Атина Апостолова

Атина Апостолова (20 мај 1946 во Л’нки, Преспанско, егејскиот дел на Македонија - 7 март 2024 ^[1] во Скопје) — македонска пејачка на народни песни.^[2]

Атина Апостолова
Роден(а)	20 мај 1946 Л’нки, Кралство Грција
Починал(а)	7 март 2024(2024-03-07) (возр. 77) Скопје, Македонија
Жанрови	народна музика, поп-фолк музика
Занимања	пејач
Период на активност	1963 - 2024

Животопис

Атина Апостолова е родена на 20 мај 1946 година во селото Л’нки, Преспанско. Детството го минала во Скопје. Дипломирала на Економскиот факултет во Скопје. Таа е македонска пејачка на народна музика. Таа со музика се занимава уште од најрана возраст, учествувала во емисијата „Микрофонот е ваш“ каде го освоила првото место, со песната „Не си го продавај Кољо чифликот“, која и била првата снимка на Атина. Позната е по песните Запејте мераклии, Цела вечер ќе ти пејам, Верувај ми, Усни румени, Те видов, и се заљубив, Дали знаеш либе, Ако грешам, Иле Илија и многу други. Таа имала турнеји во Австралија, Канада, Америка и европските земји. Во Австралија има настапувано со Круме Спасовски, Никола Бадев и Александар Сариевски. Има одлична соработка со: Ванчо Тарабунов, Ефто Пупиновски и Милан Завков. Во својата долгогодишна кариера има испеано неколку дуети со: Ванчо Тарабунов (Верувај ми) и Ефто Пупиновски (Скопските боеми). Има учествувано на голем број музички фестивали во Македонија, за нејзините успеси говорат бројните награди и признанија на фестивалите: Фолк Фест Валандово, Цветници, Филиграни, Тумба Фест и Гоце Фест. Во 2023 година на Фестивалот „Тумба Фест“ Куманово ја добива наградата за животно дело. Зад себе има и неколку албуми од кои три снимени во Белград и два во Македонската радио телевизија.