Pagsasao a Serbio

Ti Serbio (Serbio a Siriliko: српски, Latin: srpski, panangibalikas [sr̩̂pskiː]) ket dagiti naiyalagad a karuay ti pagsasao a Serbo-Kroata^[9][10][11] a kaaduan nga inus-usar babaen dagiti Serbio idiay Serbia, Montenegro,^[12] ken Bosnia ken Herzegovina. Iti pay maipatinayon, daytoy ket mabigbigan a kas minoridad a pagsasao idiay Kroasia, Amianan a Macedonia, Romania, Hungaria, Eslobakia, Republika a Tseka, Albania ken Gresia.

Serbio
српски srpski
Pannakabalikas	[sr̩̂pskiː]
Patubo iti	Serbia, Montenegro, Kroasia, Bosnia, ken dagiti kaaruba a rehion
Patubo a mangisasao	12 mil. [1] (2006)[2]
Pamilia	Indo-Europeano Balto-Eslabo Eslabo Abagatan nga Eslabo Lumaud[3] Serbo-Kroata[4] Shtokavian Neo-Shtokavian Akin-daya a Herzegovina Serbio
Panagsurat	Siriliko (Serbio nga abesedario) Latin (alpabeto ni Gaj) Yugoslav a Braille
Opisial a kasasaad
Opisial a mangisasao	Serbia  Bosnia ken Herzegovina
Pakabigbigan a minoridad a pagsasao	Kroasia  Hungaria[5]  Montenegro  Eslobakia[6]  Republika a Tseka[7]  Amianan a Macedonia[8]  Romania
Nagalagad	Opisina ti Panangiyalagad ti Pagsasao a Serbio
Kodkodigo ti pagsasao
ISO 639-1	sr
ISO 639-2	srp
ISO 639-3	srp
Linguaesperio	part of 53-AAA-g
Pagpagilian a ti Serbio ket opisial a pagsasao.   Pagpagilian a a mabigbigan a kas minoridad a pagsasao.
Aglaon daytoy nga artikulo kadagiti simbolo ti ponetiko ti IPA. No awan ti maitunos a suporta ti panangipaay, mabalin a makitam dagiti marka-ti-saludsod, kahon, wenno sabali pay a simbolo imbes a dagiti karakter ti Unicode.

Ti Alagaden a Serbio ket naibatay iti kaaduan a dialekto ti Serbo-Kroata, ti Shtokavian (nga ad-adu a naisangsangayan iti Šumadija-Vojvodina ken dagiti dialekto ti Akin-daya a Herzegovina^[13], nga isu pay ti batayan ti Alagaden a Kroata, Bosnio, ken Montenegrino ^[14] Ti sabali pay a dialekto nga isasao dagiti Serbio ket ti Torlak idiay akin-abagatan a daya a Serbia, ken transisional daytoy ti Masedonio ken Bulgaro.

Ti Serbio ket praktikal nga isu-isu ti Europeano nga alagaden a pagsasao nga addaan ti kompleto a sinkroniko a digrapia,^[15] nga agus-usar kadagiti alpabeto ti Siriliko ken Latin; dagiti agsasao ket nalaingda a basaenda dagiti dua nga eskritu. Ti alpabeto ti Serbio Siriliko ket naaramid idi 1814 babaen ti Serbio a lingguista ani Vuk Karadžić, nga isu ket nangpartuat ti alpabeto kadagiti pamunganayan ti ponemiko. Ti Latin nga alpabeto ket dinaremdem babaen ti Kroata a lingguista a ni Ljudevit Gaj idi 1830.