Pseudopleuronectes

Pseudopleuronectes é un xénero de peixes teleósteos da orde dos pleuronectiformes, suborde dos pleuronectoideos, familia dos pleuronéctidos e subfamilia dos pleuronectinos,^[1] que comprende cinco especies propias das costas do noroesta do océano Pacífico, excepto unha (P. americanus) que vive no the noroste do océano Atlántico.

Pseudopleuronectes
Pseudopleuronectes americanus
Clasificación científica
Reino: Animalia Filo: Chordata Subfilo: Vertebrata Clase: Actinopterygii Subclase: Neopterygii Infraclase: Teleostei Superorde: Acanthopterygii Orde: Pleuronectiformes Suborde: Pleuronectoidei Familia: Pleuronectidae Subfamilia: Pleuronectinae Xénero: Pseudopleuronectes Bleeker, 1862
Especies
Véxase o texto

Como todos os peixes da familia dos pleuronéctidos, as especies deste xénero teñen o corpo aplanado, asimétrico, e cos dous ollos situados no lado pigmentado do corpo.

Taxonomía

Descrición

O xénero foi descrito en 1862 polo naturalista e ictiólogo neerlandés Pieter Bleeker na súa obra "Sur quelques genres de la famille des Pleuronectoïdes", publicada na revista Versl. Akad. Amsterdam 13: 422-429,^[1]

Etimoloxía

O nome do xénero, Pseudopleuronectes, está construído coa forma prefixa do latín científico pseudo-, tirada da do grego antigo ψεῦδο- pseũdo-,^[2] derivada de ψευδής, pseudḗs, "falso", e o nome do xénero Pleuronectes. Literalmente: as falsas sollas", ou "os parecidos ás sollas".

Especies

Na actualidade recoñécense dentro do xénero Pseudopleuronectes as seguintes cinco especies:^[1][3]

• Pseudopleuronectes americanus (Walbaum, 1792) - a solla vermella.^[4]
• Pseudopleuronectes herzensteini (Jordan & Snyder, 1901) - a limanda castaña,^[5][6]
• Pseudopleuronectes obscurus (Herzenstein, 1890)
• Pseudopleuronectes schrenki (P. J. Schmidt, 1904)
• Pseudopleuronectes yokohamae (Günther, 1877)