Aljer

Kêr-benn Aljeria eo Aljer (arabeg: الجزائر al-Jazāʼir; galleg: Alger; berbereg: ⴷⵣⴰⵢⴻⵔ Dzayer), lesanvet « al Bahdja » (« al Lufrus ») pe « ar gêr wenn », houmañ eo kêr vrasañ ar vro gant 3 milion a annezidi en he zolpad-kêrioù, da lavaret eo 10% eus poblañs Aljeria. Ur porzh bras eo, unan eus ar re bouezusañ war aodoù ar Mor Kreizdouarel.

Bae Aljer

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Orin an anv

Peurvuiañ e vez komprenet an anv diwar ar ger arabek Jazira (unander) ha Jaza'ir (liester), da lavaret eo "an Enezeier" pa 'z eus un nebeud enezennoù e-tal ar porzh enklozet er chaoser hiziv. Koulskoude eo bet kinniget anv berberek un dierniezh, ar Ziridi (sellet ouzh istor ar gêr), pa dalvez tiziri loargann e berbereg.

Douaroniezh

Skoed-ardamez Aljer

War dinaou menezioù Sahel al Jaza'ir emañ ar gêr he deus astennet he zakad war 230 km² betek 30 km eus an aod. War dinaou unan eus ar menezioù eo kluchet ar C'hasbah (Kasbah), karter koshañ ar gêr.

C'hwec'h dor gozh a zo tro-dro d'ar gêr (bab = dor): Bab El-Oued, Bab Azzoun, Bab Dzira, Bab El Bhar, Bab Jedid ha Bab Sidi Abd Rahmane.

An amzer en Aljer:

Miz	Genver	C'hwevrer	Meurzh	Ebrel	Mae	Even	Gouere	Eost	Gwengolo	Here	Du	Kerzu	Bloavezh
Keidenn temperadur bihanañ (°C)	7	8	9	9	12	15	17	19	14	11	6	7	11.5
Keidenn temperadur brasañ (°C)	16	17	18	20	23	26	27	29	26	23	16	16	17.2
Dour (mm)	112	84	74	41	46	15	1	5	41	79	130	137	764
Devezhioù gant glav	12	8	5	6	3	3	2	2	3.2	2	10	14	70
Rekord a yenijenn (°C)	-11	-8	-5	3.8	3.8	9.4	13.4	13.8	11.6	7.2	-4	-10	-9
Rekord a tommder (°C)	24.4	30	28.8	37.2	41.2	44.6	41.1	47.2	44.4	37.7	31.1	29.1	47.2

Istor

Henamzer

Seblantout a ra Aljer bezañ bet diazezet gant ar Fenikianed er IVre kantved kent Jezuz-Krist pa'z eus bet kavet listri kampiniat e foñs ur puñs e 1940.

• Dont a ra ar gêr, anvet [[Ikosim] (Enezenn ar gouelini) ur c'hontouer fenikian eus re oberiusañ er 1añ kantved kent Jezuz-Krist
• E 202 kent Jezuz-Krist e kouezh kêr dindan levezon ar Romaned diwar an emglev etre Massinissa, roue Numidia ha Skipio an Afrikan evit stourm ouzh Kartada. Icosium eo anv roman kêr er mare-se.
• War-dro ar IVe kantved e teu ar gristeniezh, relijion nevez an impalaeriezh roman.
• Aloubet gant ar Vandaled e 429, eo adroet d'ar Romaned diwar un emglev e 442
• Goude 533, o vezañ ma n'eo ket difennet brav gant ar Vizantidi, eo bet aloubet Aljer gant ar Verbered

Krennamzer

Gevellerezh

Gevellet eo Aljer gant meur a gêr tro ar bed:

Amman Jordania Beijing  Sina Berlin  Alamagn Buenos Aires Arc'hantina El Aaiún Sahara ar C'hornôg Kaero  Egipt Pariz,  Bro-C'hall Montréal, Kebek Rabat  Maroko Londrez Bro-Saoz Tuniz  Tunizia Moskov Rusia Barcelona Katalonia Geneva  Suis

Izmir Turkia Sofia  Bulgaria Tir Liban Tripoli Libia Roma,  Italia Dakar  Senegal Amsterdam  Izelvroioù Washington D.C. Stadoù-Unanet Shanghai  Sina Bourdel Okitania Dubai Emirelezhioù Arab Unanet Santiago Chile São Paulo  Brazil Sarajevo Bosnia-ha-Herzegovina Surakarta Indonezia

Arzourien ganet en Aljer

• Roger Hanin
• Daniel Auteuil
• Marlène Jobert
• Guy Bedos
• Vincent Colonna
• Tony Gatlif