Pagsasao a Bosnio

Ti Bosnio (bosanski / босански [bɔ̌sanskiː]) ket isu ti naiyalagad a karuay ti pagsasao a Serbo-Kroata nga inus-usar babaen dagiti Bosniako.^[3][4][5] Ti Bosnio ket maysa kadagiti tallo nga opisial a pagsasao ti Bosnia ken Herzegovina,^[6] a kakuyog ti Krota ken Serbio. Daytoy ket maysa pay nga opisial a nabigbigan a minoridad wenno rehional a pagsasao iti Serbia,^[7] Ti Montenegro, Kosovo,^[8] ken Amianan a Macedonia.

Alagaden a Bosnio
bosanski/босански
Pannakabalikas	[bɔ̌sanskiː]
Patubo iti	Bosnia ken Herzegovina, Serbia, Kroasia, Montenegro, Amianan a Macedonia, Eslobenia, Kosovoken ti Bosnio a diaspora
Patubo a mangisasao	2.5–3.5 riwriw (2008)[1] (saan a nalawag ti bilang)
Pamilia	Indo-Europeano Balto-Eslabo Eslabo Abagatan nga Eslabo Lumaud Serbo-Kroata Shtokavia Neo-Shtokavia Akin-daya a Herzegovina Alagaden a Bosnio
Panagsurat	Latin (Gaj) Siriliko (Serbio a Siriliko)[Nota 1] Braille ti Yugoslavia
Opisial a kasasaad
Opisial a mangisasao	Bosnia ken Herzegovina
Pakabigbigan a minoridad a pagsasao	Serbia  Montenegro  Amianan a Macedonia  Kosovo[a]
Kodkodigo ti pagsasao
ISO 639-1	bs
ISO 639-2	bos
ISO 639-3	bos
Linguaesperio	paset ti 53-AAA-g
Aglaon daytoy nga artikulo kadagiti simbolo ti ponetiko ti IPA. No awan ti maitunos a suporta ti panangipaay, mabalin a makitam dagiti marka-ti-saludsod, kahon, wenno sabali pay a simbolo imbes a dagiti karakter ti Unicode.

Ti Alagaden a Bosnio ket naibatay iti adu a naiwarwaras a dialekto ti Serbo-Kroata, Shtokavia, a kaaduan a naipangpangruna iti Akin-daya a Herzegovina, nga isu pay daytoy ti batayan ti Alagaden a Kroata, Serbio, ken Montenegrino. Aginggana idi ti pannakawaswas ti SFR Yugoslavia, dagitoy ket natrato a kas agmaymaysa a pagsasao a Serbo-Kroata, ken dayta a termino ket naus-usar pay laeng iti Ingles iti panangibaga ti sapasap a batayan (bokabulario, gramatika ken sinuratan) nga ita nga aldawen ket ket dagiti uppat nga opisal a nailian nga alagaden, urayno ti termino ket saanen nga inus-usar dagiti patneng nga agsasao.

Ti Alagaden a Bosnio ket agus-usar ti Latin nga alpabeto.^{[Nota 1]} Ti Bosnio ket naipangpangruna kadagiti karuay ti Serbo-Kroata para kadagiti bilang ti nabulbulod a balikas ti Arabiko, Otomano Turko ken Persiano, gapu ti pannakaiyasideg ti pagsasao kadagiti kultura babaen ti Islamiko.^[9][10][11] Ti pagsasao a Bosnio ket aglaon pay kadagiti bilang kadagiti Hermanismo a saan a mangmangeg iti Kroata wenno Serbio a naus-usaren manipud iti Imperio ti Austro-Hungaro.^[12]

Adda met dagiti mangitaktakder a lingguista ken dagiti sosio-politiko a mangtunton a ti Bosnio ket saan laeng nga alagaden a pagsasao dagiti Bosniako, ngem kadagiti amin a Bosnia ken Herzegovina, a mangal-ala iti naipakasaritaan nga ebidensia a ti rehional a termino ti Bosnio ken nasaksian.

Dagiti nota

1. Ti Siriliko ket opisial a naus-usar nga alpabeto, ngem iti panagsanay daytoy ket naus-usar laeng idiay Republika Srpska,nga idiay Pederasion ti Bosnia ken Herzegovina ket ti latin ti kaaduan a naus-usar.^[2]