Biissen

Biissen ass eng Uertschaft am Zentrum vu Lëtzebuerg an Haaptuert vun der Gemeng mat dem selwechten Numm am Kanton Miersch.

Biissen
Biissen vum Wobierg aus gesinn (2008)
An anere Sproochen	fr: Bissen de: Bissen
Land	Lëtzebuerg
Kanton	Miersch
Gemeng	Biissen
Buergermeeschter	David Viaggi
Awunner	3.405
	1. Januar 2023
Héicht	234 m
Koordinaten	49° 47’ 21’’ N       06° 03’ 49’’ O

Hydrographie

D'Uertschaft läit am Atertdall, an um Territoire vun der Uertschaft hunn d'Bussbaach an d'Helmeschbaach hir Quell.

Geschicht

Am Joer 960 ass d'Existenz vu Biissen ënner dem Numm "Bisiceromarkun"^[1] attestéiert ginn duerch en Dokument an deem d'Par Biissen als baussent der Par vu Miersch bezeechent gëtt. Dofir huet d'Par 1960 hir dausendjäreg Existenz gefeiert.

Bevëlkerung

Datum	Awunner	Datum	Awunner	Datum	Awunner	Datum	Awunner
01.01.2000	2.538	01.01.2001	2.597	01.01.2002	2.593	01.01.2003	2.581
01.01.2004	2.596	01.01.2005	2.602	01.01.2006	2.616	01.01.2007	2.737
01.01.2008	2.778	01.01.2009	2.805	01.01.2010	2.871	01.01.2011	2.874
01.01.2012	2.879

Bekannt Leit vu Biissen

• Maximilian Cajetan de Bertrand, Industriellen
• Fränz Dasbourg, Moler
• Carlo Hommel, Doumorganist
• Jean-Baptiste Kremer, Jesuitt, Professer op der "Marquette University" zu Milwaukee
• Charles-Frédéric Mersch, Staatsrot
• Aloyse Raths, Resistenzler
• Michel Stoffel, Moler

Kuckeswäertes

D'Bisser Millen, d'Atert an de Milleweier.

• Um Wobierg: d'Rochuskapell, d'Kräizstatioun an déi zwéi bemierkenswäert Käschtebeem virun der Kapell;
• Uergel an der Parkierch vu Biissen, gebaut 1891 vun de Bridder Müller vu Reifferscheid, zanter Dezember 2001 op der Lëscht vun de klasséierte Monumenter;
• Beckius-Fresken am Chouer vun der Parkierch vu Biissen, zanter September 1987 op der Lëscht vun de Monuments classés;
• déi fréier Gare Biissen, zanter 2012 e klasséiert Monument;
• d'Biisser Millen;
• d'Graf vum Monseigneur Jacques Mangers um Biisser Kierfecht

Literatur

• Victor Kalmes (ënner der Mataarbecht vum Jos Schummer an dem Arnold Weber), Bissen seit eh und je. Band 1 (2001) (525 S.) an 2 (2002) (567 S.). Erausgi vun der Gemengeverwaltung Biissen. Sankt-Paulus Dréckerei, Lëtzebuerg.

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Biissen – Biller, Videoen oder Audiodateien

• Offiziell Säit vun der Gemeng Biissen

Referenzen

1. An net « Basiccromannum », eng feelerhaft Transkriptioun vum Louis L'Évêque de la Basse-Moûturie (Itinéraire du Luxembourg germanique, ou Voyage historique et pittoresque dans le Grand-Duché, Luxembourg 1844, S. 377), déi leider reegelméisseg ze fannen ass. De Feeler gouf 1929 vum Jules Vannérus publizéiert: Le Chevalier l'Evêque de la Basse-Mouturie et son itinéraire du Luxembourg Germanique. 15 p. Cahiers luxembourgeois. Bourg-Bourger, Luxembourg.