SIG SG 550

 Ar SIG SG 550, anvet ivez Fass 90 (evit Fusil d'Assaut 90) pe Stgw. 40 (evit Sturmgewehr 40) en arme, zo ur fuzuilh-arsailh produet abaoe 1986 gant an embregerezh SIG Sauer. Choazet eo bet evel arm-skoaz standart an arme suis e 1983, hag implijet e vez gant nerzhioù a bep seurt broioù abaoe. Meur a adstumm anezhi a gaver, hag unan eus ar fuzuilhoù-arsailh brudetañ eo evit kalite he froduiñ^[1].

SIG SG 550
Ur fuzuilh-arsailh SIG SG 550
Kinnig
Bro	Suis
Doare	Fuzuilh-arsailh aotomatek/damaotomatek/tennadegoù 3 zenn
Mont en-dro	Tennata dre amprest-gazoù, piston
Munisionoù	5,6 mm Suis (evit arme Suis) 5,56 × 45 mm NATO (evit an ezporzhiañ) 7,62 × 39 mm M43 (SG 553 R) .300 AAC Blackout (SG 553 BK) 6,5 mm Creedmoor (SG 750) 7,62 × 51 mm NATO (SG 751)
Produer	SIG Sauer
Mare krouidigezh	Bloavezhioù 1970 ha 1980
Mare produiñ	Abaoe 1986
Niver produet	Ouzhpenn 600.000
Mare implij	Abaoe 1990 (arme Suis)
Pouez ha muzulioù
Mas (hep kartouchenn)	4,100 kg
Hirder	1.000 mm (lamm dibleget) 772 mm (lamm pleget)
Hirder ar c'hanol	528 mm
Perzhioù all
Hed-tenn pleustrek	Etre 100 ha 400 m hervez ar munisionoù
Tizh mont e-maez ar boledoù	911 m/s
Lusk-tennañ	700 tenn/mn
Endalc'h	Kargerioù fiñv 5, 20 pe 30 kartouchenn Kargerioù en norm STANAG (stumm SG 556) Kargerioù AK-47 (stummoù SG 553 R hag SG 556 R)
Lezenn
Rummad e Bro-C'hall	A

Deskrivadur

Kambret e oa da gentañ ar SIG 550 e 5,56 × 45 mm, kalibr standart broioù AFNA. Dibaoe e vez kinniget stummoù kambret e 7,62 × 51 mm, 6,5 Creedmoor ha .300 AAC BLK. Ur stumm e 7,62 × 39 mm (bet standard armoù Pakt Varsovia) a gaver ivez. Lamm ar SIG 550 zo plegus, ha pourveziet eo gant kargerioù treuzwelus evit ma c'hallfe an tenner gwelet pet tenn a chom ennañ^[1]. Daou garger ouzhpenn a c'hall bezañ staget war gostezioù an arm evit buanaat ar pourveziañ da vare un emgann. Tri mod-tennañ a gaver war ar skouerennoù produet evit ar Stadoù : un tenn, tennadegoù 3 zenn, pe tennadegoù (mod aotomatek). Un daoubez zo stag dindan ar c'hanol. Ar pontig a c'haller plegañ evit tennañ gant manegoù^[2].

Implijerien ofisiel

•  Alamagn
• Arabia Saoudat
• Arc'hantina : stumm SG 552 Commando e servij er Grupo Albatros.
•  Brazil
•  Egipt
•  Estonia
• Finland
•  Frañs
•  India
• Indonezia
• Kanada
• Malaysia
•  Malta
• Pakistan
• Papoua Ginea-Nevez
• Republik Korea
• Rouantelezh-Unanet
• Roumania
•  Serbia
•  Slovakia
• Spagn
•  Suis
• Stadoù-Unanet Amerika
• Taiwan
•  Tunizia
• Turkia
• Vatikan
•  Venezuela