Вуліца Свярдлова (Полацк)

Вуліца Свярдлова — вуліца ў цэнтры Полацка.

Вуліца Свярдлова Полацк
Агульная інфармацыя
Краіна	Беларусь
Рэгіён	Віцебская вобласць
Горад	Полацк
Мікрараён	Цэнтр
Працягласць	780 м
Ранейшыя назвы	Задзвінская
Назва ў гонар	Якаў Міхайлавіч Свярдлоў
Паштовы індэкс	211401, 211415
Медыяфайлы на Вікісховішчы

У паняцця ёсць і іншыя значэнні, гл. Задзвінская вуліца.

У паняцця ёсць і іншыя значэнні, гл. Вуліца Свярдлова.

Гісторыя

У пачатку XX стагоддзя насіла назву Задзвінская^[1], бо вяла да пераправы цераз Дзвіну на вуліцу Лепельскую (сучасная 23 Гвардзейцаў)^[2].

Савецкія ўлады перайменавалі вуліцу ў гонар расійскага рэвалюцыянера Якава Свярдова.

Да Кастрычніцкай рэвалюцыі паміж Задзвінскай і Лепельскай вуліцамі існавала паромная пераправа цераз Дзвіну^[2].

Да 1932 года на гэтым існаваў драўляны мост цераз Дзвіну, які быў разбураны паводкай^[2][3].

У 1941 годзе частка вуліцы Свярдлова ўваходзіла ў яўрэйскае гета^[2].

У 1944 годзе немцы пабудавалі драўляны мост на гэтым месцы. 3 чэрвеня 1944 года мост быў захоплены групай лейтэнанта Аляксандра Грыгор’ева. 23 аўтаматчыкі выйшлі па ім да вуліцы Свярдлова. Гвардзейцы авалодалі мастом, пагасілі пажар на ім і захапілі пляцоўку на правым беразе Дзвіны. 4 ліпеня 1989 года ля вуліцы Свярдлова на беразе Дзвіны быў адкрыты помніг 23-м гвардзейцам.^[2]

Пакуль да 1953 года цягнулася адбудова транспартнага моста праз Дзвіну, улетку функцыянаваў пантонны мост з вуліцы Свярдлова на Лепельскую^[2].

Апісанне

Вуліца цягнецца ад Ніжне-Пакроўскай вуліцы на поўдні да вуліцы Валадарскага на поўначы.

Факты

Планавалася стварэнне пешаходнага маста праз Дзвіну ад вуліцы Свярдлова да вуліцы 23 Гвардзейцаў, але ад плану адмовіліся^[3].

Забудова

Полацкі раённы цэнтр культуры

• № 18А — Полацкі раённы цэнтр культуры (архітэктар В. Андаралаў). Пабудаваны як Дом культуры будаўнікоў^[4].

Зноскі

1. Л. Ф. Данько, А. И. Судник. Путеводитель по городу Полоцку 1910 года. Выпуск 8 (руск.). — Полоцкое книжное издательство. — Полоцк, 2009. — 45 с. — ISBN 978-985-6936-02-2.
2. Дэйніс Іван Пятровіч. Полацкая даўніна (бел. (тар.)). — Медисонт. — Мінск, 2007. — 330 с. — ISBN 978-985-6530-74-9.(недаступная спасылка)
3. Полежаева, Маргарита. А я иду, шагаю по… мосту. Через Западную Двину (руск.) (8 верасня 2010).
4. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)