Enterococcus faecium

Enterococcus faecium é unha especie bacteriana grampositiva, alfa-hemolítica ou non hemolítica do xénero Enterococcus.^[1] Pode ser un comensal inocuo que vive no intestino humano, pero pode tamén ser patóxena, causando doenzas como a meninxite neonatal ou endocardite.

Enterococcus faecium
Clasificación científica
Dominio: Bacteria Filo: Firmicutes Clase: Bacilli Orde: Lactobacillales Familia: Enterococcaceae Xénero: Enterococcus Especie: E. faecium
Nome binomial
Enterococcus faecium (Orla-Jensen 1919) Schleifer & Kilpper-Bälz 1984

Hai cepas resistentes á vancomicina. Os E. faecium resistentes á vancomicina coñécense coas siglas VRE (do inglés).^[2]

Algunhas cepas de E. faecium utilízanse como probióticos tanto en animais ^[3] coma en humanos.^[4]

Secuencia xenómica

Os xenomas que figuran a continuación proceden da páxina web Integrated Microbial Genomes.

Algúns dos 22 xenomas secuenciados de Enterococcus faecium

Cepa	ST	CC17	País	Ano
1,231,408	582	Si
1,231,501	52	Non
Com15	583	Non	Estados Unidos (MA)	2006
1,141,733	327	Non
1,230,933	18	Si
1,231,410	17	Si
1,231,502	203	Si
Com12	107	Non	EUA (MA)	2006

Tratamento

O antibiótico linezolid ou a daptomicina utilízanse para tratar infeccións por VRE. As estreptograminas, como quinupristina/dalfopristina, poden tamén usarse para tratar infeccións por VREs. Tamén se poden tratar con sultamicilina.^[5]