Видобишта (Охрид)

Видобишта — археолошко наоѓалиште во градот Охрид. Претставува гробница од римско време^[1]. Се наоѓа во североисточното предградие на Охрид, на улицата „Марко Цепенков“ бр. 140. Откриена била случајно, во 1979 година, а систематски била истражувана во 1990 и 1993 година. Гробницата е семејна, со сводеста конструкција, со комора и преткомора, а градена е од обработени камени блокови, кршен камен и бигор, тули и варов малтер. Целиот габарит на гробницата изнесува 12 × 8 м. Внатрешноста на комората е малтерисана, а во долните делови е обработена во штукатура и украсена со ромбоидни полиња. Во комората се пронајдени вкупно 10 гробови поставени различно, а во преткомората 1 гроб поставен во правец исток-запад. Гробницата била делумно ограбена, а во преостанатите гробни целости е откриен богат археолошки материјал од злато, скапоцени камења, бронза, стакло и керамика. Одликите на теренот и случајните наоди зборуваат и за други градби во непосредната близина на овој објект: вила рустика, терми, други гробници и др. Наодите се чуваат во Заводот и музеј - Охрид.

„Видобишта“
Поплоченото плато над подземното археолошко наоѓалиште
Местоположба	41°07′13.95″N 20°49′21.58″E
Основни податоци
Место	Охрид
Општина	Охрид
Тип	гробница
Период	римско време
Портал „Археологија“

Галерија

• 
  Поплоченото плато над подземното археолошко наоѓалиште
• 
  Влезот кон археолошкото наоѓалиште

Поврзано

• Антички театар — театар од хеленистичкото и римското време;
• Античка Фурна — осамен наод од доцноантичкото време;
• Горно Трново — населба од римското време;
• Горица — некропола од римското време и средновековна црква со некропола;
• Гумништа - Инвалидско Одморалиште — населба и некропола од римското време;
• Дебој — некропола од хеленистичкото и римското време и од средниот век и старохристијанска базилика;
• Долно Трново — населба од неолитското време;
• Караѓулевци — гробница од старомакедонско време;
• Козлук — населба од римското време;
• Карабегомала — храм од хеленистичкото време;
• Комплекс „Попарница“ — осамени наоди од римското време, старохристијански и рано средновековни сакрални објекти;
• Комплекс „Св. Климент“ — објекти и црква од старохристијанско време;
• Комплекс „Св. Софија“ — археолошки остатоци од римско и доцноантичко време и ран среден век;
• Комплекс „Св. Спас“ — осамен наод од римското време, старохристијанска и средновековна црква со некропола;
• Комплекс „Стара Чаршија“ — некропола од железното време до раниот среден век;
• Кошишта — некропола од хеленистичко, римско време и раниот среден век;
• Лабино — археолошки остатоци од бронзеното време до раниот среден век;
• Охрид - Лихнид — Антички град;
• Комплекс „Св. Пантелејмон“ — старохристијански и средновековни цркви;
• Самуилова тврдина — тврдина од хеленистичкото, доцноантичкото и средниот век;
• Св. Еразмо — старохристијанска базилика и некропола;
• Енгелана — утврдена населба од раноантичкото и хеленистичкото време;
• Св. Стефан - Горица — депо на средновековни монети;
• Студенчишта — старохристијанска базилика и некропола;
• Хермелеја — населба од римското време;
• Охрид;
• Список на археолошки наоѓалишта во Охридско;
• Список на средновековни некрополи во Македонија ^[2];