Мікалай Ісакавіч Туранкоў

У Вікіпедыі ёсць артыкулы пра іншых людзей з прозвішчам Туранкоў.

Мікалай Ісакавіч Туранко́ў^[1] (8 жніўня 1922 — 1998) — вучоны ў галіне глебазнаўства, доктар біялагічных навук (1982).

Мікалай Ісакавіч Туранкоў
Дата нараджэння	8 жніўня 1922(1922-08-08)
Месца нараджэння	Асобіна, Гомельскі павет, Гомельская губерня, РСФСР
Дата смерці	1998
Грамадзянства	СССР  Беларусь
Род дзейнасці	навуковец
Навуковая сфера	глебазнаўства
Месца працы	Інстытут глебазнаўства і аграхіміі НАНБ
Навуковая ступень	доктар біялагічных навук (1982) і кандыдат сельскагаспадарчых навук
Альма-матар	Беларускі лесатэхнічны інстытут імя С. М. Кірава (1949)
Прэміі
Узнагароды

Біяграфія

Нарадзіўся ў вёсцы Асобіна Буда-Кашалёўскага раёна Бабруйскай акругі БССР (зараз у Гомельскай вобласці Беларусі). У 1949 годзе скончыў Беларускі тэхналагічны інстытут. Працаваў у Інстытуце сельскай гаспадаркі Акадэміі навук БССР. З 1960 года — у Беларускім навукова-даследчым інстытуце глебазнаўства і аграхіміі, дзе з 1962 года займаў пасаду загадчыка аддзела глебавых працэсаў, з 1972 года загадваў лабараторыяй аховы глеб ад тэхнагеннага забруджвання.

Навуковая дзейнасць

М. І. Туранкову належаць навуковыя працы ў галіне генезісу глеб, іх ахове, воднаму рэжыму, глебаўтварэнню і інш.

Сярод апублікаванага:

• Почвы Белорусской ССР. — Мн., 1974. (у сааўтарстве)
• Палево-подзолистые почвы Белоруссии — Минск: Наука и техника, 1980.

Сааўтар патэнта «Фосфорно-азотное удобрение» па выкарыстанню адходаў вытворчасці бялкова-вітаміннага канцэнтрату вільготнасцю 25,0—27,4 % у якасці фосфарна-азотнага ўгнаення^[2].

Узнагароды і прэміі

• Ордэн Айчыннай вайны I ступені (1985)^[3].
• Дзяржаўная прэмія БССР 1976 года.

Зноскі

1. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
2. PatentDB.ru — База патентов РФ на изобретения и промышленные образцы (руск.)
3. Память народа — электронный банк документов периода Великой Отечественной войны(недаступная спасылка) (руск.)