Даўлядоўскі сельсавет

Даўлядо́ўскі сельсавет — былая адміністрацыйна-тэрытарыяльная адзінка ў складзе Нараўлянскага раёна Гомельскай вобласці БССР. Цэнтр — вёска Даўляды.

Даўлядоўскі сельсавет
Краіна	Беларуская ССР
Уваходзіў у	Нараўлянскі раён
Адміністрацыйны цэнтр	Даўляды
Дата ўтварэння	20 жніўня 1924
Дата скасавання	8 студзеня 1987

Утвораны 20 жніўня 1924 года ў складзе Нараўлянскага раёна Мазырскай акругі БССР. З 26 ліпеня 1930 года ў складзе Нараўлянскага раёна БССР, з 21 чэрвеня 1935 года — Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. 16 ліпеня 1954 года да сельсавета далучана тэрыторыя скасаванага Хаткаўскага сельсавета^[1]. З 25 снежня 1962 года да 6 студзеня 1965 года сельсавет у складзе Ельскага раёна. 30 чэрвеня 1966 года ў склад сельсавета з Дзёрнавіцкага сельсавета перададзены 3 населеныя пункты (Асіпоўка, Вяпры і Надтачаеўка)^[2]. На 1 студзеня 1974 года ў складзе сельсавета было 8 населеных пунктаў^[3]. Тэрыторыя сельсавета апынулася забруджанай пасля аварыі на Чарнобыльскай АЭС. 8 студзеня 1987 года скасаваны, тэрыторыя далучана да Вербавіцкага сельсавета^[4].

На момант скасавання ў склад сельсавета ўваходзілі 8 населеных пунктаў: вёскі Асіпоўка, Белая Сарока, Вяпры, Даўляды, Надтачаеўка, Ражава, Хаткі і Хутар-Лес.

Зноскі

1. Указ Президиума Верховного Совета БССР от 16 июля 1954 г. Об объединении сельских советов Гомельской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Гомельскага абласнога Савета дэпутатаў працоўных ад 30 чэрвеня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1966, № 22 (1142).
3. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 93. — 248 с. — 10 000 экз.
4. Рашэнне выканкома Гомельскага абласнога Савета народных дэпутатаў ад 8 студзеня 1987 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1987, № 23 (1901).