Gregorio Ibarretxe

Gregorio Ibarretxe Ugarte (Bilbo 1864 – 1933) euskal herritar politikari jeltzale eta arkitekto bat izan zen.

Gregorio Ibarretxe
Bilboko alkatea 1907ko otsailaren 19a - 1909ko ekainaren 29a ← Gregorio Balparda - Jose Horn →
Bizitza
Jaiotza	Bilbo, 1864ko azaroaren 27a
Herrialdea	Bizkaia, Euskal Herria
Heriotza	1933ko uztailaren 26a (68 urte)
Hezkuntza
Heziketa	Bartzelonako Arkitekturako Goi Eskola Teknikoa 1892)
Hizkuntzak	gaztelania
Jarduerak
Jarduerak	politikaria eta arkitektoa
Lan nabarmenak	ikusi Ertzilla, 18. zenbakiko eraikina Ibaigane jauregia
Kidetza	Euskal-Erria elkartea
Sinesmenak eta ideologia
Alderdi politikoa	Eusko Alderdi Jeltzalea

Biografia

Bilboko Zazpi Kaleetako auzoko Barrenkalen jaio zen 1864ko azaroan. Lehenengo ikasketak Orduñako jesuiten barnetegian egin zituen. Batxilergoa Valladoliden egin zuen. Karrera Bartzelona egin zuen, Luis Aranarekin batera. Arkitektura titulua 1893an eskuratu zuen. 1904an Dolores Basualdorekin ezkondu zen baina ez zuen seme-alabarik izan. 1890tik 1933 arte Bilboko zabalgunearen urbanizazioan hartu zuen parte. Politika alorrean, EAJn sartu aurretik Euskal-Erria elkarte foruzaleko kidea izan zen.^[1]

Bilboko zinegotzia izateaz gain, 1907ko otsailaren 19a eta 1909ko ekainaren 29a bitartean hiribildu honetako lehenbiziko alkate abertzalea bilakatu zen.^[2] Alkate gisa bere lehenbiziko ekimena 1874ko Bilboko setioaren altxatzea oroitarazten zuen maiatzaren 2ko jaiaren ospakuntzaren aurka bozkatzea izan zen.^[3]

Arkitektura lan nagusiak

• Sotatar enpresaburu familiaren enkarguz Bilboko Jado plazako eraikina eta Ibaigane jauregia eraiki zituen, ^[4] eta baita Getxoko Areetan dagoen Ramón de la Sotaren etxea ere.

• Urazurrutiako eskolak (1902), Bilbo Zaharrean.^[5]
• Gordailu Frankoaren eraikina (1917-1926), Bilboko Uribitarten.^[5]