Opole
urbo en nuntempa Pollando From Wikipedia, the free encyclopedia
Remove ads
Opole (pole Opole ekde 1945; germane Oppeln; ĉeĥe Opolí) estas urbo en la sudokcidento de Pollando, kiu laŭ la stato de 2021 havis loĝantaron de 127 387 urbanoj, kio egalas al loĝdenso de 1324 homoj/km². La urbo estas la sidejo de okcidentslavaj opolanoj (kies duko el la linio de Piastoj Władysław Opolczyk fondis en 1382 monaĥejon de paŭlanoj sur Jasna Góra en Częstochowa). Ĉefurbo de silezia princlando Opolo respektive Opolo-Ratiboro, poste transprenita de Reĝlando Prusio kaj ĝis 1945 apartenanta al Germanio. Temas pri unu el historiaj ĉefurboj de Supra Silezio kaj unu el ties plej malnovaj urboj. Etimologie la nomo en slavaj lingvoj signifas najbaran komunumon. Situante meze de la regiono Supra Silezio kaj borde de la rivero Odro, la urbo estas la administra centro de provinco Opolio.
Opole situas inter la urboj Vroclavo (pole Wrocław, germane Breslau) kaj Katowice (germane Kattowitz) kaj estas centro de germanlingva minoritato de la lando. Krome ĝi ankaŭ estas sidejo de katolika diocezo, do havas katolikan episkopon. En Opole troviĝas universitato (kun la unua fakultato pri katolika teologio de Pollando), teknika universitato, altlernejo pri arto kaj muziko kaj pluraj sciencaj institutoj.
Remove ads
Honoraj civitanoj de la urbo
- Andrzej Wajda, filma reĝisoro
- Elżbieta Dzikowska, verkistino kaj vojaĝistino
- Jerzy Grotowski, teatra reĝisoro kaj teoriulo
- Lech Wałęsa, gvidanto de Solidareco
- Ryszard Kaczorowski, la lasta pola prezidento en ekzilo
Aliaj personoj ligitaj kun la urbo
- Dieter Messner, lingvisto
- Jan Kasprowicz, pola poeto
- Jan Fethke, pola-germana filma reĝisoro, esperantisto
- Miroslav Klose, pola-germana futbalisto
Esperanto en Oppeln
La unua Esperanto-klubo estis fondita en 1908. En 1919 en Opole esperantistiĝis fratoj Fethke: Stephan (* 1901), Jan (* 1903) kaj Edmund (* 1905). La familio Fethke translokiĝis al Bydgoszcz en 1921. Krome aktivis esperantistino Elżbieta Solak.
Partneraj urboj
vojmontriloj al la partneraj urboj de Opole
Potsdam (Brandenburgo, Germanio) ekde 1973
Székesfehérvár (Hungario) ekde 1978
Kuopio (Finnlando) ekde 1980- Mülheim an der Ruhr (Nordrejn-Vestfalio, Germanio) ekde 1989
Alytus (Litovio) ekde 1993
Roanoke (Virginio) (Usono) ekde 1994
Agii Anargiri (Grekio) ekde 1996- Bonn (urba distrikto, Nordrejn-Vestfalio, Germanio) ekde 1997
Bruntál (Ĉeĥio) ekde 1997
Carrara (Italio) ekde 2000
Grasse (Francio) ekde 2000- Ingolstadt (Bavario, Germanio) ekde 2005
Krome la provinco Opolio ekde februaro 1996 havas partnerajn rilatojn al la federacia lando Rejnlando-Palatinato de Germanio.
Galerio
riverborda panoramo
la historia centro
la centra placo
kirko sankta Sebastiano
la urbodomo
historia defenda turo
la urba katedralo
kirko sankta Francisko
loka muzeo kaj kirko "Bergelkirche"
akvovojo "Mühlgraben"
kirko sankta Jozefo
domo "Eishaus" ĉe la eksa kastela lago
la ĉefstacidomo
Remove ads
Eksteraj ligiloj
Wikiwand - on
Seamless Wikipedia browsing. On steroids.
Remove ads