Разуха стрэлкападобная

Разу́ха стрэлкападобная^[1] (Arabis sagittata) — від кветкавых раслін роду Разуха (Arabis) сямейства капуставыя (Brassicaceae).

Разуха стрэлкападобная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Трыба:  Arabideae Род:  Разуха Від:  Разуха стрэлкападобная
Міжнародная навуковая назва
Arabis sagittata (Bertol.) DC., 1815
Сінонімы
Arabis hirsuta subsp. sagittata (Bertol.) Rchb. Arabis hirsuta var. sagittata (Bertol.) Rchb. Arabis sagittata var. oblongata (Raf.) DC. Turritis sagittata Bertol.
Падвід
Arabis sagittata var. borealis (Andrz. ex Ledeb.) A.L.Ebel
Сістэматыка на Віківідах Выявы на Вікісховішчы NCBI   571369 EOL   5142187 IPNI   278591-1 TPL   kew-2646167

Батанічнае апісанне

Кветка

Двухгадовая або шматгадовая травяністая расліна вышынёй 30—60^[1] см. Сцябло прамое. Лісце чаргаванае па даўжыні сцябла і ў прыкаранёвай разетцы, простае, суцэльнае. Прыкаранёвае лісце з чаранкамі, падоўжанае. Сцябло і лісце апушаныя. Кветкі белыя, з чатырма пялёсткамі. Плод — сплюшчаны стручок даўжынёй 2—6 см, з выразнымі жылкамі.

Распаўсюджанне і экалогія

Расліна распаўсюджана на тэрыторыі Еўразіі. Святлолюбівая расліна, мезафіт, алігатроф і мезатроф^[2]. Расце ў горных стэпах, на сухіх і горных лугах, узлесках, схілах, камяністых россыпах, ў хмызняках, па берагах вадаёмаў, на аблогах, пустках, пашах, у садах і агародах.

Цвіце ў маі—ліпені. Плады паспяваюць у ліпені—жніўні. Размнажаецца насеннем.

Рэдкі від. Ахоўваецца на тэрыторыі шэрагу рэгіёнаў Расіі^[3].

Зноскі

1. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
2. Резуха стреловидная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
3. Arabis sagittata (Bertol.) DC. // ИАС «ООПТ России» (руск.)