Валянціна Аляксандраўна Гарцуева

Валянціна Аляксандраўна Гарцуева (нар. 8 красавіка 1986, Мінск, БССР) — беларуская актрыса тэатра.

Валянціна Аляксандраўна Гарцуева
Дата нараджэння	8 красавіка 1986(1986-04-08)[1] (39 гадоў)
Месца нараджэння	Мінск, Беларуская ССР, СССР[2]
Грамадзянства	Беларусь
Бацька	Аляксандр Фёдаравіч Гарцуеў
Маці	Зоя Валянцінаўна Белахвосцік
Адукацыя	тэатральны факультэт Беларускай дзяржаўнай акадэміі мастацтваў (2007)
Прафесія	актрыса
Тэатр	Нацыянальны акадэмічны тэатр імя Янкі Купалы
Узнагароды	Крыштальная кветка[d] (2010) Нацыянальная кінапрэмія Беларусі за найлепшую жаночую ролю другога плана[d] (2018)
IMDb	ID 8957493

Біяграфія

Нарадзілася 8 красавіка 1986 года ў Мінску ў сям’і рэжысёра Аляксандра Гарцуева і актрысы Зоі Белахвосцік, унучка Валянціна Белахвосціка і праўнучка Глеба Глебава.

У 2007 годзе скончыла тэатральны факультэт Беларускай дзяржаўнай акадэміі мастацтваў па спецыяльнасці «Акцёрскае мастацтва драматычнага тэатра і кіно» (курс заслужанага дзеяча мастацтваў Л. А. Манаковай). З 2007 года працуе ў Нацыянальным акадэмічным тэатры імя Янкі Купалы. 26 жніўня 2020 года разам з большасцю трупы і іншымі супрацоўнікамі тэатра звольнілася ў знак пратэсту^[3].

Творчасць

У тэатры выконвала ролі: Барбара Бжэнка («Чорная панна Нясвіжа» А. Дударава), Дзяўчына («Ноч на Каляды^[ru]» М. Гогаля), Ганна («Людзі на балоце» паводле І. Мележа), Гелена, Цыганка, выканаўца песні «Снег» («Местачковае кабарэ»), Дзяўчына-эмігрантка («Пан Тадэвуш» А. Міцкевіча), Ніна Міхайлаўна Зарэчная («Чайка^[ru]» А. Чэхава), Выканаўца песні «Размова з Руфусам, сабакам Чэрчыля» («Вельтмайстар акардэон» М. Мермана), Ірына («Дзве душы» М. Гарэцкага), Жульета Вальцье («Школа падаткаплацельшчыкаў» Л. Вернёя^[fr] і Ж. Бера^[fr]), Пані Амелія («Шляхціц Завальня, або Беларусь у фантастычных апавяданнях» паводле Я. Баршчэўскага), Рэгана, дачка караля Ліра («Кароль Лір» У. Шэкспіра), Валя («Першы»).

Узнагароды

• прыз Беларускага саюза тэатральных дзеячаў «Крыштальная Кветка» (2010),
• пераможца разам з Аляксандрам Казелам у намінацыі «Найлепшы акцёрскі дуэт» за спектакль «Не мой» паводле А. Адамовіча на ХІ Міжнародным фестывалі «Славянскія тэатральныя сустрэчы» (Гомель, 2011),
• медаль Францыска Скарыны (2020)^[4].

Зноскі

1. https://www.kino-teatr.ru/kino/acter/w/post/40860/bio/
2. https://www.kino-teatr.ru/kino/acter/w/post/40860/works/
3. Больш за палову трупы Купалаўскага тэатру звольнілі, не засталося ніводнага рэжысэра(недаступная спасылка)
4. Указ Прэзідэнта Рэспублікі Беларусь ад 8 студзеня 2020 года № 7 «Аб узнагароджанні»