Карнеол

Карнеол, або сердалі́к — мінерал, чырванавата-ружовая, жоўта-чырвоная ці аранжавая-чырвоная разнавіднасць халцэдону. Ювелірна-вырабны камень.

Сердалік
Паліраваны карнеол
Формула	SiO2
Сінгонія	Трыганальная
Колер	Ружовы, карычнева-чырвоны
Колер рысы	Белы
Бляск	Васковы
Празрыстасць	Прасвечвае ў тонкіх зрэзах
Цвёрдасць	6,5 - 7
Спайнасць	Адсутнічае
Злом	Няроўны, радзей - шкарлупісты
Шчыльнасць	2,58 - 2,64 г/см³
Паказчык пераламлення	1,530 - 1,539

Назва

Назва мінерала звязана з афарбоўкай каменя (ад лац.: Cornus — ягада кізіла), а 'сердалік' — ад грэчаскай назвы гэтага каменя σαρδόνυξ.

Уласцівасці

Асаблівасці афарбоўкі абумоўлены складам і характарам размеркавання прымешак, у якасці галоўнага хромафора выступае мінерал гематыт, які знаходзіцца ў карнеоле ў выглядзе тонкадысперсных раўнамерна распыленых мікрачасціц. Прасвечвае ў тонкіх сколах.

Фізіка-хімічныя ўласцівасці мінерала супадаюць з уласцівасцямі халцэдона.

Радовішчы

У Індыі (Гуджарат) у ЗША (штат Мантана). Масіў Карадаг у Крыму. З Індыі паступаюць самыя прыгожыя гатункі каменя — пасля працяглага знаходжання на святле колер з карычняватага пераходзіць у густы аранжава-чырвоны. Радовішчы таксама ў Бразіліі, Уругваі, у Забайкаллі (Расія).

Літаратура

• Сердалік, карнеол // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 349. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Карнеол у базе мінералаў (англ.)
• Сердолик (руск.) — артыкул з Вялікай савецкай энцыклапедыі
• Артыкул на сайце «Мир минералов» Архівавана 26 лютага 2014. (руск.)