Џерси

Џерси, полн назив: Бејлифство Џерси (англиски: Bailiwick of Jersey, француски: Bailliage de Jersey; џерсиски: Bailliage dé Jèrri) — автономен крунски посед на британскиот монарх во Ламанш, меѓу Франција и Англија. Се наоѓа на приближно 20 км од брегот на полуостровот Котантен во Нормандија, и 160 км од Велика Британија. Заедно со Гернзи ги сочинува Каналските Острови. Во состав на Џерси влегуваат и помалите острови Ерекуз, Ла Мот, Минкјер, Пјер де Клерк и Дирује.

Бејлифство Џерси Bailiwick of Jersey bailliage de Jersey bailliage dé Jèrri
Знаме Грб
Химна: „Боже, чувај го Кралот“ „Островски дом“
Местоположбата на  Џерси  (dark green) Местоположбата на  Џерси  (dark green)
Главен град (и најголем)		Сент Хелиер 49°11.401′N 2°06.600′W
Службен јазик		англиски француски
Признаени регионални јазици		џерсиски
Народности (2011[1])		46,4% Џерсијци 32,7% Британци 8,2% Португалци 3,3% Полјаци 2,4% Ирци 0,9% Французи 1,1% останати
Уредување		крунски посед
•	монарх	Чарлс III
•	Намесен управник	Стивен Далтон
•	Бејлиф	Вилијам Бејлаш[2]
•	Главен министер	Џон Ле Фондр
Статус		Британски крунски посед
•	Управно одвојување од Нормандија	1204
•	Ослободување од Третиот Рајх	9 мај 1945
Површина
•	Вкупна	118,2 км2
•	Вода (%)	0
Население
•	проценка за 2019 г.	106,800[3]
•	Густина	819 жит/км2
БДП (ПКМ)		проценка за 2015 г.
•	Вкупен	4,57 млј фунти
•	По жител	45.000 фунти
ИЧР (2008)		▬ 0.985[4] многу висок
Валута		британска фунтаа (GBP)
Часовен појас		GMT
•	(ЛСВ)	(UTC+1)
Се вози на		лево
НДД		.je
Повик. бр.		+44
Светец заштитник		св. Хелиер
а.	Управата на Џерси издава свои банкноти и монети на британските фунти (погл. џерсиска фунта).

Зафаќа вкупна површина од 118,2 км^2[5] и има 98.213 жители (2011).^[6]

Гернзи не е дел ниту од Обединетото Кралство и Европската Унија, туку под суверено владение на британската круна (монархот) во својство на војвода на Нормандија, застапувана од намесниот управник. Со Гернзи непосредно раководи „бејлиф“ (bailiff), кој претседава со собранието и судот. Историски ова е звање на средновековен велможа во Франција. Џерси има автономна законодавна, судска и извршна власт. Владата на Обединетото Кралство е надлежна за надворешните односи и одбраната. За Џерси важи начелото за слободен проток на стоки од ЕУ. Главен и најголем град е Сент Хелиер, со 33.622 жители.

Џерси важи за најсончевиот од британските острови и познат е по плажите.

Стопанство

Стопанството на Џерси се заснова на банкарство финансиски услуги. Со тоа, бруто-приходот по глава на жител е меѓу највисоките во светот. Во 2015 г. тој изнесувал 45.783 фунти по жител. Поголеми просечни пригоди таа година имале само Бермуда и Луксембург.

Покрај тоа, застапени се туризмот и земјоделството. Во 2006 г. Џерси примил 729.000 посетители. Најважни земјоделски производи се компирот и млечните производи.

Острови

Бејлифството Џерси ги опфаќа следниве острови:

• Џерси
• Екреус
• Ла Мот
• Менкјер
• Пјер де Клерк
• Дирује

Парохии

Главната статија за оваа категорија е Парохии во Џерси.

Карта на парохиите во Џерси

Џерси административно се дели на 12 парохии. Сите излегуваат на море и се наречени по светтците по кои се наречени нивните стари парохиски цркви:

• Грувил (историски: Сен Мартен де Грувил; ги опфаќа и островите Минкјер)
• Сент Брелад
• Сент Клемент
• Сент Лоренс
• Сент Мартин (историски: Сен Мартен ле Вје; ги опфаќа и островите Екреус)
• Сент Мери
• Сент Питер
• Сент Сејвиор
• Сент Уен
• Сент Хелиер
• Сент Џон
• Тринити

Парохиите понатаму се делат на дваесетки (vingtaines; во Сент Уен наречени cueillettes).

На чело на секоја парохија стои „конетаблот“ (connétable) кој се бира од народот на секои четири години. Покрај управувањето со парохијата, има задача и да ја претставува во Собранието на Џерси.

Поврзано

• Каналски Острови
• Џерсиски дијалект