Gran Premio de España de 2016
From Wikipedia, the free encyclopedia
O Gran Premio de España de 2016 (oficialmente o Fórmula 1 Gran Premio de España Pirelli 2016) é unha carreira de Fórmula 1 que se disputou o 15 de maio de 2016 no Circuíto de Cataluña, Montmeló, España. Foi a quinta carreira do Campionato Mundial de Fórmula 1 de 2016 e o vixésimo sexto en Cataluña.
| ||
| Nome oficial | Formula 1 Spanish Grand Prix Pirelli 2016  | |
|---|---|---|
| Tipo | Gran Premio de España | |
| Deporte | automobilismo | |
| Parte de | Campionato Mundial de Fórmula 1 de 2016 | |
| Distancia do evento | 66 | |
| Localización e Datas | ||
| Localización | Circuíto de Cataluña (Vallès Oriental) 41°34′12″N 2°15′40″L | |
| Lonxitude | 4,675 km | |
| País | España | |
| Data | 15 de maio de 2016 | |
| Competición | ||
| Primeiro posto | Max Verstappen | |
| Pole position | Lewis Hamilton | |
| Volta máis rápida | Daniil Kvyat | |
 |
A Galipedia ten un portal sobre: Fórmula 1 |
Antecedentes
Cambios de piloto
Daniil Kvyat e Max Verstappen cambiaran os seus postos para a carreira. Verstappen uniuse a Red Bull Racing mentres que Kvyat volveu a Toro Rosso.[1] O director do equipo Red Bull Christian Horner explicou o troco de pilotos polo talento de Verstappen, dicindo que o mozo holandés de 18 anos de idade, e Daniel Ricciardo tiñan o potencial para converterse na mellor parella de pilotos de Fórmula 1.[2] Ademais, fixo fincapé en que o movemento de Verstappen a Red Bull previsiblemente ataríalle ao equipo no futuro.[3] Daniil Kvyat pola súa banda expresou a súa sorpresa pola decisión, dicindo que durante a roda de prensa do xoves que estaba "conmocionado" polo seu descenso de categoría, explicando que Red Bull non lle deu unha "explicación real ".[4]
Tras problemas coa súa unidade de alimentación nos Grandes Premios de China e Rusia, Lewis Hamilton recibiu unha unidade MGU-H redeseñada na parte que causou os seus problemas anteriormente.[5] Con todo, Mercedes foi incapaz de garantir que o problema non volverá a aparecer.[6]
Sendo España a primeira carreira en Europa Occidental, e tendo un test de metade de tempada logo da carreira, moitos equipos presentaron as súas primeiras actualizacións importantes nos coches para o Gran Premio. Mercedes correu cun novo alerón dianteiro co nariz "máis puntiagudo" durante a primeira sesión libre. Fixéronse outros cambios na cuberta do motor e o alerón traseiro. McLaren fixo os cambios máis significativos no seu MP4-31, sobre todo no alerón dianteiro, que o comentarista de Sky Sports Ted Kravitz definiu como o "máis intricado alerón dianteiro que vin nunca ". Force India actualizo o seu VJM09 mellorando o fluxo de aire. Segundo o equipo, buscaban mellorar a facilidade de condución en lugar de tempos de volta máis rápidos. Renault presentou un novo chasis para Jolyon Palmer. Máis significativamente, o fabricante francés ten programado presentar unha nova versión da súa unidade de enerxía tanto para o seu equipo de fábrica como para Red Bull no test, catro días logo da carreira. Todos os demais equipos agás Sauber tamén fixeron cambios nos seus coches, o equipo suízo continua cos seus problemas financeiros.[7] Tamén anunciaron que ían ser obrigados a perderse a proba de metade de tempada, ao ser incapaz de presentar un piloto de desenvolvemento, as regulacións actuais esixen que dous dos catro días de probas sexan pilotados por pilotos mozos con talento.[8]
O campión da GP3 Series de 2015 Esteban Ocon pilotou para Renault durante a primeira sesión de adestramentos libres.[9]
Ao entrar na fin de semana, Nico Rosberg lideraba o campionato de pilotos, logo de lograr o número máximo de puntos dispoñibles nas catro primeiras carreiras con 100. Lewis Hamilton, seguíao en segundo lugar con 57 puntos, mentres que Kimi Raikkonen era terceiro con 43 puntos. Daniel Ricciardo era cuarto, por diante de Sebastian Vettel.[10] Na clasificación de construtores, Mercedes eran os primeiros con 157 puntos, 81 puntos de vantaxe sobre o segundo clasificado, Ferrari. Detrás, Red Bull adiantaba ao cuarto clasificado Williams por só seis puntos.[11]
Cualificación
A cualificación constou de tres quendas de 18, 15 e 12 minutos de duración, respectivamente, con seis pilotos eliminados da competición despois de cada unha das dúas primeiras sesións. Na primeira quenda da cualificación (Q1), Nico Rosberg estableceu un tempo de 1:23.002, o máis rápido da fin de semana ata ese momento, dúas décimas de segundo por diante do seu compañeiro de equipo de Hamilton. Manor e Sauber ocuparon as últimas filas da grella. A primeira volta de Felipe Massa foi sete décimas de segundo máis lenta que a do seu compañeiro de equipo Bottas e foi incapaz de fixar outra volta cronometrada, converteuse no eliminado sorpresa da Q1, detrás de Jolyon Palmer, que quedou no 17º posto por unha mellora final de Jenson Button.[12]
Na Q2, foi Hamilton, quen chegou á cima, exactamente seis décimas de segundo por diante de Rosberg. Verstappen foi terceiro, por diante de Ricciardo no quinto. Kimi Räikkönen tivo que abandonar a súa primeira volta rápida, pero máis tarde estableceu un tempo o suficientemente bo para ser cuarto. Mentres tanto, Sebastian Vettel fixo só unha volta rápida, aforrando un xogo de pneumáticos e foi sexto. No seu regreso a Toro Rosso, Kvyat foi eliminado en 13ª posición, mentres que o seu compañeiro Sainz pasou á Q3. Sergio Pérez pasou á Q3, eliminando ao seu compañeiro de equipo Hulkenberg no proceso, que quedaría na undécima posición da grella. Xunto a el, tamén quedaron eliminados da Q3 Jenson Button no duodécimo, con Romain Grosjean, Kevin Magnussen e Esteban Gutiérrez aliñados detrás Kvyat.[12]
Lewis Hamilton e Nico Rosberg foron os primeiros en saír na Q3. Hamilton fixo bos tempos nos primeiros sectores para lograr a nova volta rápida da fin de semana, pero un bloqueo de freos na curva dez arruinaron a súa volta e pneumáticos, entregando a pole provisional a Rosberg. A medida que os dous pilotos de Ferrari custáballes atopar o ritmo, Max Verstappen reclamou o segundo lugar, polo momento, antes de que os pilotos saíron para as súas segundas voltas. Na segunda volta Lewis Hamilton superou o tempo de Rosberg en case tres décimas de segundo, e logrou a quincuaxésima segunda pole da súa carreira. Os dous Red Bull de Ricciardo e Verstappen os seguiron, con Raikkonen e Vettel de Ferrari quinto e sexto, respectivamente, á máis dun segundo por detrás de Hamilton. Valtteri Bottas foi mellor dos demais por diante de Sainz, Pérez e Alonso.[13][14] Foi a primeira aparición na Q3 para McLaren, logo de renovar a súa asociación con Honda de 2015.[15]
Carreira
Na saída, Nico Rosberg conseguiu pasar polo exterior a Hamilton na primeira curva, mentres que Raikkonen perdeu posicións debido a unha saída lenta. Sebastian Vettel superou a Verstappen, pero este recuperou a posición de inmediato na aproximación á curva catro. Na parte dianteira da carreira, ao saír da curva tres Hamilton e Rosberg colisionaron terminando a carreira para os dous pilotos de Mercedes.[16] A colisión provocou a saída do coche de seguridade, por orde: Ricciardo, Verstappen, Sainz, Vettel e Raikkonen. O coche de seguridade entrou ao final da cuarta volta. Vettel superou a Sainz na volta oito e Raikkonen intentou facer o mesmo dúas voltas máis tarde, pero sen conseguilo. Logrouno unha volta máis tarde. Sainz e Button foron os primeiros en entrar en boxes para poñer pneumáticos novos na volta 12, seguidos do líder da carreira Ricciardo unha volta máis tarde, polo que Verstappen converteuse no primeiro holandés en liderar un Gran Premio, antes de que entrase unha volta máis tarde. Cando Vettel entrou en boxes na volta 16, saíu terceiro por detrás dos dous Red Bull, todos co pneumático de composto medio.[17]
Na volta vinte, Sebastian Vettel pechaba a brecha cos dous Red Bull por diante del, poñéndose a tres segundos de Verstappen. Na volta 22, Nico Hülkenberg retirouse cando a súa unidade de potencia incendiouse e tivo que deterse. Mentres Massa pasara do posto 18 na grella ao décimo, o seu compañeiro de equipo Bottas era quinto na volta 25, por diante de Sainz. Na volta 28, Ricciardo foi de novo o primeiro dos pilotos de cabeza que entrou en boxes, montando o composto brando. Vettel entrou dúas voltas máis tarde, fixo a mesma elección de pneumáticos. Isto deixou a Verstappen liderando diante de Kimi Räikkönen, poñendo de manifesto que ambos executaban unha estratexia diferente, entrando a boxes só dúas veces en contraste coas tres paradas de Vettel e Ricciardo. Na volta 34, a brecha entre os dous líderes era de 2,1 segundos, antes de que Verstappen entrara na volta seguinte. Räikkönen respondeu unha volta máis tarde, saíndo detrás de Verstappen. Na volta 39, Vettel fixo a súa terceira e última parada, mentres que Ricciardo aguantou fóra outras catro voltas. Cando regresou á pista, estaba detrás de Vettel, pero cos pneumáticos máis frescos.[17]
Mentres Räikkönen acercouse a Verstappen na parte dianteira, a carreira de Fernando Alonso terminou na volta 47, tirado ao carón da pista na curva tres sen potencia no seu motor. Räikkönen logrou entrar na fiestra dun segundo para activar o sistema de redución da resistencia DRS, Vettel estaba oito segundos detrás del con Ricciardo pechando cuarto lugar. Na volta 57, Ricciardo tamén estaba o suficientemente preto para utilizar o DRS, pero non puido pasar. Tres voltas máis tarde, Ricciardo fixo un intento de adiantamento na primeira curva, pero freou demasiado tarde e tivo que abrirse, o que permitiu a Vettel pasalo de novo. A medida que os primeiros clasificados pasaron aos dobrados, Kvyat, marcou a volta rápida, a primeira para el e Toro Rosso, superou a Gutiérrez polo décimo lugar. A dúas voltas do final, Ricciardo sufriu unha picada e viuse obrigado a entrar en boxes, pero conservou a cuarta posición por diante de Bottas.[17] Na última volta, os pilotos de Renault Kevin Magnussen e Joylon Palmer chocaron, pero ambos chegaron á meta.[18] Verstappen cruzou a liña de meta, converténdose no gañador máis novo dunha carreira na Fórmula Un e tamén o primeiro holandés en facelo.[17][19]
Cualificación
| Pos. | Nº | Piloto | Construtor | Q1 | Q2 | Q3 | Grella |
|---|---|---|---|---|---|---|---|
| 1 | 44 |  Lewis Hamilton |
Mercedes | 1:23.214 | 1:22.159 | 1:22.000 | 1 |
| 2 | 6 |  Nico Rosberg |
Mercedes | 1:23.002 | 1:22.759 | 1:22.280 | 2 |
| 3 | 3 |  Daniel Ricciardo |
Red Bull Racing-TAG Heuer | 1:23.749 | 1:23.585 | 1:22.680 | 3 |
| 4 | 33 |  Max Verstappen |
Red Bull Racing-TAG Heuer | 1:23.578 | 1:23.178 | 1:23.087 | 4 |
| 5 | 5 |  Kimi Räikkönen |
Ferrari | 1:23.796 | 1:23.504 | 1:23.113 | 5 |
| 6 | 7 | Sebastian Vettel |
Ferrari | 1:24.124 | 1:23.688 | 1:23.334 | 6 |
| 7 | 77 | Valtteri Bottas |
Williams-Mercedes | 1:24.251 | 1:24.023 | 1:23.522 | 7 |
| 8 | 55 |  Carlos Sainz |
Toro Rosso-Ferrari | 1:24.496 | 1:24.077 | 1:23.643 | 8 |
| 9 | 11 |  Sergio Pérez |
Force India-Mercedes | 1:24.698 | 1:24.003 | 1:23.782 | 9 |
| 10 | 14 | Fernando Alonso |
McLaren-Honda | 1:24.578 | 1:24.192 | 1:23.981 | 10 |
| 11 | 27 | Nico Hülkenberg |
Force India-Mercedes | 1:24.463 | 1:24.203 | 11 | |
| 12 | 22 | Jenson Button |
McLaren-Honda | 1:24.583 | 1:24.348 | 12 | |
| 13 | 26 |  Daniil Kvyat |
Toro Rosso-Ferrari | 1:24.696 | 1:24.445 | 13 | |
| 14 | 8 |  Romain Grosjean |
Haas-Ferrari | 1:24.716 | 1:24.480 | 14 | |
| 15 | 20 |  Kevin Magnussen |
Renault | 1:24.669 | 1:24.625 | 15 | |
| 16 | 21 | Esteban Gutiérrez |
Haas-Ferrari | 1:24.406 | 1:24.778 | 16 | |
| 17 | 30 | Jolyon Palmer |
Renault | 1:24.903 | 17 | ||
| 18 | 19 |  Felipe Massa |
Williams-Mercedes | 1:24.941 | 18 | ||
| 19 | 9 |  Marcus Ericsson |
Sauber-Ferrari | 1:25.202 | 19 | ||
| 20 | 12 | Felipe Nasr |
Sauber-Ferrari | 1:25.579 | 20 | ||
| 21 | 94 | Pascal Wehrlein |
MRT-Mercedes | 1:25.745 | 21 | ||
| 22 | 88 |  Rio Haryanto |
MRT-Mercedes | 1:25.939 | 22 | ||
| 107% tempo: 1:28.812 | |||||||
| Fonte:[20] | |||||||
Carreira
Posicións logo da carreira
|
|
- Nota: Só están incluídos os cinco primeiros postos en ambos os grupos de clasificación.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
