Бесленски Рид
From Wikipedia, the free encyclopedia
Remove ads
Бесленски Рид (грчки: Χάρακας, Харакас) — ниска планина во Драмско, Егејска Македонија и Неврокопско, Пиринска Македонија. Претставува дел од венецот на Драмски Боздаг.[1][2]
Remove ads
Опис
Планината се наоѓа во најсеверниот дел на Драмски Боздаг, северно од Шилка, меѓу реката Места на исток, граничната пирамида бр. 166 и Белотинското Езеро и граничната пирамида бр. 141 на запад. Преку Чечката Клисура на исток е одвоена од планината Доспат на Родопите, а преку седлото Митницата е поврзана со планината Стргач на запад.[2] На север се наоѓа Неврокопската Котлина, а на југ е Елеската Котлина (Зрновското карстно поле).
Планината зафаќа вкупна површина од 156 км2. Долга е 21 км, со средна ширина од 8 – 9 км. Највисок врв е Чиплак Баир (1.190 м). Карпите се претежно метаморфни — гнајсови, шкрилци, мермери, амфиболити. Климата е преодносредоземна со средни годишни врнежни од 750 - 900 мм. Има промиена циметни шумска почва, на места значајно еродирани. По билните делови преовладуваат шуми од даб горун, а по падините од даб благун. На одделни места се среќаваат насади од црн бор. На северното подножје на Бесленски Рид се сместени пиринските села Петралик, Теплен и Беслен.[1]
Грчкото име „Харакас“ е дадено по новото име на поранешното село Гуштерак.[2]
До првенецот Чиплак Баир се стасува од селото Беслен (од бугарска страна) за 2 часа по земјен пат кон југ,[3] и од Белотинци (на грчка територија), исто така за 2 часа по земјен пат кој оди на североисток.[2]
Remove ads
Поврзано
Наводи
Надворешни врски
Wikiwand - on
Seamless Wikipedia browsing. On steroids.
Remove ads