Eurovision Song Contest 2004
49. Eurovision Song Contest From Wikipedia, the free encyclopedia
Remove ads
Den 49. Eurovision Song Contest war den 12. a 15. Mee 2004 an der Tierkei. Organiséiert gouf d'Eurovisioun dat Joer am Abdi İpekçi Arena zu Istanbul. Presentateure waren d'Meltem Cumbul an de Korhan Abay.
Nei derbäikomm sinn Albanien, Andorra, Serbien a Montenegro a Wäissrussland. Monaco, dat 1979 fir d'lescht dobäi war, huet dëst Joer och fir d'éischt nees matgemaach. Lëtzebuerg huet scho wéi déi 10 Joer virdru fräiwëlleg drop verzicht fir matzemaachen. Och Italien, Ungarn, an d'Slowakei hu fräiwëlleg net matgemaach. Am Ganzen hu 36 Länner matgemaach. Dat war déi bis dohi gréissten Zuel u Länner déi matgemaach hunn.
Opgrond vun der grousser Zuel u Länner déi wollte matmaachen ass eng Qualifikatiounsronn (Halleffinall) agefouert ginn. 22 Länner sinn den 12. Mee géinteneen ugetratt. Déi zéng bescht hu sech fir d'Finall de 15. Mee qualifizéiert. Do si se dann op déi 14 Länner getraff déi sech am Joer virdru scho fir d'Finall qualifizéiert haten.
D'Reegel fir d'Ofstëmmung ass d'selwecht bliwwe wéi déi Jore virdrun. Dëst war dat éischt Joer wou den Televoting duerch d'Spectateure vun alle Länner benotzt ginn ass fir ofzestëmmen. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Istanbul matgedeelt ginn. D'Länner hunn alleguer, souwuel an der Halleffinall, wéi och an der Finall däerfen ofstëmmen. Allerdéngs ass d'Halleffinall a Frankräich, Polen a Russland net iwwerdroe ginn a konnten dofir och net ofstëmmen.
Déi éischt Plaz krut d'Vertriederin vun der Ukrain, d'Ruslana mat 17 Punkte Virsprong virum Grupp Željko Joksimović & Ad Hoc Orchestra (Serbien a Montenegro). Déi drëtt Plaz krut de Sakis Rouvas, dee fir Griicheland ugetruede war.
Fir d'Ukrain war et déi éischt Kéier datt et de Grand Prix gewonnen hat.
Remove ads
Plazen an der Halleffinall
No der Qualifikatiounsronn sinn nëmmen d'Plazen 11 bis 22 bekannt gemaach ginn. Bei de Plazen 1 - 10 si keng Punkte bekannt gemaach ginn fir eng Beaflossung an der Finall ze vermeiden.
Déi Länner, déi sech net fir d'Finall qualifizéiert haten, hunn och nees 2005 misse bei der Halleffinall matmaachen.
Remove ads
Plazen an der Finall
De Gewënner an déi gréng markéiert Länner waren am Joer drop (2005) automatesch fir d'Finall qualifizéiert.
Remove ads
Um Spaweck
 |
Commons: Eurovision Song Contest 2004 – Biller, Videoen oder Audiodateien |
Wikiwand - on
Seamless Wikipedia browsing. On steroids.
Remove ads