Кухараўка

Ку́хараўка^[1] (трансліт.: Kucharaŭka, руск.: Кухаревка) — вёска ў Пухавіцкім раёне Мінскай вобласці. Уваходзіць у склад Навапольскага сельсавета. Месціцца за 28 км на паўночны захад ад Мар’інай Горкі, 44 км ад Мінска, 6 км ад чыгуначнай станцыі Рудзенск на лініі Мінск — Асіповічы, каля ракі Пціч.

Вёска Кухараўка Кухараўка, 2021 г. Краіна Беларусь Вобласць Мінская Раён Пухавіцкі Сельсавет Навапольскі Каардынаты 53°33′43″ пн. ш. 27°48′22″ у. д.HGЯO Водныя аб’екты Пціч Насельніцтва ▼14 чал. (2019) Часавы пояс UTC+3 Тэлефонны код +375 1713 Паштовыя індэксы 222851 Аўтамабільны код 5 Кухараўка Кухараўка

Кухараўка на Вікісховішчы

Назва

Назва ўтвораная ад прозвішча Кухар, Кухарэвіч, якое мае ў аснове слова кухар.

Гісторыя

Урочышча Кухараўка на плане Азярычына 1867 года.

Пераход Кухараўка ўпамінаецца ў інвентары вёскі Азярычына 1701 года^[2]. Пад пераходам, верагодна, маецца на ўвазе брод на Пцічы. Таксама ўрочышча Кухараўка пазначана на плане Азярычына 1867 года.

Населены пункт заснаваны як пасёлак у 1920-я гады ў Беларускай ССР, месца рассялення жыхароў Азярычына^[3].

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі. У ваколіцах дзейнічала савецкая партызанская брыгада «Беларусь». У траўні 1944 года ў выніку нямецкай карнай аперацыі пасёлак быў спалены, забіты 5 жыхароў. Пасля вайны населены пункт быў адноўлены^[4].

Да 28 мая 2013 года вёска ўваходзіла ў склад Узлянскага сельсавета^[5].

Насельніцтва

• 1940 год — 30 двароў, 123 жыхары
• 1999 год — жыхароў
• 2002 год — 8 двароў, 13 жыхароў
• 2010 год — 14 жыхароў
• 2019 год — 14 жыхароў^[6]

Спіс вуліц

• Зарэчная вуліца
• Набярэжная вуліца^[7]