Мікалай Афанасьевіч Кручкоў

У Вікіпедыі ёсць артыкулы пра іншых людзей з прозвішчам Кручкоў.

Мікалай Афанасьевіч Кручкоў (руск.: Никола́й Афана́сьевич Крючко́в, 24 снежня 1910 (6 студзеня 1911), Масква — 13 красавіка 1994, Масква) — савецкі акцёр тэатра і кіно. Народны артыст СССР (1965). Герой Сацыялістычнай Працы (1980). Лаўрэат Сталінскай прэміі першай ступені (1941). Член КПСС з 1953 года.

Мікалай Афанасьевіч Кручкоў
Дата нараджэння	24 снежня 1910 (6 студзеня 1911)
Месца нараджэння	Масква, Маскоўская губерня, Расійская імперыя[1]
Дата смерці	13 красавіка 1994(1994-04-13)[2][3] (83 гады)
Месца смерці	Масква, Расія
Месца пахавання	Новадзявочыя могілкі
Грамадзянства	Расійская імперыя  РСФСР[d]  СССР  Расія
Жонка	Алла Пятроўна Парфаньяк[d] і Марыя Фамінішна Пастухова[d]
Месца працы	Ленкам[d] Міжрабпомфільм[d] Саюздзетфільм[d] Масфільм Дзяржаўны тэатр кінаакцёра[d]
Прафесія	акцёр
Кірунак	сацыялістычны рэалізм
Член у	Саюз кінематаграфістаў СССР
Прэміі
Узнагароды	Ніка
IMDb	ID 0473041
Медыяфайлы на Вікісховішчы

Біяграфія

М. А. Кручкоў нарадзіўся 24 снежня 1910 (6 студзеня 1911) у Маскве. У 14 гадоў паступіў у школу фабрычна-завадскога вучнёўства пры «Трохгарнай мануфактуры», дзе вучыўся на гравёра-накатчыка (1925—1928), там жа пачынае выступаць у мастацкай самадзейнасці.

У 1928—1930 гадах вучыўся ў школе акцёрскага майстэрства пры Маскоўскім тэатры рабочай моладзі. Вучобу сумяшчаў з працай на фабрыцы «Трохгорная мануфактура». Тэатральны дэбют адбыўся ў 1927 годзе ў пастаноўцы «1905 год». З 1928 па 1934 год — акцёр Маскоўскага тэатра рабочай моладзі (ТРАМ), (цяпер — тэатр «Ленкам»), вучыўся ў М. П. Хмялёва, І. Я. Судакова і І. А. Саўчанкі.

З 1931 па 1940 год — акцёр кінастудыі «Міжрабпамфільм» (пазней — «Саюздзетфільм», цяпер — кінастудыя імя М.Горкага). Першую ролю ў кіно сыграў у фільме Б. В. Барнета «Ускраіна», выканаўшы ролю шаўца Сенькі. За сваё жыццё сыграў больш за 120 роляў. Член Саюза кінематаграфістаў СССР. У 1971 годзе зняўся ў карціне «Беларусьфільм» «Вялікія перагоны» (роля Касьяна Кузьміча, машыніста).

У 1941—1945 гадах — акцёр кінастудыі «Масфільм». З 1945 года па 1992 год — акцёр Тэатр-студыі кінаакцёра.

Фільмаграфія

• (1939) «Трактарысты» — Клім Ярко
• (1939) «Шчорс» — украінскі эсэр Рагавенка
• (1947) «Святло над Расіяй» — Аляксандр Рыбакоў, матрос
• (1971) «Вялікія перагоны» — Касьян Кузьміч, машыніст
• (1979) «Асенні марафон» — дзядзька Коля, сусед Алы па камунальнай кватэры

Зноскі

1. Крючков Николай Афанасьевич // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Nikolai Kryuchkov // Find a Grave — 1996. Праверана 9 кастрычніка 2017.

   <a href='https://wikidata.org/wiki/Track:Q63056'></a>
3. Bibliothèque nationale de France Nikolaj Krûčkov // data.bnf.fr: платформа адкрытых даных — 2011.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>