Dunkerque

Dunkerque (nederlanderaz Duinkerke^ⓘ; mendebaldeko flandierazDuynkercke/Duunkerke^ⓘ; ingelesez Dunkirk) Frantziako Nord departamenduko hiria da, Ipar Itsasoaren ertzean kokaturik dagoena. 2012an 90.995 biztanle zituen^[1].

Dunkerque Dunkerque Duunkerke Duinkerken
Frantziako udalerria
Irudi gehiago
Administrazioa
Estatu burujabe	Frantzia
Frantziaren banaketa administratiboa	metropolitar Frantzia
Eskualdea	Frantzia Garaia
Departamendua	Nord
Barruti	Dunkerqueko barrutia
Alkatea	Patrice Vergriete
Izen ofiziala	Dunkerque
Jatorrizko izena	Dunkerque Duunkerke Duinkerken
Posta kodea	59140, 59240, 59430, 59640 eta 59279
Geografia
Koordenatuak	51°02′16″N 2°22′35″E
Azalera	43,89 km²
Altitudea	0 m, 17 m eta 5 m
Mugakideak	Coudekerque-Branche, Spycker, Téteghem-Coudekerque-Village, Armbouts-Cappel, Cappelle-la-Grande, Grande-Synthe, Leffrinckoucke eta Loon-Plage
Demografia
Biztanleria	87.013 (2022ko urtarrilaren 1a)
45.586 (%52,4)   (%48) 41.767
Dentsitatea	1.983 bizt/km²
Informazio gehigarria
Sorrera	2010eko abenduaren 9a eta VII. mendea
Ordu eremua	UTC+01:00 eta UTC+02:00
Hiri senidetuak	Krefeld, Middlesbrough, Liberec, Ramat HaSharon (en) , Riga, Rostock eta Gaza
ville-dunkerque.fr

XVI. mendeko Saint-Éloi eliza eta Notre-Dame-des-Dunes kapera gorde ditu.

Geografia

Belgikako mugatik 10 kilometrotara kokatuta, hiria historikoki Flandriari lotuta egon da. Hori zela eta XX. mendera arte, mendebaldeko flandriera izan da eskualdeko ama-hizkuntza. Hala ere, egun frantsesa da.

Egungo Dunkerke hiriak Rosendaël alboko herria (20.000 biztanle) hartzen du bere barnean.

Auzoak

• Dunkerque
  • Centre-ville
  • Saint Gilles
  • Soubise
  • Citadelle
  • Grand Large
  • Glacis
  • Victoire
  • La Gare
• Dunkerque-Sud
  • Basse ville
  • Ile Jeanty
  • Carré de la Vieille
  • Jeu de Mail
• Petite Synthe
• Malo-les-Bains
• Rosendaël
• Mardyck

Historia

Erdi Aroan Flandesko, Burgundiako eta Austriako etxeen mendean egon ondoren, Espainiako koroak hartu zuen hiria eta bertan antolatu zuten Espainiaren eta Herbehereen arteko portu nagusia. Turenne marexalak hiria konkistatu zion Condé printzeari (1658) eta Pirinioetako Bakearen ondorioz (Irun, 1659) Frantziako koroaren esku geratu zen. Ingelesak hiria hartzen saiatu ziren 1793an.

1940an oso gudu bortitzak gertatu ziren Alemaniako osteen eta Belgika aldean zeuden britainiar eta frantses osteen artean. Alemaniarrak nagusitu ziren eta armada aliatuen atzeratzea bultzatu zuten. Bigarren Mundu Gerraren ondoren guztiz hondatua geratu zen.

Ekonomia

Industriagune garrantzitsua da: ontziolak, ehunak, petrolio findegiak, indar etxea, altzairugintza.

Dunkerquekoa Frantziako hirugarren portua da (33.329.000 tona 1984an). Inportazio nagusiak burdina, ongarriak, artilea, kotoia, laboreak, olioak eta petrolioa dira. Esportazioak, berriz, landuriko produktuak eta findutako petrolio gaiak. Kanal batek lotzen du Valenciennes hiriarekin.

Hiri eta herri senidetuak

Dunkerque ondorengo hiriekin senidetuta dago:

•  Krefeld (Alemania)
•  Middlesbrough (Erresuma Batua)
•  Gaza (hiria) (Palestina)
•  Riga (Letonia)
•  Rostock (Alemania)
•  Vitoria (Brasil) (Brasil)
•  Corumbá (Brasil)

Dunkerquetar ezagunak

• Jean van Reyn (1610-1650), margolaria
• Jean Bart (1650-1702), korsarioa

Iruditegia

• 
  Soubise
• 
  La Citadelle
• 
  Les Glacis
• 
  Ile Jeanty
• 
• 
• 
  Ziegler parkea
• 
  Petite-Synthe
• 
  Udaletxea
• 
  Feu de Saint-Pol
• 
  Kale bat
• 
  Portuko museoa
• 
  Duchesse Anne
• 
  Entreprenant