SC Natzab

Sc Natzab (Iruñea, 1964), (Zuriñe Baztan lehenago), euskal transfeminista ekintzailea, pertsona transexualen eskubideen defendatzailea eta bere bizi-esperientziatik abiatuta transexualitatearen despatologizazioaren aldeko borrokan aritua da. ^[1] 2016tik aurrera Grezian zehar eta Lesbos uhartean errefuxiatuen egoera hurbiletik jarraitu du.^[2]

SC Natzab
(2019) Irudi gehiago
Bizitza
Jaiotzako izen-deiturak	Zuriñe Martinez Baztán
Jaiotza	Iruñea, 1964 (60/61 urte)
Herrialdea	Nafarroa Garaia, Euskal Herria
Hezkuntza
Hizkuntzak	gaztelania euskara
Jarduerak
Jarduerak	trans eskubideen aldeko ekintzailea eta ekintzaile ekologista
Mugimendua	transfeminismoa ekologismoa antimilitarismoa
Izengoitia(k)	SC Natzab

Ibilbidea

Klinika-laguntzaile izateko ikasketak egin zituen baita baso-laguntzailea izatekoak ere. Lorezaintzan aritu eta agroekologiaren defendatzailea da mundu justu, libre, berdinkide eta iraunkorra eraikitzeko bere hausnarketak argitara emanez. Bere aktibismoa nabaria da mugimendu ekologistan, antimilitaristan eta feministan (eko eta trans). ^[3][4][5]

Intsumisioaren alde egin zuen soldadutza ez egitea erabaki zuenean. Hori dela eta,  Arabako Langraiz Okako espetxean kartzela zigorra bete behar izan zuen. Bertan izandako bizi-eskarmentu sakonagatik, harrezkeroztik Salhaketarekin, preso daudenenekiko elkartasun-mugimenduarekin lan egin zuen. Euskal Herrian desazkundearen aldeko Mugimenduko ekintzailea izan da, Fracking Ez Araban Plataforman  ^[6] baita "Las Trans" Kolektiboan, bere aurpegi publikoa izan ze larik.^[7]

SC Natzab trans aktibistak parte hartu zuen Sukuboren sorkuntzan, Gasteizen erreferente den gune lesbotransfeministan. Euskadi mailan “STOP PATOLOGIZACION TRANS” sarearen bozeramailea izan zen, bere xedea hauxe izanik: genero bitarren barruan sailkatu ezin diren identitate eta gorputzak bistaratu, legitimatu eta balioa eman. Pikara Magazinek bultzaturiko zeinu-hizkuntzan egindako glosategian lagundu zuen. ^[8] Ipuinak idazten ditu queer errealitateak bistaratzeko asmoz. 

2016tik aurrera pertsona errefuxiatuekiko elkartasun mugimenduan murgilduta dago eta parte hartzen ari da squadsetan, Grezian pertsona errefuxiatuek okupaturiko espazioetan. ^{[9][10] [11][12]}

Emakume lesbiana eta transexual gisa, bere bizi-esperientziatik abiatuta trans pertsonen medikalizazioa salatzen du, baita gorputzaren eta sexualitatearen gainean inposatzen diren arau normatiboak ere. Pertsona guztien giza eskubideen zein emakume guztien sexu- eta ugalketa-eskubideen alde borrokatzen du.^[13]

Lanak

Parte hartu du lan hauetan:

• 2012 – El Fracking Soberanía Alimentaria aldizkarian, 9. zenbakia. ^[6]
• 2014 – Feminismos lesbianos y queer: representación, visibilidad y políticas liburuan,  Bi kapituluen egilea:  "Una vida en la fisura (queer)" ^[14] eta "¿Por qué identificarte como heterosexual?" ^[15]

• 2014 – Arrakala. Dokumentala. Produkzioa: Topatu eta Bilgune Feminista.^[16]
• 2017 – Atenas. Meeting point. Dokumentala. Zuzendaria Carmen PG Granxeiro.^[17]
• 2018 – De objetos de estudio a SUJETAS. ONGD Mundu Berriak egindakoa.^[18]
• 2020 – Bi urte lau hilabete eta egun bat. Dokumentala. Zuzendaria Lander Garro.^[19]