Жывакост жорсткі

Жывако́ст цвёрды^[1], Жывакост жорсткі (Symphytum asperum) — від кветкавых раслін роду Жывакост сямейства Бурачнікавыя (Boraginaceae).

Жывакост жорсткі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Надпарадак:  Asteranae Парадак:  Бурачнікакветныя Сямейства:  Бурачнікавыя Падсямейства:  Бурачнікавыя Род:  Жывакост Від:  Жывакост жорсткі
Міжнародная навуковая назва
Symphytum asperum Lepech., 1805
Сінонімы
Symphytum asperrimum Donn ex Sims Symphytum armeniacum Bucknall
Сістэматыка на Віківідах Выявы на Вікісховішчы ITIS   32026 NCBI   764736 EOL   582579 GRIN   t:36019 IPNI   120743-1 TPL   kew-2475962

Батанічнае апісанне

Шматгадовая травяністая расліна вышынёй 60—150 см. Сцябло прамастойнае, галінастае. Уся расліна пакрытая калючым шчаціннем. Лісце простае, суцэльнае, з зубчастым краем. Кветкі спачатку светла-пурпурныя, затым блакітныя, у завітках. Плод — арэшак.

Распаўсюджанне і экалогія

Распаўсюджаны па ўсёй Еўропе. Святлолюбівая расліна, мезафіт і мезатроф^[2]. Расце на пустках, лугах, па берагах вадаёмаў, на ўзлесках і палянах пойменных лясоў. Цвіце ў маі—чэрвені^[1].

Выкарыстанне

Лекавая і дэкаратыўная расліна. У лекавых мэтах выкарыстоўваецца настой з сухога карэнішча. Ужываецца пры ранах, язвах, тромбафлебітах.

Каштоўная кармавая расліна (свінням і трусам)^[1]. За лета дае 3—5 укосаў, добра сіласуецца з дамешкамі злакавых траў^[1].

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Окопник жёсткий: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)