Юзаф Тадэвуш Агінскі

Юзаф Ян Тадэвуш Агінскі (1700 — 6 снежня 1736) — дзяржаўны і ваенны дзеяч Вялікага Княства Літоўскага, ваявода троцкі (1730—1736).

Юзаф Тадэвуш Агінскі
Józef Jan Tadeusz Ogiński
Герб «Агінскі»
Ваявода троцкі 1730 — 6 снежня 1736
Папярэднік	Казімір Дамінік Агінскі
Пераемнік	Міхал Казімір Радзівіл Рыбанька
Вялікі мечнік літоўскі 1729 — 1730
Папярэднік	Мікалай Фаўстын Радзівіл
Пераемнік	Ігнацы Завіша
Нараджэнне	1700 ці 1693
Смерць	6 снежня 1736(1736-12-06)[1][2] Маладзечна, Ашмянскі павет, Віленскае ваяводства, Вялікае Княства Літоўскае[1][2]
Род	Агінскія[3]
Бацька	Казімір Дамінік Агінскі[4][2]
Маці	Элеанора з Войнаў[d][2]
Жонка	Ганна з Вішнявецкіх[d][5][6]
Дзеці	Міхал Казімір Агінскі[1][6], Аўгуста з Агінскіх[d][1][6], Генавефа з Агінскіх[d][1][6], Казіміра з Агінскіх[d][1][6], Альжбета з Агінскіх[1][6], Кацярына з Агінскіх[d][1][6] і Ганарата з Агінскіх[d][1][6]
Званне	генерал-маёр[2]

Біяграфія

Прыхільнік Аўгуста Саксонскага, разам з расійскімі войскамі змагаўся з супраціўнікамі саксонскай групоўкі ў Вялікім Княстве. Генерал-маёр войска ВКЛ (1726), вялікі мечнік літоўскі (1729—1730). У 1730 годзе заняў пасаду троцкага ваяводы.

Валодаў палацам у Гродне.

Сям'я

Паходзіў са старэйшай княжацкай лініі роду Агінскіх уласнага герба, сын віленскага ваяводы Казіміра Дамініка Агінскага і Элеаноры з Войнаў.

Жонка Ганна з Вішнявецкіх

У 1721 годзе ажаніўся з князёўнай Ганнай Вішнявецкай (1700 — 1732), дачкой вялікага літоўскага гетмана Міхала Сервацыя Вішнявецкага. Меў з ёй дзяцей:

• Міхала Казіміра (1729 — 1830), вялікага гетмана літоўскага (1768—1793);
• Аўгусту, жонку троцкага кашталяна Канстанціна Людвіка Плятэра;
• Генавефу, жонку полацкага кашталяна Адама Бжастоўскага;
• Катажыну, жонку літоўскага падканцлера Антонія Тадэвуша Пшаздзецкага;
• Казіміру, жонку літоўскага падскарбія Міхала Бжастоўскага;
• Альжбету (1731 — 1771), жонку з 1754 літоўскага кухмістра Міхала Вяльгорскага.