Rage

Rage — პირველი პირის მსროლელის ჟანრის ვიდეო თამაში შექმნილი id Software მიერ. მასში გამოყენებულია თამაშის ძრავა id Tech 5^[1]. თამაში გამოვიდა 2011 წლის ოქტომბერს. პირველი დემო ვერსია ნაჩვენები იქნა 2007 წლის 11 ივნისს Worldwide Developers Conference-ზე (WWDC)^[2]. დაანონსდა 2007 წლის 2 აგვისტოს QuakeCon-ის ყრილობაზე, ხოლო იმავე დღეს GameTrailers-ზე გამოვიდა თამაშის პირველი ტრეილერი^[3].

Rage
დეველოპერ(ებ)ი	id Software
გამომცემელი	Bethesda Softworks Aspyr Media (Mac OS)
დისტრიბუტორი	იაპ Square Enix (PC)
სერია	Rage
ძრავა	id Tech 5
პლატფორმ(ებ)ი	Microsoft Windows PlayStation 3 Xbox 360 OS X
გამოსვლის თარიღი	ჩა 4 ოქტომბერი, 2011 იაპ 6 ოქტომბერი, 2011 ავ 6 ოქტომბერი, 2001 ევ 7 ოქტომბერი, 2011 იაპ 27 ოქტომბერი, 2011 (PC)
ჟანრ(ებ)ი	პირველი პირის მსროლელი მოქმედებითი-სათავგადასავლო ბრბოლა გადარჩენისთვის სარბოლო
რეჟიმ(ებ)ი	ერთმოთაამაშიანი მრავალმოთამაშიანი
რეჟისორ(ებ)ი	ტიმ უილიტსი
მხატვარი	სტეფან მარტინერი
სცენარისტი	მეთიუ ჯ. კოსტელო
კომპოზიტორი	როდ ამბერნეტი
საიტი	http://rage.com/

თამაშის პროცესი მიმდინარეობს პოსტაპოკალიფტურ მომავალაში, სადაც მოხდა ასტეროიდ აპოფისისს შეჯახება დედამიწასთან^[4]. კრიტიკოსებმა თამაში შეადარეს კინოფილმ შეშლილ მაქსსა და ვიდეო თამაშებს, როგორებიც არის Fallout და Borderlands, ხოლო მანქანის მართვის გეიმპლეი-ზე გავლენა მოახდინა სარბოლო ვიდეო თამაშმა MotorStorm და Burnout-მა. მოთამაშეებს შეუძლიათ თავიანთი მანქანების განახლება სხვადასხვა ბრბოლის მოგების შედეგად აღებული სერტიფიკატების მეშვეობით^[5].

სიუჟეტი

2004 წელს აღმოჩენილი იქნა ასტეროიდი აპოფისი, რომელიც მიცნიერების გათვლებით შესაძლებელია შეეჯახოს დედამიწას. აქედან გამომდინარე, მსოფლიოს მთავრობებმა შეუდგნენ პროექტ "კიდობანის" განხორციელებას, რომელიც ითვალისწინებს მიწისქვეშა თავშესაფრების აშენებას სპეციალურ კაპსულებთან ერთად, სადაც განთავსებულები იქნებიან ადამიანები. შეჯახების შემდეგ, ეს კაპსულები ავტომატურად უნდა ავიდნენ მიწის ზედაპირზე შეჯახებიდან რამდენიმე წლის შემდეგ. 2029 წელს აპოფისი ეჯახება დედამიწას, რომელიც ანადგურებს დედამიწის მოსახლეობის 80 პროცენტს, რის შედეგადაც იწყება ბირთვული ზამთარი, თუმცა ხუთი წლის შემდეგ ატმოსფერო იწმინდება რადიოქატიური მტვერისგან, რის შემდეგაც გადარჩენილები ცდილობენ დანგრეული სამყაროს ხელახლა აშენებას.

გეიმპლეი

თამაში თავის თავში მოიცავს პირველი პირის მსროლელისა და სარბოლო ვიდეო თამაშის ჟანრებს, სადაც მოთამაშეს შესაძლებლობა აქვს გამოიყენოს ავტომობილი თამაშის სამყაროს გამოსაკვლევად და გადასადგილებლად.

თამაში პირველი პირის ხედვით

მასში არის ცეცხლსასროლი იარაღების ფართო არჩევანი, როგორც კლასიკური იარაღები, ასევე უნიკალური თანამედროვე ტიპის იარაღები, ასევე შესაძლებელია იარაღის გაუმჯობესება სხვადასხვა გზით.

Rage-ში წარმოდგენილია შიდა ეკონომიკა. მოთამაშეს საშუალება აქვს მისი სურვილისამებრ დახარჯოს მის მიერ გამომუშავებული ფული. ამ ფულით შესაძლებელია იარაღის, ჯავშნისა და სხვადასხვა მარაგის შეძენა. მოთამაშეს შეუძლია თავისი მანქანის მოდიფიცირება სერტიფიკატების მეშვეობით.

შექმნის ისტორია

თამაში დაანონსდა 2007 წლის 3 აგვისტოს QuakeCon-ზე. იმავე დღეს გამოშვებული იქნა თამაშის პირველი ტრეილერი, რომელიც გამოქვეყნდა GameTrailers-ზე^[6].

2009 წლის 24 ივნისს გახდა ცნობილი, რომ კომპანია ZeniMax-მა, რომელიც არის კომპანია Bethesda Softworks-ის მშობელი კომპანია შეიძინა id Software. შეთანხმების მიხედვით, Bethesda გამოუშვებს id Software-ის მიერ შემუშავებულ ყველა თამაშს, გარდა იმისა, რომელზეც id Software აქვს შეთანხმება სხვა კომპანიებთან გამოცემასთან დაკავშირებით^[7]. 25 ივნისს Electronic Arts-მა დაადასტურა, რომ თვითონ იქნება თამაშის გამომცემელი და არა Bethesda^[8].

თამაშის ერთ-ერთი ადრეული ფოტო, რომელიც ნაჩვენები იქნა SIGGRAPH-ის კონფერენციაზე

2009 წლის 5 ნოემბერს ჟურნალი Variety გაესაუბრა ჯონ კარმაკს და კითხვაზე იქნება თუ არა თამაშში შესაძლებელი განცალკევებული სერვერის შექმნა მრავალმოთამაშიანი რეჟიმისთვის, პასუხი იყო "არა", ამ მომენტისთვის ჩვენ არ გვაქვს გადაწყვეტილი განცალკევებული სერვერის შექმნა"^[9].

2009 წლის ნოემბერში id Software-ის სამხატვრო დირექტორმა ტიმ უილიტსმა Total PC Gaming-თან ინტერვიუში გაამხილა ზოგიეთი დეტალი თამაშთან დაკავშირებით, კერძოდ იარაღსა და თამაშის შიდა ეკონომიკასთან დაკავშირებით^[10].

2009 15 დეკემბერს კომპანია ZeniMax Media განაცხადა, რომ მან შეიძინა Electronic Arts-ისგან თამაშის გამოშვების საავტორო უფლებები, რის შედეგადაც თამაშის გამოშვება დაევალა Bethesda Softworks. ასევე დასძინა, რომ Electronic Arts აღარ იღებს თამაშის შექმნაში მონაწილეობას და აღარ ფლობს თამაშის ინტელექტუალური საკუთრების უფლებას, არ იქნება მისი არც გამომშვები და არც დისტრიბუტორი^[11][12].

19 მაისს კომპანია Bethesda Softworks-მა განაცხადა, რომ თამაშის სპეციალური გამოშვება სახელწოდებით «Anarchy Edition» ასევე გამოშვებული იქნება ევროპა-ში. (რამდენიმე ხნის წინ აღნიშნული გამოცემა დაანონსდა მხოლოდ აშშს ტერიტორიაზე). სპეცგამოშვება შეიცავს დამატებით ციფრულ შიგთავსს: «Crimson Elite Armour» - ყველაზე მეტად გაყიდვად ჯავშანს მთელს უდაბნოში, გაზრდილ ინვენტარს, რამდენიმე სახის იარაღსა და სხვადასხვა შესაძლებლობებს უდაბნოში გადასარჩენად^[13].

2012 წლის 2 თებერვალს გამოვიდა თამაშის ვერსია Mac OS-ისთვის სახელწოდებით RAGE: Campaign Edition, რომელშიც ინტეგრირებულია ორი DLC "Anarchy Edition" და "Sewers"^[14].

ქსელური თამაში

Rage აქვს ქსელური თამაშის ორი რეჟიმი - "უდაბნოს ლეგენდები" და "საბრძოლო რალი". საბრძოლო რალში ერთმანეთს ეჯიბრება ოთხი მოთამაშე, რომელიც ოთხივე ერთმანეთისგან დამოუკიდებლად თამაშობს - ყველა ყველას წინააღმდეგ სპეციალურად გამოყოფილ არენაზე. "უდაბნოს ლეგენდები" თავისთავში მოიცავს 9 კოოპერატიულ დავალებას.

კრიტიკოსების შეფასება

შეფასება
საერთო შეფასება
აგრეგატორი	შეფასება
GameRankings	(X360) 82.03%[15] (PS3) 81.79%[16] (PC) 77.94%[17]
Metacritic	(X360) 81/100[18] (PS3) 81/100[19] (PC) 79/100[20]
ქულები
წყარო	რეიტინგი
1UP.com	B[21]
Edge	7/10[22]
Electronic Gaming Monthly	9.5/10[23]
Eurogamer	8/10[24]
Famitsu	35/40[25]
G4	4/5[26]
Game Informer	9/10[27]
GamePro	[28]
GameSpot	8/10[29]
GameSpy	[30]
GamesRadar	[31]
GameTrailers	9.0/10[32]
IGN	8.5/10[33]

თამაშმა ჯერ კიდევ გამოსვლამდე მოიპოვა აღიარება. მან მიიღო სხვადასხვა ჯილდოები სხვადასხვა საიტებისა თუ ჟურნალ-გაზეთების მიერ, მათ შორის "საუკეთესო შუტერი"^[34] , "საუკეთესო პირველი პირის მსროლელი", "საუკეთესო მოქმედებითი თამაში"^[35], "PS3-ის საუკეთესო თამაში," "Xbox 360-ის საუკეთესო თამაში", "PC-ის საუკეთესო თამაში" და სხვა^[35][36].

Rage-მა ერთიანობაში მიიღო დადებითი შეფასება საერთო განხილვის საიტებზე Metacritic-სა და GameRankings-ზე. შეაქეს თამაშის გრაფიკის ხარისხი და სროლის მექანიკა.

Electronic Gaming Monthly-მა 10-დან 9.5 ქულა დაუწერა და დასძინა, რომ თამაშს აქვს შთამბეჭდავი ვიზუალური მახასიათებლები, სასტიკი და დამაკმაყოფილებელი საბრძოლო სისტემა, გაუმჯობესებული მოწინააღმდეგე, უამრავი გაუმჯობესებული დამატებითი დავალებები, ასევე მიმზიდველი მრავალმოთამაშიანი რეჟიმი. თუმცა ისიც აღნიშნა, რომ ერთადერთი რაც არ მოეწონა მასში იყო უკანასკნელი ბრძოლა უფროთან (ბოსი), რომელიც არ იყო ისეთე შთამბეჭდავი, როგორიც თამაშის სხვა დანარჩენი ბრძოლის სცენები. Ars Technica-მა თამაშის Xbox 360-ის ვერსიას ნეგატიური შეფასება მისცა სიუჟეტის უქონლობის, პერსონაჟების განუვითარებლობისა და "გატეხილი შენახვის სისტემის გამო". თუმცა შეაქო მისი ვიზუალური ეფექტების ხარისხი.^[37].

Game Informer-მა დაუწერა 10-დან 9 ქულა. შეაქო ანიმაციის სისტემა და მთლიანად თამაშის ატმოსფერო. IGN-მა დადებითად შეაფასა Rage-ის გრაფიკა და დაახასიათა, როგორც ერთ-ერთ საუკეთესო გრაფიკის მქონდე თამაში, თუმცა გააკრიტიკა თამაშის სიუჟეტი და პერსონაჟები.

Rage, ასევე აღიარებული და დაჯილდოვებული იქნა სხვადასხვა დაჯილდოების ცერემონიებზე. ის წარდგენილი იქნა სხვადასხვა ნომინაციებზე, როგორებიც არის "საუკეთესო გრაფიკა"⁶⁶.⁶⁷ , "წლის საუკეთესო თამაში"^{64 დაარქივებული 2013-08-11 საიტზე Wayback Machine. 65}, "საუკეთესო პირველი პირის მსროლელი", "საუკეთესო შუტერი" და ასე შემდეგ. ტექნიკური საკითხების მოგვარებასთან დაკავშირებით PC ვერსიისთვის დაიბეჭდა სხვადასხვა სტატიები გამომცემლების მიერ. AMD გამოუშვა დრაივერები სხვადასხვა პრობლემის გადასაწყვეტად^[38]. 2011 წლის 10 ოქტომბერს გამშვებული იქნა პატჩი Windows ვერსიისთვის, რომელმაც გამოასწორა სხვადასხვა ტექნიკური, თუ გრაფიკული შეცდომები^[39].

რესურსები ინტერნეტში

• ოფიციალური საიტი