Couxela, Ribadeo

Santiago de Couxela é unha parroquia do concello de Ribadeo. Segundo o IGE en 2022 tiña 88 habitantes,^[2] en 2011 tiña 132 (69 homes e 63 mulleres, agrupados en 11 entidades de poboación e 2 lugares), e en 1999 tiña 165 habitantes.

Couxela
Cruz conmemorativa da misión dos xesuítas de setembro de 1943, conservada na igrexa parroquial.
Concello	Ribadeo[1]
Provincia	Lugo
Coordenadas	43°28′09″N 7°05′34″O
Área	4,56 km²
Poboación	96 hab. (2020)
Densidade	21,05 hab./km²
Entidades de poboación	13[1]
[ editar datos en Wikidata ]

Xeografía

Limita ao leste coa Veiga (Asturias), da cal está separada polo río Eo; ao sur coa Valboa (concello de Trabada), separada polo regato da Ferreira; ao norte con Santalla de Vilausende; e ao oeste con Cedofeita. Pertence ao arciprestado de Ribadeo. Ten unha altitude media de 230 m.

Toponimia

Posiblemente a súa orixe estea en Covus (cóncavo),^[3] forma latina arcaica. Á súa variante Covius foille engadido o sufixo -ellus, dando Coviella, que estaría relacionado coa valgada que forma no terreo.^[4] A sílaba -vi- evoluciona ao -x- galego, como foveum -> foxo, dando Coxela. Pero o -v- de Covius representa un son palatal parasitario, parecido ao w inglés, que leva ao actual -u-, breve e átono, dando Couxela, co -ll- xeminado transformado en -l-.

Aparece documentado como Coegela e Coiegela.

Festas

Na actualidade só se celebra a Festa da Virxe das Dores, o cuarto domingo de setembro. Tempos atrás celebrábanse tamén as festas de San Brais (3 de febreiro), Santo Antón (13 de xuño) e Santiago (25 de xullo).

Lugares e parroquias

Lugares de Couxela

Lugares da parroquia de Couxela no concello de Ribadeo (Lugo)
Os Bispos | Os Casais | A Casanova | As Cerdeiriñas | Cima de Vila | Fornelo | Irexe | Maizán | Moural | O Rego | Sendín | A Venda | A Xunqueira

Parroquias de Ribadeo

Galicia | Provincia de Lugo | Parroquias de Ribadeo
Arante (San Pedro) | Cedofeita (Santa María Madanela) | Couxela (Santiago) | Covelas (San Vicente) | A Devesa (Santalla) | Ove (San Xoán) | Piñeira (San Xoán) | Ribadeo (Santa María) | Rinlo (San Pedro) | Santalla de Vilausende (Santalla) | Vilaframil (San Lourenzo) | Vilaselán (Santa María)