Kramer contra Kramer

Kramer contra Kramer (en inglés: Kramer vs. Kramer) é un filme estadounidense dirixido por Robert Benton en 1979. É unha adaptación de Robert Benton da novela Kramer vs. Kramer de Avery Corman. O filme conta a historia do divorcio dun matrimonio e o impacto que este ten no seu fillo. Recibiu cinco Premios Oscar na 52ª edición dos Oscar nas categorías de mellor filme, mellor director, mellor actor, mellor actriz secundaria e mellor guión adaptado.

Kramer contra Kramer
Tipo	filme e adaptación cinematográfica
Movemento	Novo Hollywood
Xénero artístico	cinema dramático e filme baseado nunha novela
Lingua orixinal	lingua inglesa
Autoría
Director/a	Robert Benton
Compositor/a	John Kander, Henry Purcell, Antonio Vivaldi e Paul Gemignani
Guionista	Robert Benton
Director/a fotografía	Néstor Almendros
Editor/a de cine	Gerald B. Greenberg (pt)
Deseñador/a produción	Paul Sylbert
Actores Dustin Hoffman Bill Moor (pt) JoBeth Williams Joe Seneca (pt) Ellen Parker (pt) Howland Chamberlain George Coe Jane Alexander Howard Duff Meryl Streep Justin Henry (pt) Sean Albertson (en)
Temática
Tema principal	divorcio
Ambientado en	Nova York
Baseado en	Kramer vs. Kramer
Obra derivada  Akele Hum Akele Tum (en)
Publicación
Data publicación 5 de decembro de 1979 (Os Ánxeles) 19 de decembro de 1979 (Estados Unidos de América) 28 de febreiro de 1980 (Alemaña)
País orixe	Estados Unidos de América
Produtor/a	Stanley R. Jaffe (en) e Richard Fischoff (en)
Compañía produtora	Columbia Pictures
Distribuidor/a	Columbia Pictures e Netflix
Recadación	106.000.000 $
Custo	8.000.000 $
Formato de distribución	vídeo baixo demanda
Puntuación crítica (16 de xuño de 2025)  77/100, Metacritic (29 de novembro de 2022)  89%, Rotten Tomatoes (5 de outubro de 2021)  8.1/10, Rotten Tomatoes
Dimensións
Duración	1 hora e 40 minutos
Premios
Premios (14 de abril de 1980)  Óscar ó mellor filme (14 de abril de 1980)  Óscar ó mellor director (14 de abril de 1980)  Óscar ó mellor guión adaptado (14 de abril de 1980)  Óscar ó mellor actor (14 de abril de 1980)  Óscar á mellor actriz secundaria (1980)  Pevida de Prata ao mellor filme estranxeiro  National Board of Review aos 10 filmes máis salientables
Nomeamentos (25 de febreiro de 1980)  Óscar á mellor actriz secundaria (25 de febreiro de 1980)  Óscar á mellor fotografía (25 de febreiro de 1980)  Óscar á mellor montaxe (25 de febreiro de 1980)  Óscar ó mellor actor (25 de febreiro de 1980)  Óscar ó mellor director (25 de febreiro de 1980)  Óscar ó mellor actor secundario (25 de febreiro de 1980)  Óscar á mellor actriz secundaria (25 de febreiro de 1980)  Óscar ó mellor filme  Óscar ó mellor guión adaptado
Fontes e ligazóns
Redes
[ Wikidata ]

Estreouse en galego na TVG o 9 de abril de 2008.^[1]

Sinopse

Ted Kramer (Dustin Hoffman) é un home que antepón o seu traballo á súa familia. A súa esposa Joanna (Meryl Streep) non resiste máis esta situación e abandónao. Ted vese agora ante a necesidade de ocuparse da casa e, sobre todo, do seu pequeno fillo.

Logo dun tempo, cando Ted xa se desenvolve ben só, Joanna regresa e reclama a custodia do neno. Con todo, Ted non está disposto a separarse do seu fillo, de maneira que Joanna leva o asunto ante os tribunais, onde deberá decidirse quen dos dous obterá a custodia do fillo.

Personaxes

• Dustin Hoffman como Ted Kramer
• Meryl Streep como Joanna Kramer
• Justin Henry como Billy Kramer
• Jane Alexander como Margaret Phelps
• Petra King como Petie Phelps
• Melissa Morell como Kim Phelps
• Howard Duff como John Shaunessy
• George Coe como Jim O'Connor
• JoBeth Williams como Phyllis Bernard
• Howland Chamberlain como Xuíz Atkins
• Dan Tyra como Empregado do xulgado

Produción

Varios lugares de Nova York foron utilizados coma localizacións, como por exemplo a praza Foley.

Antes de seleccionar a Dustin Hoffman, os produtores consideraran darlle o papel a Al Pacino. Ademais, Jane Fonda rexeitou o papel interpretado finalmente por Meryl Streep.

Dustin Hoffman axudou en gran xeito ó actor novel Justin Henry, analizando e comentando con el cada escena antes da súa rodaxe.

O decorado do apartamento montado no interior do estudo tivo as medidas exactas resultantes do exterior do edificio que aparece na película. O director de fotografía, Néstor Almendros, utilizou nos interiores luz cenital e nos exteriores a luz dispoñible para as tomas.

A versión inicial tivo unha duración de 43 minutos adicionais respecto da duración definitiva. Suprimíronse sobre todo escenas con Jane Alexander e con JoBeth Williams.

Premios

Óscar 1979

Categoría	Acode	Resultado
Mellor película		Gañador
Mellor director	Robert Benton	Gañador
Mellor actor	Dustin Hoffman	Gañador
Mellor actriz	Meryl Streep	Gañador
Mellor actor secundario	Justin Henry	Candidato
Mellor actriz secundaria	Jane Alexander	Candidato
Mellor guión adaptado	Robert Benton	Gañador
Mellor fotografía	Néstor Almendros	Candidato
Mellor montaxe	Gerald B. Greenberg	Candidato