма-матар	Варшаўскі ўніверсітэт Мюнхенскі ўніверсітэт Людвіга-Максіміліяна
Партыя	Беларуская незалежніцкая партыя

Біяграфія

Скончыў юрыдычны факультэт Варшаўскага ўніверсітэта. Падчас нямецкай акупацыі працаваў у аддзеле судоў Мінскай гарадской управы, стае сябрам Беларускай незалежніцкай партыі^[1]. Прымаў удзел у царкоўным саборы 1942 г. Вясной 1944 г. працаваў у Сакратарыяце Беларускай цэнтральнай рады (БЦР). З 20 мая 1944 г. прызначаны пракурорам Мінскай акругі. У чэрвені 1944 - дэлегат Другога Ўсебеларускага кангрэсу.

З ліпеня 1944 г. на эміграцыі. Працаваў у Статутнай камісіі БЦР у Берліне. У 1953 г. скончыў медыцынскі ўніверсітэт Мюнхенскага ўніверсітэта. Узначальваў Дэлегатуру БЦР на паўднёвую Германію. У 1953 г. разам з жонкай Вольгай, і двумя сынамі, Юркай і Васілём, пераехаў у ЗША.

Актывіст Беларускай цэнтральнай рады: з 1953 г. — сакратар унутраных спраў і веравызнанняў, потым — віцэ-старшыня выканаўчага органа, кіраўнік замежнага аддзела. Cябра Беларускага кангрэсавага камітэту Амерыкі. Адзін з рэдактараў «Беларускага слова». З 31 кастрычніка 1955 г. узначаліў Выканаўчы орган БЦР. У 1959 г. згарнуў грамадскую дзейнасць. Выехаў у Дыксан (Ілінойс), дзе працаваў доктарам.

Зноскі

1. Сяргей Ёрш. Сябры Беларускай Незалежніцкай Партыі. Біяграфічны даведнік (нявызн.). Жыве Беларусь. Бібліятэка гістарычных артыкулаў.