Sequoioideae

Sequoioideae (rauðviður) er undirætt af barrtrjám í ættinni Cupressaceae.^[2] Hún er algengust í strandskógum norður Kaliforníu.

Sequoioideae Tímabil steingervinga: Norian?[1] til nútíma
Sequoiadendron giganteum
Vísindaleg flokkun
Ríki: Jurtaríki (Plantae) Fylking: Berfrævingar (Pinophyta) Flokkur: Barrtré (Pinopsida) Ættbálkur: Pinales Ætt: Einisætt (Cupressaceae) Ættkvísl: Sequoioideae
Ættkvíslir
Sequoia Sequoiadendron Metasequoia

Lýsing

Þær þrjár ættkvíslir í undirættinni eru Sequoia og Sequoiadendron í Kaliforníu og Oregon og Metasequoia í mið-Kína. Amerísku rauðviðartegundirnar teljast til stærstu og hæstu trjáa í heiminum, og geta þau orðið þúsunda ára gömul. Metasequoia, með núlifandi tegundina Metasequoia glyptostroboides, er mun smærri.

Útbreiðsla

Hubei og Hunan héruð Kína

• Náttúruleg útbreiðsla Metasequoia glyptostroboides er í Chongqing héraði í suðurhluta mið Kína.

Kalifornía, Bandaríkjunum

• Náttúruleg útbreiðsla Sequoiadendron giganteum er einvörðungu á vesturhlíðum Sierra Nevadafjalla í Kaliforníu.
• Náttúruleg útbreiðsla Sequoia sempervirens er einvörðungu í "Northern California coastal forests (WWF ecoregion)", við strönd Norður Kaliforníu og nokkrar mílur inn í Oregon.

Paleontology

Sequoioideae er ævaforn undirætt, með elstu Sequoioideae tegundina, Sequoia jeholensis, sem fannst í Júra jarðlögum.^[3]

Steingerfingar sýna gríðarlega útbreiðslu á Krítartímabilinu, sérstakelga norðantil. Ættkvíslir af Sequoioideae hafa fundist við heimskautsbaug, í Evrópu, norður-Ameríku, og um Asíu og Japan.^[4] Kæling loftslags í lok Eósen og Ólígosen dró úr útbreiðslu norðan til, sem og eftirfylgjandi ísaldir.^[5]

Verndunarstaða

Ungur en nú þegar hávaxinn rauðviður (Sequoia sempervirens) í Oakland, Kaliforníu.

Þeim er ógnað af tapi búsvæða vegna bælingar villielda, skógarhöggs, og loftmengunar.^[6] Öll undirættin er í útrýmingarhættu. IUCN Red List metur Sequoia sempervirens í útrýmingarhættu (A2acd), Sequoiadendron giganteum í útrýmingarhættu (B2ab) og Metasequoia glyptostroboides í útrýmingarhættu (B1ab).