Laminoria
From Wikipedia, the free encyclopedia
From Wikipedia, the free encyclopedia
Laminoria edo Laminoriako Errege Harana[1] Arabako ekialdeko haran eta kontzeju bat da, Mendialdean kokatua. Antzina udalerria izan zen; gaur egun, Arraia-Maeztu izeneko udalerriaren barnean dagoen kontzeju bat da.
Laminoria | |
---|---|
Euskal Herria | |
Laminoriako udaletxea izan zena Zekuianon. | |
Kokapena | |
Herrialdea | Araba |
Udalerria | Arraia-Maeztu |
Administrazioa | |
Posta kodea | 01129 |
Geografia | |
Koordenatuak | 42°45′12″N 2°26′21″W |
Garaiera | 679 m |
Demografia | |
Biztanleria | 78 (2020) |
Igoroin errekak harana zeharkatzen du. Beste batzuen artean, iparraldean Indiagana eta Santa Elena, ipar-ekialdean Iturrieta eta Entzia nahiz hegoaldean Abitigarra eta Arburu mendiek mugatzen dute. Haranaren izena daraman meategiak dakartzan kalte ekologikoengatik eztabaida iturria izan da[2].
Ondorengo herri hauek dira Laminoriako kide (parentesi artean, 2007ko biztanle kopurua): Aletxa (38), Areatza (8), Elortza (18), Erroeta (27), Erroitegi (28), Ibisate (6), Musitu (13) eta herriburua, Zekuiano (95). Zekuianon dago, oraindik, haraneko udaletxea izan zena; gaur egun Laminoriako batzar administratiboa han biltzen da, eta batzuetan auzokideen bilgunetzat erabiltzen da.
Harana Santa Piako abadearen jaurerria zen; izen bereko monasterioa egon zen XIX. mendean suntsitu zuten arte. 1785ean errege jaurerri bilakatu zen, eta hortik dator Laminoriako Errege Harana izena.
Anglo-Vasco-Navarro trenbidea egitean, obra nagusietakoa Laminoriako tunela izan zen; 2 kilometro zituenez, luzeena zen, eta aitzindarietakotzat jo da.
Arabako ermandade zaharraren antzeko mugekin udalerri modernoa sortu zenetik zenbait anexio-prozesu suertatu dira. 1958an Arraia eta Apilaizekin bat egin zuen, Maeztu izena hartu zuen udalerria sortzeko; azken hau, Korres ere 1965ean jaso eta gero, 1987an izena aldatu eta Arraia-Maeztu bilakatu zen.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.