A Graña de Vilarente, Abadín

Santa María Madanela da Graña de Vilarente^[2] é unha parroquia do concello lugués de Abadín. Tiña 174 habitantes en 2023 (88 homes e 86 mulleres) segundo datos do IGE^[3]. Iso supón un descense da poboación respecto a 2014 cando tiña 210 habitantes (101 homes e 109 mulleres).

Para outras páxinas con títulos homónimos véxase: A Graña e Vilarente.

A Graña de Vilarente
Igrexa da Graña de Vilarente.
Concello	Abadín[1]
Provincia	Lugo
Coordenadas	43°17′20″N 7°28′47″O
Área	10,35 km²
Poboación	174 hab. (2023)
Densidade	16,81 hab./km²
Entidades de poboación	13[1]
[ editar datos en Wikidata ]

Limita ao norte con Vilarente, ao sur con Muimenta e Roás (concello de Cospeito), ao leste con Vilarente e ao oeste con Moncelos e As Goás. Pertence o arciprestado de Baroncelle e ten 13 entidades de poboación e 12 lugares, cunha densidade media de 16'81 hab/km² no 2023.

Xeografía

As entidades son A Cabana (25), A Cabeceira ou A Carballeira (13), O Carboeiro (12), A Casavella (4), O Coído (10), Fraga de Vila (11), Penela (7), Porto da Moura (25), A Pumarega (2), Ruavella (23), Os Trinta (12), Vilar de Nuño (22) e Vista Alegre (8). Os lugares (que xeralmente forman parte dalgunhas das entidades) son As Augas, Os Carracedos, Chouselas, O Cotiño, A Croa, Os Currás, O Fondal, A Fonte do Trobo, A Fumeira, O Igrexario, Rego da Páxara e Tremoído.

Orografía

Destacan os cumios de Roza do Pleito (443 m) e Marco do Forneiro (440 m).

Patrimonio

• O Pazo de Cernada é un edificio de propiedade privada, situado nun terreo chan. Planta do edificio en U, con dous pisos, de fábrica de cachotería de pedra rebocada e cantería nos reforzos dos ocos, con cuberta de lousa. A fachada principal ten un soportal de entrada formado por un pórtico de pedra sobre o que se encontra o escudo. Na fachada posterior destacan as grandes chemineas e unha galería acristalada de madeira. Vans con tornachoivas. Antiga propiedade da familia dos Noguerol e os Barxa. Na parte posterior ten unha horta con frutais, pozo, cabazo de planta cuadrangular de tipo asturiano, alpendres etc. Toda a leira encóntrase amurallada coa bonita porta de reixas na entrada. No camiño de acceso encóntrase un pombal de planta cuadrangular, un cruceiro de granito e a capela propiedade do pazo, con imaxinería e altar de madeira nobre de gran valor artístico.

Galería de imaxes

• 
  Vista da parroquia.
• 
  Cruceiro.
• 
  Vista da igrexa.
• 
  Igrexa e cemiterio.

Lugares e parroquias

Lugares da Graña de Vilarente

Lugares da parroquia da Graña de Vilarente no concello de Abadín (provincia de Lugo)
As Augas | A Cabana | A Cabeceira | A Carballeira | O Carboeiro | Os Carracedos | A Casavella | Chouselas | O Coído | O Cotiño | A Croa | Os Currás | O Fondal | A Fonte do Trobo | Fraga de Vila | A Fumeira | O Igrexario | Penela | Porto da Moura | A Pumarega | Rego da Páxara | Ruavella | Tremoído | Os Trinta | Vilar de Nuño | Vista Alegre

Parroquias de Abadín

As dezanove parroquias que conforman o concello de Abadín.

Galicia | Provincia de Lugo | Parroquias de Abadín

Abadín (Santa María) | Abeledo (Santa María) | Aldixe (San Pedro) | Baroncelle (Santiago) | Cabaneiro (San Bartolomeu) | Candia (San Pedro) | Castromaior (San Xoán) | Corvite (San Pedro) | Fanoi (Santa María Madanela) | Fraiás (San Pedro) | Galgao (San Martiño) | As Goás (San Pedro) | A Graña de Vilarente (Santa María Madanela) | Labrada (San Pedro) | Moncelos (Santiago) | Montouto (Santa María) | Quende (Santiago) | Romariz (San Xoán) | Seivane de Vilarente (San Xoán)