Valentín Carrera González

Valentín Carrera González, nado en Ponferrada o 22 de marzo de 1958, é un escritor, xornalista, editor, blogueiro, autor de libros de viaxes e de ensaios.

Valentín Carrera González

(2020)
Biografía
Nacemento	22 de marzo de 1958 (66 anos) Ponferrada, España
Datos persoais
País de nacionalidade	España
Educación	Universidade de Santiago de Compostela Universidade de Salamanca
Actividade
Ocupación	escritor , xornalista , cronista
Lingua	Lingua castelá e lingua galega
Premios (1990)  Premio Blanco Amor

Traballa desde 1971 en prensa, radio e televisión. Foi cronista da primeira expedición española á Antártida e dirixiu as series Os viaxeiros da luz e Linatakalam, patrocinada pola Alianza de Civilizacións, entre outras.

Traxectoria

É doutor en Belas Artes pola Universidade de Salamanca (1998) e licenciado en Filosofía e Ciencias da Educación pola Universidade de Santiago (1981). Deu os seus primeiros pasos no xornalismo no xa desaparecido semanario berciano Aquiana (1971) e no Diario de León. Tamén foi correspondente de La Región e La Vangardia en Santiago de Compostela, redactor de La Voz de Galicia e colaborador en Viajar, SER, COPE, El País etc. En televisión dirixiu máis de oitenta documentais, series e programas, destacando Os viaxeiros da luz, As viaxeiras da lúa, emitidas por Televisión de Galicia (TVG); Hanan, emitida por Televisión Española (TVE) e a Sociedade Nacional de Radiodifusión e de Televisión de Marrocos (SNRT). En 2006 dirixiu a coprodución internacional Linatakalam, primeira serie mundial patrocinada pola Alianza de Civilizacións, sobre o diálogo no Mediterráneo, rodada en Exipto, Turquía, Italia, Tunisia, España e Marrocos, con versións en castelán, galego, árabe, francés, inglés, valenciano e italiano; emitida por TVE, Localia, Canle Nou, SNRT, entre outros.

Viaxou como xornalista desde o Xapón á Antártida, onde foi cronista para a Axencia EFE, Axencia Galega de Noticias e El País da primeira expedición científica á Antártida (1986-87), que relata no libro Viaje a los mares de la Antártida (1988). Navegou polo Gran Sol (Riosil), o Nilo, o Danubio e o Amazonas, onde conviviu durante algún tempo no poboado yagua de Brillonuevo. Escribiu crónicas viaxeiras da Bretaña (Viaje al país dos druídas), Portugal (Viaje a Portulicia), Kenya, o Perú e Exipto. Viaxou a pé e dacabalo Lisboa-Santiago, Ourense-Santo André de Teixido, Galicia, Escocia, Brocelianda e o Camiño de Santiago desde Roncesvalles (revista Viajar, 1984). Do global ao local, a súa paixón é a súa terra natal, O Bierzo, que percorreu varias veces en globo, a pé, dacabalo, en tren e en balsa.

Como emprendedor audiovisual, dirixiu a empresa IBISA TV (1988-2010), situada en Santiago de Compostela. Foi presidente da Asociación Galega de Produtores Independentes (AGAPI), e membro do Consello Social da Universidade de Santiago (2006-2008).^[1]

Desde 2011, dirixe a editorial Paradiso_ Gutenberg e o seu selo dixital eBooksBierzo, mentres analiza a actualidade política e parlamentaria no blog Tornarratos, Radio Galega,^[2]​ Galicia Confidencial​^[3] e o Semanal Digital.​ Ademais, en abril de 2014 lanzou, como editor, a colección Biblioteca Gil y Carrasco II Centenario 1815-2015,^[4] na honra do escritor berciano Enrique Gil y Carrasco, da que tamén é director.

En 1986 embarcou como único xornalista na primeira expedición científico-pesqueira española á Antártida, aventura que abriu a España as portas do Tratado Antártico. Trinta anos despois regresou a bordo dos buques Sarmiento de Gamboa e Hespérides, na expedición número 30, auspiciada polo Comité Polar Español, experiancia recollida en Antártida (2020).

Obra en galego

Narrativa

• Riosil (1990), Xerais, Premio Blanco Amor de Novela Longa. 184 páxs. ISBN 978-84-7507-496-2.

Obra en castelán

Narrativa

• La puta mar (1998). Ibisa. 145 páxs. ISBN 978-84-87036-55-2. En 2012 Ebooksbierzo.

Viaxes

• Viaje al fin de los mundos (1987). Deputación da Coruña. Fotografía de Miguel Losada. 144 páxs. ISBN 978-84-505-6821-9.
• El Viaje del Bierzo (1988). Ibisa. Fotografías de Anxo Cabada. 180 páxs. ISBN 978-84-87036-50-7.
• Viaje a los mares de la Antártida (1988). Ministerio de Agricultura y Pesca. 152 páxs. ISBN 978-84-491-0207-3.
• Los caminos de la memoria (1995). Deputación de Pontevedra. 196 páxs. ISBN 978-84-88363-20-6.
• Viaje interior a la provincia del Bierzo (2008). Ibisa. Fotografías de Anxo Cabada. 400 páxs. ISBN 978-84-87036-57-6.
• Viaje a los mares de la Antártida. Primera expedición científica española a la Antártida, 1986/87 (2017). Sacauntos. 142 páxs. ISBN 978-84-16121-73-1.
• La aventura de la ciencia en la Antártida. XXX Expedición científica española a la Antártida (2017). Secretaría General Técnica. Ministerio de Economía y Empresa. Centro de Publicaciones. 120 páxs. ISBN 978-84-92546-38-1.
• El viaje del Vierzo. Cuaderno de Friburgo 1988-2018 (2018). Fotografías de Anxo Cabada. Instituto Leonés de Cultura. 222 páxs. ISBN 978-84-89410-56-5.

• Antártida (2020). Ediciones del Viento, Viento Céfiro. 464 páxs. ISBN 978-84-120558-9-4.

Periodismo ensaio

• Memoria de una emisora local. Radio 80. Pontevedra (1984). Ed. de autor. 272 páxs. ISBN 978-84-398-3105-1.
• El álbum de Ponferrada (1990). Ibisa. 150 páxs. ISBN 978-84-87036-52-1.
• Robinson en El Bierzo (1991). Tórculo. 175 páxs. ISBN 978-84-87036-53-8.
• Álbum del Bierzo (1994), Filmoteca de Castela e León. En colaboración con Adelino Pérez. 222 páxs. ISBN 978-84-606-2231-4.
• Álbum de Bembibre (1994). Lancia. En colaboración con Manuel Domínguez. En 2013, Ebooksbierzo. ISBN 978-84-940458-1-3.
• Winocio y Pablo Testera. Fotógragos de León y Benavente (1998). Filmoteca de Castela e León. 118 páxs. ISBN 978-84-7846-834-8.
• Benavente y los valles. Fotografía y vida cotidiana en el cambio de siglo (1999). Ibisa. 180 páxs. ISBN 978-84-87036-56-9.
• Necesidades de formación do audiovisual en Galicia (2002). Xunta de Galicia, coautor.
• Cluster do audiuovisual galego (2003). Soluziona.
• Municipales 2011 en Galicia: una radiografía periodística: crónica y análisis de la campaña en prensa, web y redes sociales (2011). Lea. En colaboración con Yolanda del Campo. ISBN 978-84-95444-13-4.
• As eleccións xerais do 20N na rede (2011). Lea. en colaboración con Yolanda del Campo.
• El señor de Bemvibre. La película: guión cinematográfico (2011).Ebooksbierzo. ISBN 978-84-940114-9-8.
• eBook de San Román de Bembibre (2012). eBooksBierzo.
• Pescanova Crimen Perfecto. Mola ser pirata: una estafa piramidal más (2013). Ebooksbierzo. 150 páxs. ISBN 978-84-941774-5-3.
• 1001 tuits por amor. El auto de imputación de la Infanta Cristina de Borbón en Twitter (2014). Ebooksbierzo. ISBN 978-84-941774-7-7.
• Semillas para El Bierzo. Escuchando la innovación y el emprendimiento social (2016). Ebooksbierzo. 200 páxs. ISBN 978-84-945097-0-4.

• Ahí Estamos. Dolores, diagnósticos y prosas ácidas sin anestesia (2016). Los Libros de La Nueva Crónica. 140 páxs. ISBN 978-84-945324-0-5.

• Mayo iraní. La primavera persa (2017). Hispalibros. 217 páxs. ISBN 978-84-17023-26-3.
• Gabriel de Castilla, avistador de la Antártida en 1603 (2019). Ebooksbierzo. 66 páxs. ISBN 978-84-948721-3-6.
• San Román de Bembibre. De vidas y costumbres, de infancias y abuelos, de pleitos con la memoria. Ebooksbierzo. 100 páxs. ISBN 978-84-940114-2-9.
• Tornarratos. Blog de crítica constructiva. Ebooksbierzo. ISBN 978-84-941774-3-9.

Filmografía

Series

• Os Viaxeiros da Luz (1991). TVG. 13 capítulos de 26 min., galego e castelan. Director.^[5]
• O Sal da Terra: Historia do sindicalismo galego (1999). TVG, UGT e CCOO, seis capítulos de 26 min., galego e castelán, presentado por Uxía Blanco. Codirector e coguionista.^[6]
• As Viaxeiras da Lúa (2003). TVG, 13 capítulos de 26 min. Director.^[7]
• Hanan. De Marrocos a Galicia (2005., TVG e SNRT, 6 capítulos de 26 min., galego, francés e árabe. Director.^[8]
• Linatakalam, (2006). TVE, TVG y SNRT, 6 capítulos de 26 min., galego, castelán, valenciano, francés, italiano e árabe. Produtor e realizador.^[9]
• Doa a Doa (2007-2009). TVG, 70 episodios de 12 min., galego.^[10] Codirección con Yolanda del Campo.
• O fío do retrato (2010). TVG, 13 capítulos x 26 min., galego (produtor; realización: Yolanda del Campo).^[11]

Longametraxes e documentais

• El bosque de piedra (1997). Ibisa TV. Guionista.^[12]
• 24 h. na canteira (1998). Ibisa TV. Documental. Guionista.^[13]
• Bassir & Karpin (2006). TVG, 26 min. Direector.^[14]
• Scherezade en Galicia. As verbas de Nélida Piñón (2006). TVG, O Globo, 26 min.^[15]
• Los homeless invisibles (2007). TVG, 52 min. Director.^[16]
• A revolta universitaria do 68. Unha loita da mocidade galega (2008). TVG. Director. Documental.^[17]
• Viaje interior a la provincia del Bierzo (2009). 72 min., documental, TV Castilla y León. Director.
• Traballo e vida en Bueu. A industria conserveira (2009). TVG. Prductor. Documental.^[18]
• El Señor de Bemvibre (2011). Bierzo Paradiso. Histórica. Director.^[19]

Curtametraxes

• Trofeo (2002). TVG. 11 min. Produtor.^[20]

Premios e distincións

• 1971: Premio Nacional de Redacción.
• 1990: Premio Blanco Amor de Novela Longa pola novela Riosil.
• 1990: Premio Francisco de Cossío de Periodismo, Xunta de Castela e León.
• 1991: Premio Tesauro á serie de máis audiencia por Os Viaxeiros da Luz .
• 1991: Premio Galicia de Comunicación, Xunta de Galicia.
• 1998: 2º Premio Internacional IFHP, A Haia.
• 2001: Premio Chano Piñeiro en produción multimedia.
• 2007: Premio Mi retina, Festival de Cine de Ponferrada.​
• 2011: Aloitador de Honra, Rapa das Bestas de Sabucedo, Pontevedra.
• 2013: Gran Maestre de Honor da Asociación de Amigos de la Noche Templaria de Ponferrada.

Notas

1. "Disposición do Diario Oficial de Galicia- Xunta de Galicia". www.xunta.gal. Consultado o 2020-08-21.
2. "Galicia por Diante CRTVG". www.crtvg.es. Consultado o 2020-08-21.
3. "Galicia Confidencial (GC) - Artigos de Valentin Carrera". www.galiciaconfidencial.com. Consultado o 2020-08-21.
4. "Gil y Carrasco, presente en la Feria del Libro de Ponferrada". Plumilla Berciano (en castelán). 2014-04-17. Consultado o 2020-08-21.
5. "Os viaxeiros da luz / Os viaxeiros da luz AVG AudioVisual Galego". culturagalega.gal. Consultado o 2020-08-21.
6. "O sal da terra / O sal da terra AVG AudioVisual Galego". culturagalega.gal. Consultado o 2020-08-21.
7. "As viaxeiras da lúa / As viaxeiras da lúa AVG AudioVisual Galego". culturagalega.gal. Consultado o 2020-08-21.
8. "Scherezade en Galicia. As verbas de Nélida Piñon / Scherezade en Galicia. As verbas de Nélida Piñon AVG AudioVisual Galego". culturagalega.gal. Consultado o 2020-08-21.
9. "Linatakalam / Linatakalam AVG AudioVisual Galego". culturagalega.gal. Consultado o 2020-08-21.
10. "Doa a doa / Doa a doa AVG AudioVisual Galego". culturagalega.gal. Consultado o 2020-08-21.
11. "Ó fío do retrato / Ó fío do retrato AVG AudioVisual Galego". culturagalega.gal. Consultado o 2020-08-21.
12. "O bosque de pedra / El bosque de piedra AVG AudioVisual Galego". culturagalega.gal. Consultado o 2020-08-21.
13. "24 h. na canteira / 24 h. na canteira AVG AudioVisual Galego". culturagalega.gal. Consultado o 2020-08-21.
14. "Bassir e Karpin / Bassir & Karpin AVG AudioVisual Galego". culturagalega.gal. Consultado o 2020-08-21.
15. "Scherezade en Galicia. As verbas de Nélida Piñon / Scherezade en Galicia. As verbas de Nélida Piñon AVG AudioVisual Galego". culturagalega.gal. Consultado o 2020-08-21.
16. "Os homeless invisibles / Os homeless invisibles AVG AudioVisual Galego". culturagalega.gal. Consultado o 2020-08-21.
17. "A revolta universitaria do 68. Unha loita da mocidade galega / A revolta universitaria do 68. Unha loita da mocidade galega AVG AudioVisual Galego". culturagalega.gal. Consultado o 2020-08-21.
18. "Traballo e vida en Bueu. A industria conserveira / Traballo e vida en Bueu. A industria conserveira AVG AudioVisual Galego". culturagalega.gal. Consultado o 2020-08-21.
19. "O señor de Bembibre / El señor de Bembibre AVG AudioVisual Galego". culturagalega.gal. Consultado o 2020-08-21.
20. "Trofeo / Trofeo AVG AudioVisual Galego". culturagalega.gal. Consultado o 2020-08-21.

Véxase tamén

Bibliografía

• Barrera, Feliciano, ed. (2002). "Carrera González, Valentín". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. ISBN 84-8064-113-4.

Ligazóns externas

• Valentín Carrera González na Biblioteca Virtual Galega.

• Web oficial de Valentín Carrera: ValentinCarrera.es
• Crónica política desde Galicia: Blog Tornarratos.
• La Antártida (2020): Recensión EditorialArquivado 21 de outubro de 2020 en Wayback Machine.