Мураваная Ашмянка

Мурава́ная Ашмя́нка^[1] (трансліт.: Muravanaja Ašmianka, руск.: Мурованая Ошмянка) — аграгарадок у Ашмянскім раёне Гродзенскай вобласці. Адміністрацыйны цэнтр Мураванаашмянкоўскага сельсавета. Насельніцтва: 415 чал. (2015).

Аграгарадок Мураваная Ашмянка Краіна Беларусь Вобласць Гродзенская Раён Ашмянскі Сельсавет Мураванаашмянкоўскі Каардынаты 54°27′28″ пн. ш. 25°46′43″ у. д.HGЯO Насельніцтва ▲409 чал. (2009) Часавы пояс UTC+3 Тэлефонны код +375 1593 Паштовыя індэксы 231106 Аўтамабільны код 4 Мураваная Ашмянка Мураваная Ашмянка

Мураваная Ашмянка на Вікісховішчы

Геаграфія

Размешчана на Ашмянскім узвышшы, за 11 км на паўночны захад да Ашмян і 28 км ад чыгуначнай станцыі Ашмяны. Паблізу вёскі мае выток рака Ашмянка.

Гісторыя

Захаваліся руіны^[2] друкарні (цагляны будынак, збудаваны, магчыма, у 1590, перабудаваны ў жылы палац у 19 стагоддзі), якая ў пачатку 17 ст. належала Крыштафу Дарагастайскаму і дзе была надрукавана «Цэнзура» В. Салінарыуса (1615). Касцёл Дзевы Марыі (драўляны будынак са званіцай, збудаваны ў канцы 18 — пач. 19 ст., падноўлены ў 1841 і 1874), які з’яўляе прыклады барока, класіцызму і народнага драўлянага дойлідства.

Падчас 2-й сусв. вайны (май 1944) каля вёскі адбыўся бой паміж сіламі АК і літоўскага дапаможнага кантынгенту (на нямецкай службе).

Насельніцтва

• 1866 год — 184 чал., 26 двароў.
• 1886 год — 330 чал., 44 двары.
• 1905 год — 306 чал.
• 1999 год — 338 чал., 134 гаспадаркі.
• 2015 год — 415 чал., 155 гаспадарак.

Інфраструктура

У вёсцы бальніца, сярэдняя школа.

Славутасці

• Касцёл Імя Найсвяцейшай Дзевы Марыі — помнік архітэктуры.
• Друкарня — помнік гісторыі і дойлідства, за 1 км на паўднёвы захад ад вёскі.

• Даўнія выявы вёскі
• 
  Касцёл Імя Найсвяцейшай Дзевы Марыі
• 
  Каплічка
• 
  Свіран
• 
  Свіран
• 
  Свіран, фрагмент