Bison bison

Bison bison est species bisontis cuius vasti greges in America Septentrionali olim vagabantur. Eius spatium historicum ante annum 9000 a.C.n., magna bisontum zona appellatur, tractus vigentium terrarum graminearum qui ab Alasca ad Sinum Mexici, ad orientem usque ad litus Atlanticum (in nonnullis regionibus paene ad tidewater Atlanticum) ad Novum Eboracum, et ad meridiem usque ad Georgiam, et, secundum nonnullos fontes, usque ad Floridam extendebatur, atque in Carolina Septentrionali prope Buffalo Ford in Catawba Flumine anno 1750 videbatur.^[2][3][4] Paene exstinctus factus est propter venationem mercatoriam saeculo undevicensimo effectam morbosque bovinos ex bobus domesticis introductis. Species saeculo duodevicensimo exeunte plus quam 60 milliones animalium numerari putatur, sed ante annum 1889 solum 541 animalia enumerabantur. Medio saeculo vicensimo, rationes gregum augendorum prospere eveniebant, et 31 000 animalium ferorum hodie in vita sunt,^[5] plerumque in aliquot saeptis nationalibus aliisque saeptis hodie inclusi. Animalia huius species praeterea post nonnullas reintroductiones etiam in variis Iacutiae et Mexici regionibus libere vagantur.

Bison bison bison

---

Animalia — Chordata

Classis : Mammalia 
Ordo : Artiodactyla 
Familia : Bovidae 
Subfamilia : Bovinae 
Tribus : Bovini 
Subtribus : Bovina 
Genus : Bison 
Species : Bison bison 
(Linnaeus, 1758)

   

Palaeontologia

0.01–0 m.a.: 

pЄ

Є

O

S

D

C

P

T

I

K

pg

n

↓

Holocaeno ineunte – praesens

Conservationis status

NT

Custodienda (IUCN 3.1)^[1]

Subdivisiones: Subspecies

Bison bison athabascae
Bison bison bison

Synonyma

• Bos americanus Gmelin, 1788
• Bos bison Linnaeus, 1758
• Bison americanus (Gmelin, 1788
• Bison bison montanae Krumbiegel, 1980

Territorium

Bison bison athabascae.

Vocatio bisontis.

Mas adultus (ultra) et femina adulta (citra), in Yellowstone National Park.

Bison mas in Montibus Wichita Oclahomae.

Sceletus bisontis.

Bison currere videtur. Series photographematum ab Eduardo Muybridge factorum, primum anno 1887 in Animal Locomotion edita.

Bison bison

Describuntur duae subspecies vel oecotypi: Bison bison bison ("bison planitiei"), magnitudine minor, gibbere rotundiori, et Bison bison athabascae ("bison silvestris"), maior, gibbere quadrato.^{[6][7][8][9][10][11]} Praeterea, Bison bison bison in B. b. montanae planitiei septentrionalis et B. b. bison planitiei meridianae fortasse consistit, ut summa sit tres.^[9] Quae autem distinctio late non approbatur. Bison silvestris est una ex maximis bovidarum exstantium speciebus feris in mundo, solum a Bove gauro Asiae superata.^[12] Inter animalia terrestria in America Septentrionali exstantia, bison est gravissimum et longissimum, secundumque ab altissimo, post Alcem alcem.

Indi Americani qui in Magnis Planitiebus nonnulla millennia habitabant religione aliisque culturae proprietatibus cum bisonte Americano artissime coniungebantur. Quod animal est mammal nationale Civitatum Foederatarum Americae.

Descriptio

Bisonti hieme saetae longae, villosae, atrofuscae, atque aestate saetae leves fuscaeque pallidae sunt. Bisontes mares feminis multo maiores gravioresque sunt. Phenotypus bisontis silvestris phenotypo bisontis planitiei fortasse est primitivior, cum hic ut videtur se ex mixtura Bisontis occidentalis et Bisontis antiqui evolveret.^[13] Bisontes planitiei saepe minores, bisontes silvestres saepe maiores sunt. Maxima longitudo a capite ad clunes est 3.5 metra in maribus et 2.85 metra in feminis; cauda a 30 ad 95 centimetra addit.^[13][14][15] Altitudines ad withers a 152 ad 186 centimetra in B. b. bisonte et circa 2 metra in B. b. athabascae variare possunt.^[15] Pondera a 318 ad 1179 chiliogrammata variare possunt,^{[15][16][17][18]} a 460 ad 988 chiliogrammata, medianis a 730 ad 792.5 chiliogrammata (B.b. bison), et 943.6 chiliogrammata (B.b.athabascae) in maribus, et a 360 ad 640 chiliogrammata, medianis a 450 ad 497.6 chiliogrammata, in feminis,^[13] quamquam minima pondera usitata pondera circa aetatem maturitatis sexualis repraesentant, a duo ad tris fere annos aetatis.^{[19][20][21][22][23][13]} Maximum pondus umquam notum in B. b. bisonte erat 1270 chiliogrammata,^[24] sed mares usque ad 1360 chiliogrammata aestimati sunt.^[25] B. b. athabascae B. b. bisonte est multo maior et gravior.^[13] Bison captivus pro carne alitus gravis praeter natura esse potest, et maximus bison sic semidomesticus 1724 chiliogrammata ponderis fuit.^[16] Capita et corpora superiora sunt permagna. Ambobus sexibus sunt brevia cornua curva, quae usque ad 60 centimetra longa et a 90 centimetra ad 124 centimetra lata crescunt,^[26][25] et quibus pugnandi causa intra gregem et pro defensione utuntur.

Bisontes sunt herbivora, quae graminibus cyperaceisque planitierum Americae Septentrionalis vescuntur. Quotidie duas horas pascuntur, duas horas quiescunt, duas horas ruminant, et tum ut iterum pascantur ad novum locum migrant.

Pinacotheca: bison in cultura latiore

• 
  Bison vexillum civicumVyominae adornat.
• 
  Effigies cutis bisontis Americani in saltatione solaris indigenarum Lakotae adhibetur.
• 
  Bison in vexillo Manitobae apparet.
• 
  Buffalo nickel anni 1935. Haec designatio, bisontem Americanum depingens, ab anno 1913 ad annum 1938 edebatur.
• 
  Syngrapha $10 seriei 1901 Meriwether Lewis et Gulielmum Clark, exploratores militarios, cum bisonte Americano depingit.
• 
  Primum pittacium cursuale imaginem bisontis ferens anno 1898 in Civitatibus Foederatis editum est: 4¢ "Indian Hunting Buffalo," pars seriei commemorativae de Expositione Trans-Mississippiana

Nexus interni

• Buffalo buffalo Buffalo buffalo buffalo buffalo Buffalo buffalo