María Vázquez

María Rodríguez Vázquez, coñecida como María Vázquez, nada en Vigo o 19 de marzo de 1979, é unha actriz galega.

María Vázquez

(2017)
Biografía
Nacemento	19 de marzo de 1979 (46 anos) Vigo, España
Actividade
Ocupación	actriz
Profesores	Juan Carlos Corazza
Premios
(2023)  Premio Mestre Mateo á mellor interpretación feminina protagonista, premiado polo traballo Matria (2019)  Premio Mestre Mateo á mellor interpretación feminina secundaria, premiado polo traballo Quen a ferro mata (2018)  Premio Mestre Mateo á mellor interpretación feminina protagonista, premiado polo traballo Trote (2010)  Premio Mestre Mateo á mellor interpretación feminina protagonista, premiado polo traballo Mar libre (2009)  Premio Mestre Mateo á mellor interpretación feminina protagonista, premiado polo traballo O club da calceta

Traxectoria

Aínda que nada en Vigo, a súa vida está moi ligada á Barrela, a terra da súa nai e avós maternos e a Ourense, onde pasou a súa adolescencia, e tamén a Belesar (Chantada). María Vázquez ten participado en películas e series de televisión, tanto con intervencións como con varios personaxes fixos. Estudou ballet e na escola de arte dramática Juan Carlos Corazza en Madrid.^[1]

Comezou a súa carreira profesional a finais dos anos 90, cunha participación secundaria en varios episodios de Al salir de clase. Desde entón desenvolveu un intenso traballo actoral en España, e con moita vinculación a Galicia. Ten aparecido en longametraxes cinematográficas de proxección, ás ordes de directores tan coñecidos como Montxo Armendáriz ou Icíar Bollaín. Outro ámbito no que ten desenvolvido interpretación é a pequena pantalla, con papeis en series de TVE 1, Antena 3, Telecinco e da TVG.

En 2024 foi pregoeira da Festa do queixo de Arzúa e da Feira da carne ó caldeiro de Castro.

Vida persoal

É irmá da guionista Tatiana Rodríguez e está casada co actor Víctor Duplá dende 2006.^[2]

Filmografía

Cinema

• San Bernardo (2000), de Joan Potau. Como Recepcionista.
• Silencio roto (2001), de Montxo Armendáriz. Como Sole.
• Deseo (2002), de Gerardo Vera. Como Raquel.
• O ano da carracha (2004), de Jorge Coira. Como Patricia.
• A golpes (2005), de Juan Antonio Córdoba. Como Vicky.
• La noche del hermano (2005), de Santiago García de Leániz. Como María.
• La dama boba (2006), de Manuel Iborra. Como Clara.
• Mataharis (2007), de Icíar Bollaín. Como Inés.
• A mariñeira (2008), de Antón Dobao. Como Patrocinio.
• O club da calceta (2009), de Antón Dobao.
• 18 comidas (2010), de Jorge Coira.
• Lapsus (2010), de Oriol Paulo.
• Outro máis (2011), de Ricardo Llovo.
• A praia dos afogados (2014), de Gerardo Herrero.
• María (e os demais) (2016),^[3] de Nely Reguera.
• Trote (2018). Protagonista, como Carme. De Xacio Baño.
• Quen a ferro mata (2019),^[4] de Paco Plaza.
• Cuñados (2021), longametraxe de Toño López.
• Matria (2023)^[5]
• Sobre todo de noche (2023), de Víctor Iriarte^[6]
• +Cuñados (2024), longametraxe de Luis Avilés.

Curtametraxes

• Postales de la India (2000), de Juanjo Díaz Polo. Como Gloria.

Televisión

Personaxes fixos

• Raquel busca su sitio (2000). Como Rosa. La Primera de TVE.
• Fíos (2001). TVG.
• La vida de Rita (2003). Como Berta. La Primera de TVE.
• Al filo de la ley (2004). Como Olga. La Primera de TVE.
• Hospital Central (2008). Como Trini. Telecinco.
• Padre Casares (2008-2009). Como Iria. TVG.
• La fuga (2012). Como Jota. Telecinco.
• Códice (2014). Como Marina Velasco, inspectora do caso do roubo. TVG.
• Hospital Real (2015).^[7]
• Fariña (2018), Antena 3.
• Néboa (2020). Como Rosa. La Primera de TVE.

Personaxes episódicos

• Al salir de clase (1998). Varios capítulos. Telecinco. Como Cristina.^[8]
• Compañeros (2000). Como Alba (2 episodios). Antena 3.
• Hospital Central (2008). Como Trini (11 episodios) Telecinco
• El incidente (2017). La Sexta.
• Vivir sin permiso (2018). Telecinco.

Teatro

• Historias mínimas (2012), dirixida por Víctor Duplá.^[9]
• Animal (2013), dirixida por Rubén Ochandiano.^[10]
• La evolución (2014), dirixida por Rubén Ochandiano.
• Femenino singular (2014), dirixida por Emilio del Valle.^[11]
• Sueño (2016), dirixida por Andrés Lima.^[12]
• A leituga (2019), dirixida por Víctor Duplá.^[13]
• Fariña (2019), dirixida por Tito Asorey.^[14]

Galardóns e nomeamentos

Premios Goya

Ano	Categoría	Filme	Resultado
2007	Mellor actriz secundaria	Mataharis	Nomeada

Medallas do Círculo de Escritores Cinematográficos^[15]

Ano	Categoría	Filme	Resultado
2007	Mellor actriz secundaria	Mataharis	Gañadora

Premio Ojo Crítico de Cine de RNE

Ano	Categoría	Película	Resultado
2007	Mellor interpretación	Mataharis	Gañadora

Premios Mestre Mateo

Ano	Categoría	Filme	Resultado
2004	Mellor actriz	O ano da carracha	Nomeada
2008	Mellor actriz	Padre Casares	Candidata
	Mellor actriz secundaria	A mariñeira	Candidata
2009	Mellor actriz	O club da calceta	Gañadora
2010	Mellor actriz	Mar libre	Gañadora
2011	Mellor actriz	Doentes	Nomeada
2016	Mellor actriz	Augasquentes	Nomeada
	Mellor actriz secundaria	María (e os demais)	Nomeada
2019	Mellor actriz	Trote	Gañadora
2020	Mellor actriz secundaria	Quen a ferro mata	Gañadora
2022	Mellor actriz secundaria	Cuñados	Nomeada
2023	Mellor actriz	O corpo aberto	Nomeada

• Premio Cineuropa 2019.^[16]
• Mellor actriz Festival de Cinema de Málaga 2023 pola longametraxe Matria.^[17]
• Golden Space Needle Awards 2023 do Festival de Cine de Seattle]]: premio especial do xurado na categoría iberoamericana pola súa interpretación en Matria .^[18]
• 2023: Premio Mulleres no Foco 2023 da Deputación de Pontevedra e a Asociación de Mulleres CIMA. Polo "rostro familiar" que transmite nos seus traballos converténdose nun referente que visibiliza a muller no audiovisual.^[19]
• 2024: O Festival de Cans, na súa XXI edición, acordou concederlle o seu Premio Pedigree de Honor.^[20]
• 2024: Premio Cinema Galego do FIC de Bueu.^[21]