Блачен

Блачен или Блатчен (грчки: Αχλαδιά, Ахладија; до 1927 г. Μπλάτσεν, Блацен^[2]) — село во Драмско, Егејска Македонија, денес во општината Неврокоп на Драмскиот округ, Грција. Сè до 1920-тите било населено со Турци.^[3]

Блачен Αχλαδιά
Блачен
Местоположба во областа Блачен Местоположба на Блачен во Неврокоп и областа Источна Македонија и Тракија
Координати: 41°23.51′N 24°0.38′E
Земја	Грција
Област	Источна Македонија и Тракија
Округ	Драмски
Општина	Неврокоп
Надм. вис.	&10000000000000590000000590 м
Население (2021)[1]
• Вкупно	46
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа северозападно од Драма и североисточно од Зрново,^[3] близу десниот брег на Места.

Историја

Во Отоманското Царство

Во регистар од XV и почетокот на XVI век Блачен (Плачани) са води со 47 глави на домаќинства.^[4] Во скратен регистар од 1530 г. село Блачане се води со муслимани: 2 домаќинства, ергени — 7; немуслимани: 58 домаќинства, ергени – 14; вдовици – 5.^[5]

Во XIX век Блачен било муслиманско село во Неврокопската каза. Во „Етнографија на вилаетите Адријанопол, Монастир и Салоника“ се вели дека во 1873 г. Блачен (Blatchen) имал 30 домаќинства на 80 жители Турци.^[6]

Во 1891 г. Георги Стрезов напишал за селото:

„

Блачан, лежи во еден дол меѓу Черешово и Ливадиште. Ридеста месност; нивите се по страните на ридовите. Одгледуваат и многу овци и кози. 26 куќи турски.[7]

“

Според статистиката на Васил К’нчов („Македонија. Етнографија и статистика“) во 1900 г. во Блатчен (Блатченъ) живееле 200 Турци.^[8]

Во Грција

За време на Првата балканска војна селото е окупирано од бугарска војска, а по Втората балканска војна во 1913 г. е припоено кон Грција согласно Букурешкиот договор. Истата година населението броело 339 жители, а во 1920 г. попишани се 270 лица.^[3]

Во 1923 г. жителите на Блачен се иселени во Турција по сила на Лозанскиот договор, а на нивно место се доведени грчки колонисти дојдени од таа земја. Во 1927 г. селото е преименувано во Ахладијас (Αχλαδιάς),^[9] во превод Круша. Во 1928 година Блачен е претставен како чисто дојденско село со 125 грчки дојденци (32 семејства) од Турција.^[10]

Во мај 1944 г. селото е опожарено од бугарска војска, а населението е депортирано во Бугарија.^[11]

Населението се вратило, но во Граѓанската војна е повторно повлечено во полето, овојпат од грчките власти.

Селото произведува тутун и други земјоделски култури, а се занимава и со сточарство.^[3]

Месности во Блачен преименувани со службен указ на 13 јануари 1969 г.

Име	Грчки	Ново име	Грчки	Опис
Ракан[12]	Ρακὰν	Ипсома	Υψωμα[13]	месност Ј од Блачен[12]
Весеник[12]	Βέσενικ	Кидониес	Κυδωνιὲς[13]	врв (1.260 м) Ј од Блачен[12]
Боаз	Μπογὰζ	Стенорема	Στενόρεμα[13]

Население

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	202	174	153	94	101	103	86	92	46

Извор за 1940-1991 г.: Т. Симовски, Населените места во Егејска Македонија