Ліпнікі (Навасёлкаўскі сельсавет)

У паняцця ёсць і іншыя значэнні, гл. Ліпнікі.

Ліпнікі́^[1] (трансліт.: Lipniki, руск.: Липники) — вёска ў Пухавіцкім раёне Мінскай вобласці. Уваходзіць у склад Навасёлкаўскага сельсавета. Месціцца за 11 км на паўднёвы захад ад Мар’інай Горкі, 56 км ад Мінска.

Вёска Ліпнікі Краіна Беларусь Вобласць Мінская Раён Пухавіцкі Сельсавет Навасёлкаўскі Каардынаты 53°22′38″ пн. ш. 27°58′02″ у. д.HGЯO Насельніцтва ▼13 чал. (2019) Часавы пояс UTC+3 Тэлефонны код +375 1713 Аўтамабільны код 5 СААТА 6244843043 Ліпнікі Ліпнікі

Гісторыя

Ранняя гісторыя

У 1897 годзе ўрочышча ў Цітвянскай воласці Ігуменскага павета Мінскай губерні. У 1908 годзе засценак.

Найноўшы час

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай воласць абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі. У вёсцы базіраваліся Рудзенскі падпольны раённы камітэт КП(б)Б і штаб савецкай партызанскай брыгады «Беларусь».

Да 29 чэрвеня 2006 года вёска ўваходзіла ў склад Гарэлецкага сельсавета^[2].

Насельніцтва

• 1897 год — 3 двары, 29 жыхароў
• 1908 год — 13 двароў, 84 жыхары
• 1917 год — 19 двароў, 103 жыхары
• 2002 год — 23 двароў, 40 жыхароў
• 2009 год — 28 жыхароў
• 2019 год — 13 жыхароў^[3]

Славутасці

• Помнік у гонар Рудзенскага падпольнага камітэта КП(б)Б і штаба партызанскай брыгады «Беларусь».