Шэфілдскі ўніверсітэт
From Wikipedia, the free encyclopedia
From Wikipedia, the free encyclopedia
Шэфілдскі ўніверсітэт (англ.: University of Sheffield) — брытанская дзяржаўная даследчая вышэйшая навучальная ўстанова са статусам універсітэта з сядзібай у горадзе Шэфілд.
Шэфілдскі ўніверсітэт | |
---|---|
англ.: University of Sheffield | |
Арыгінальная назва | англ.: University of Sheffield |
Заснаваны | 1828 |
Год рэарганізацыі | 1905 |
Краіна | |
Размяшчэнне | Шэфілд, Англія |
Сайт | sheffield.ac.uk |
Медыяфайлы на Вікісховішчы |
Універсітэт бярэ пачатак ад заснавання Шэфілдскай медыцынскай школы ў 1828 годзе, Фертаўскага каледжа ў 1879 годзе і Шэфілдскай тэхнічнай школы ў 1884 годзе. Шэфілдскі ўніверсітэцкі каледж быў пасля ўтвораны шляхам аб'яднання трох устаноў у 1897 годзе і атрымаў каралеўскую грамату як Шэфілдскі ўніверсітэт у 1905 годзе ад караля Эдуарда VII.
Ён складаецца з 50 акадэмічных аддзелаў, якія арганізаваны ў пяць факультэтаў і міжнародны факультэт. Гадавы даход установы ў 2020/2021 навучальным годзе склаў 741 мільён фунтаў стэрлінгаў, з якіх 163 мільёны фунтаў стэрлінгаў прыпадалі на даследчыя гранты і кантракты, а выдаткі склалі 708,6 мільёна фунтаў стэрлінгаў.
ВНУ ўваходзіць у 10 лепшых універсітэтаў Вялікабрытаніі па фінансаванні даследчых грантаў і стаў нумарам адзін у Вялікабрытаніі па даходах і інвестыцыях у інжынерныя даследаванні паводле новых дадзеных, апублікаваных Агенцтвам па статыстыцы вышэйшай адукацыі. Гэта адзін з 7 лепшых брытанскіх універсітэтаў па колькасці аспірантаў.
Універсітэт з'яўляецца адным з старых і прэстыжных "універсітэтаў з чырвонай цэглы" і членам-заснавальнікам прэстыжнай Расэлаўскай групы ўніверсітэтаў. Ён таксама з'яўляецца часткай Сусветнай сеткі універсітэтаў. Уваходзіць у сотню лепшых універсітэтаў свету на працягу апошніх пятнаццаці гадоў. У 2019 годзе Time Higher Education паставіў універсітэт на 22-е месца ў Еўропе па выніках выкладання.
Універсітэт мае восем нобелеўскіх лаўрэатаў, шэсць з іх з'яўляюцца выпускнікамі або былымі шматгадовымі супрацоўнікамі ўніверсітэта. Яны ўнеслі ўклад у распрацоўку пеніцыліну, адкрыццё цыклу лімоннай кіслаты, даследаванне высакахуткасных хімічных рэакцый, адкрыццё інтронаў у ДНК эукарыётаў, адкрыццё фулерэнаў і распрацоўку малекулярных машын. Сярод выпускнікоў таксама некалькі кіраўнікоў дзяржаў, міністраў, суддзяў, лаўрэатаў Букераўскай прэміі, касманаўтаў і залатых прызёраў Алімпійскіх гульняў.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.