Паліна Анціпаўна Стрэпетава

Паліна (Пелагея) Анціпаўна Стрэ́петава^[1] (руск.: Полина (Пелагея) Антипьевна Стрепетова; 4 кастрычніка 1850 — 17 кастрычніка 1903) — руская тэатральная актрыса. Жонка акцёра М. І. Пісарава.

Паліна Анціпаўна Стрэпетава
руск.: Полина Антипьевна Стрепетова
Дата нараджэння	4 (16) кастрычніка 1850
Месца нараджэння	Ніжні Ноўгарад, Ніжагародскі павет[d], Ніжагародская губерня, Расійская імперыя
Дата смерці	17 кастрычніка 1903(1903-10-17) (53 гады)
Месца смерці	Санкт-Пецярбург, Расійская імперыя
Месца пахавання	Ціхвінскія могілкі[d]
Грамадзянства	Расійская імперыя
Муж	Мадэст Іванавіч Пісараў[d] і невядома
Прафесія	актрыса, тэатральная актрыса
Тэатр	Александрынскі тэатр
Медыяфайлы на Вікісховішчы

Біяграфія

Нарадзілася ў Ніжнім Ноўгарадзе. Імёны бацькоў і дакладная дата нараджэння Паліны Стрэпетавай невядомыя, бо яе дзіцем знайшлі на ганку дома ніжагародскага тэатральнага цырульніка А. Стрэпетава^[2][3]. Прыёмная маці была актрысай. Тэатральную адукацыю Паліна Стрэпетава не атрымала, і з сямі гадоў выходзіла на сцэну Ніжагародскага тэатра ў дзіцячых ролях^[2]. Дэбютавала ў 1865 годзе ў Рыбінску. У 1865—1875 гадах працавала ў тэатрах у Яраслаўлі, Сімбірску, Мураме, Саратаве, Самары, Казані і іншых гарадах. Выконвала ролі ў камедыях, вадэвілях, драмах і аперэтах. З 1873 года была актрысай Агульнадаступнага тэатра ў Маскве. У 1181—1890 і 1899—1900 гадах^[1][4] — актрыса Александрынскага тэатра ў Санкт-Пецярбургу. У 1895—1896 гадах працавала ў тэатры А. С. Суворына^[5].

Апошнія гады жыцця П. А. Стрэпетава правяла ў Санкт-Пецярбургу. Памерла 4 кастрычніка 1903 года і была пахавана на Нікольскіх могілках. У 1936 годзе прах быў перанесены ў Некропаль майстроў мастацтваў Аляксандра-Неўскай лаўры^[2].

Творчасць

П. А. Стрэпетава валодала выдатным трагедыйным дараваннем і тэмпераментам. Сярод выкананых роляў: Лізавета («Горкая доля» А. Пісемскага), Кацярына, Мар’яна Андрэеўна, Кручыніна («Навальніца», «Бедная нявеста», «Без віны вінаватыя» А. Астроўскага), Сара («Іванаў» А. Чэхава), Наташа («Русалка» А. С. Пушкіна), Гертруда («Апошні кумір» А. Дадэ), Сцепаніда («Каля грошай» В. Крылова паводле А. Пацехіна), Матрона («Улада цьмы» Л. М. Талстога), Ва­лу­но­а («За­кат» А. І. Южына-Сум­ба­тава) і інш.

Зноскі

1. БелЭн 2002.
2. Стрепетова Пелагея Антипьевна // Государственный мемориальный и природный музей-заповедник А. Н. Островского «Щелыково» (руск.) (Праверана 21 чэрвеня 2023)
3. Стрепетова Полина (Пелагея) Антипьевна (руск.) (Праверана 21 чэрвеня 2023) // Нацыянальны драматычны тэатр Расіі (Александрынскі тэатр)
4. Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
5. Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.