Nálgunarhljóð

Nálgunarhljóð er málhljóð sem er á millistigi milli önghljóðs og sérhljóðs. Nálgunarhljóð myndast þegar talfærin liggja þannig að þau skapa þrengingu í munnholinu sem veldur heyranlegum núningi. Í þessum hljóðaflokki eru hljóð eins og [l] (eins og í lækka), [ɹ] (eins og í enska orðinu rest), og hálfsérhljóð á borð við [j] og [w] (eins og í jól og enska orðinu west).

Myndunarháttur

Nefhljóð Lokhljóð Önghljóð Hliðmæld önghljóð Nálgunarhljóð Hliðmæld nálgunarhljóð Sveifluhljóð Sláttarhljóð Hliðmæld sláttarhljóð Hliðarhljóð

Hálfsérhljóð

Aðalgrein: Hálfsérhljóð

Sum nálgunarhljóð líkjast sérhljóðum varðandi myndunarhátt og oft eru þau kölluð hálfsérhljóð. Samsvörun milli hálfsérhljóða og sérhljóða er svo sterk að í mörgum tungumálum svara sömu hálfsérhljóðin til sömu sérhljóðanna.

Í mörgum tungumálum skiptast hálfsérhljóð og sérhljóð á eftir hljóðfræðilegu samhengi, eða af málfræðilegum ástæðum, eins og í hljóðskiptum. Sumir hljóðfræðingar greina á milli sérhljóða og nálgunarhljóða samkvæmt stöðu þeirra í ákveðnu atkvæði.

Eftirfarandi er listi yfir sérhljóð og samsvarandi nálgunarhljóðin (hálfsérhljóð).

Sérhljóð	Samsvarandi nálgunarhljóð	Myndunarstaður	Dæmi
[i]	[j]	Framgómhljóð	spænska amplío („ég lengi“) sbr. ampliamos („við lengjum“)
[y]	[ɥ]	Vara- og framgómhljóð	franska aigu („skarpur“) sbr. aiguille („nál“)
[ɯ]	[ɰ]	Gomhljóð	kóreska 쓰다 sseuda [s͈ɯda] („að vera klædd(ur) í“) sbr. 씌우다 ssuiuda [s͈ɰiuda] („að klæða e-n í“)
[u]	[w]	Vara- og gómhljóð	spænska actúo („ég geri“) sbr. actuamos („við gerum“)
[ɚ]	[ɻ]	Rishljóð	bandarísk enska waiter („þjónn“) sbr. waitress („þjónustustúlka“)
[ɑ]	[ʕ̞]	Kokhljóð	(dæmi vantar)

Flokkun

Miðmæld nálgunarhljóð

• [β̞] tvívaramælt nálgunarhljóð
• [ʋ] tannvaramælt nálgunarhljóð
• [ð̞] tannmælt nálgunarhljóð
• [ɹ] tannbergsmælt nálgunarhljóð
• [ɻ] rismælt nálgunarhljóð
• [j] framgómmælt nálgunarhljóð
• [ɰ] gómfyllumælt nálgunarhljóð
• [ʁ̞] vara- og gómmælt nálgunarhljóð
• [ʕ̞] úfmælt nálgunarhljóð
• [ʢ̞] kokmælt nálgunarhljóð

Hliðmæld nálgunarhljóð

• [l] tannbergsmælt hliðmælt nálgunarhljóð
• [ɭ] rismælt hliðmælt nálgunarhljóð
• [ʎ] framgómmælt hliðmælt nálgunarhljóð
• [ʟ] gómfyllumælt hliðmælt nálgunarhljóð
• [ɫ] eða [lˠ] gómfylluð hliðmælt nálgunarhljóð

Vöruð nálgunarhljóð

• [w] vara- og gómfyllumælt nálgunarhljóð
• [ɥ] eða [jʷ] vara- og framgómmælt nálgunarhljóð

  Þessi málfræðigrein er stubbur. Þú getur hjálpað til með því að bæta við greinina.