Óli Gunnar Gunnarsson

Óli Gunnar Gunnarsson (f. 10. ágúst 1999) er íslenskur leikari, rithöfundur og leikstjóri. Hann er fæddur og uppalinn í Hafnarfirði. Árið 2013 skrifaði hann sitt fyrsta leikrit í fullri lengd, Unglinginn, ásamt Arnóri Björnssyni. Sýningin hefur verið þýdd og sett upp víðsvegar um heim. Hún var einnig tilnefnd til tveggja Grímuverðlauna árið 2014.^[1] Árið 2015 skrifaði hann skáldsöguna Leitin Að Tilgangi Unglingsins ásamt Arnóri Björnssyni og Bryndísi Björgvinsdóttur. Sú skáldsaga var sett á svið sem leikritið Stefán Rís í Gaflaraleikhúsinu. Óli Gunnar lék persónuna Finn í kvikmyndinni Víti í Vestmannaeyjum árið 2018. Sama ár skrifaði hann ásamt öðrum leikritið Fyrsta Skiptið sem sýnt var í Gaflaraleikhúsinu og Hofi og á Sjónvarpi Símans.

Óli Gunnar Gunnarsson

Árið 2019 skrifaði hann, lék og leikstýrði þáttaröðinni Meikar ekki sens ásamt Arnóri Björnssyni. Serían var frumsýnd 6. maí 2020 á Sjónvarpi Símans.

Ritverk

• Bryndís Björgvinsdóttir, et al. Leitin Að Tilgangi Unglingsins : Stefán Rís - Unglingasmáfræðirit. 2015.

Leikverk

• Arnór Björnsson, Óli Gunnar Gunnarsson. Unglingurinn. 2013.
• Arnór Björnsson, Óli Gunnar Gunnarsson. Stefán Rís. 2016.
• Arnór Björnsson, Óli Gunnar Gunnarsson. Fyrsta Skiptið. 2018.

Þáttaraðir

• Arnór Björnsson, Óli Gunnar Gunnarsson. Meikar Ekki Sens. 2020.

Tenglar

• Fullorðnir eru að fatta að unglingar eru framtíðin, Morgunblaðið - 297. tölublað (18.12.2015)