Артур Каценка

Артур Каценка (нар. 20 жніўня 1981, Талін) — эстонскі футбаліст, брамнік талінскай «Левадыі» і былы ігрок нацыянальнай зборнай Эстоніі.

Артур Каценка
Агульная інфармацыя
Нарадзіўся	20 жніўня 1981(1981-08-20)[1][2][…] (44 гады) Талін, Эстонская ССР, СССР[2]
Грамадзянства	Эстонія
Рост	184 см[2]
Вага	80 кг[2]
Пазіцыя	брамнік
Інфармацыя пра клуб
Клуб	Левадыя
Нумар	81
Клубная кар’ера[* 1]
1998—1999 Вігры (Талін) 9 1999 Лантана (Талін) 10 (-15) 2000 Каухаёен Карху (Каухаёкі) 9 2000 Маарду 3 2001 Левадыя (Пярну) 5 2001—2007 Левадыя (Талін) 143 (-105/1) 2008 Санес Ульф 27 (-50) 2009—2010 Вікінг (Ставангер) 2 (-0) 2010—2011 Пафас 7 (-11) 2011 Раван (Баку) 4 (-6) 2012 Яра (Якабстад) 25 (-35) 2013 Дняпро (Магілёў) 23 (-33) 2014—2016 Шахцёр (Салігорск) 38 (-34) 2017—2018 Транс (Нарва) 64 (-99) 2019— Левадыя (Талін)
Нацыянальная зборная[* 2]
2004—2013 Эстонія 27
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 снежня 2018. Колькасць гульняў і галоў за нацыянальную зборную ў афіцыйных матчах, адкарэктавана станам на 1 студзеня 2014

Кар’ера

Клубная

Пачынаў кар’еру ў Таліне, ў 2004—2007 быў асноўным брамнікам талінскай «Левадыі». Пасля гуляў у розных краінах: Нарвегіі, Кіпры, Азербайджане, Фінляндыі.

У лютым 2013 года стаў іграком магілёўскага «Дняпро» і заняў там месца асноўнага брамніка. Хутка стаў адным з найлепшых ігракоў магілёўскага клуба і адным з найлепшых брамнікаў чэмпіянату.

23 снежня 2013 года падпісаў кантракт з салігорскім «Шахцёрам»^[3]. Стаў асноўным брамнікам салігорскага клуба. Па выніках сезону 2014 быў прызнаны найлепшым брамнікам чэмпіянату^[4]. У снежні 2014 года падоўжыў кантракт з гарнякамі^[5].

У сезоне 2015 склад салігорскай каманды папоўніў вопытны Уладзімір Бушма. Каценка пачаў сезон асноўным брамнікам, але пазней Бушма стаў часцей з’яўляцца ў старце. У лістападзе 2015 года эстонскі брамнік чарговы раз падоўжыў пагадненне з салігорцамі^[6]. У сезоне 2016 канчаткова саступіў месца ў аснове Бушме, правёў толькі адзін матч у чэмпіянаце. У снежні 2016 года па заканчэнні кантракта пакінуў «Шахцёр»^[7].

У лютым 2017 года вярнуўся ў Эстонію, стаўшы іграком клуба «Транс» (Нарва)^[8]. Быў асноўным брамнікам нарвенскага клуба. У снежні 2018 года перайшоў у «Левадыю»^[9].

Міжнародная

Выступаў за нацыянальную зборную Эстоніі, дзе доўгі час быў другім брамнікам пасля Сяргея Парэйкі.

Дасягненні

• 01 Чэмпіён Эстоніі (4): 2004, 2006, 2007, 2021
• 02 Срэбраны прызёр чэмпіянату Эстоніі (4): 2002, 2005, 2019, 2022
• 03 Бронзавы прызёр чэмпіянату Эстоніі (3): 2001, 2003, 2020
• Уладальнік Кубка Эстоніі (4): 2004, 2005, 2007, 2021
• Уладальнік Суперкубка Эстоніі: 2022
• 02 Срэбраны прызёр чэмпіянату Беларусі: 2016
• 03 Бронзавы прызёр чэмпіянату Беларусі (2): 2014, 2015
• Уладальнік Кубка Беларусі: 2014
• Найлепшы брамнік чэмпіянату Беларусі: 2014
• У спісе 22 найлепшых футбалістаў чэмпіянату Беларусі: 2014