Эдуард Васілевіч Малафееў

У Вікіпедыі ёсць артыкулы пра іншых людзей з прозвішчам Малафееў.

Эдуард Малафееў (нар. 2 чэрвеня 1942, Краснаярск, РСФСР) — савецкі футбаліст, нападнік зборнай СССР. Заслужаны майстар спорту СССР (1967). Пасля — савецкі і беларускі футбольны трэнер, Заслужаны трэнер Беларускай ССР (1979), Заслужаны трэнер СССР (1989).

Эдуард Малафееў
Поўнае імя	Эдуард Васілевіч Малафееў
Нарадзіўся	2 чэрвеня 1942(1942-06-02)[1][2] (83 гады) Краснаярск, Краснаярскі край, РСФСР, СССР
Грамадзянства	СССР → Беларусь, Расія
Рост	175 см
Вага	74 кг
Пазіцыя	нападнік
Клубная кар’ера[* 1]
1960 Авангард (Каломна) 22 (0) 1961—1962 Спартак (Масква) 4 (0) 1963—1974 Дынама (Мінск) 278 (114)
Нацыянальная зборная[* 2]
1963—1968 СССР 40 (6)
Трэнерская кар’ера
1974—1975 Дынама (Мінск) трэнер 1977—1978 Дынама (Брэст) 1978—1983 Дынама (Мінск) 1979 БССР 1983—1984 СССР (алімпійская) 1984—1986 СССР 1985—1987 Дынама (Масква) 1988—1991 Дынама (Мінск) 1992 Асмарал (Кіславодск) 1993—1994 Дынама-Газавік (Цюмень) 1995 Змена (Мінск) 1995 Дынама-Газавік (Цюмень) 1996—1998 Анжы (Махачкала) 1999—2000 Пскоў 2000—2003 Беларусь 2001—2002 Дынама (Мінск) 2002—2003 Пскоў 2003 Факел-Варонеж 2005—2006 Каўнас 2006 Харт оф Мідлатыян в.а. 2006—2007 МТЗ-РІПА (Мінск) 2007 Шылуце 2008—2009 Дынама (СПб) 2009—2010 Шахцёр (Салігорск) 2010 Дынама (СПб) 2010—2011 Пскоў-747
Узнагароды і медалі
Чэмпіянаты Еўропы Срэбра Іспанія 1964 Дзяржаўныя ўзнагароды Заслужаны майстар спорту СССР
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Кар’ера іграка

Пачынаў кар’еру ў Каломне за мясцовы «Авангард», пазней гуляў за маскоўскі «Спартак». У 1963 годзе быў запрошаны ў мінскае «Дынама», дзе гуляў больш за 10 год (1963—1974). За «Дынама» забіў 114 галоў, што дазволіла ўвайсці ў склад клуба Рыгора Фядотава.

У 1963—1968 гадах гуляў за зборную СССР. Срэбраны прызёр чэмпіянату Еўропы 1964.

Кар’ера трэнера

Пасля заканчэння кар’еры перайшоў на трэнерскую працу. У 1978 г. узначаліў мінскае «Дынама», якое прывёў да золата чэмпіянату СССР (1982). Пазней яшчэ два разы вяртаўся ў «Дынама» (1988—1991, 2001—2002).

У 1984—1986 гадах быў галоўным трэнерам зборнай СССР, якая пад яго кіраўніцтвам перамагла ў адборачным турніры да чэмпіянату свету 1986.

Пазней трэніраваў розныя клубы Расіі, Беларусі і Літвы. У 2000—2003 быў галоўным трэнерам зборнай Беларусі, якую прывёў да лепшага дасягнення (3 месца ў адборачным турніры да чэмпіянату свету 2002).

У снежні 2009 года быў прызначаны галоўным трэнерам салігорскага «Шахцёра». Абяцаў прывесці клуб да залатых медалёў чэмпіянату, але з-за хваробы пакінуў пасаду галоўнага трэнера ўжо ў маі 2010 года. У 2010—2011 зноў працаваў у Расіі, а з 2012 года працуе ў структуры мінскага «Дынама», курыруючы моладзевыя каманды.