Вичишта (Албанија)
село во Голо Брдо, Албанија From Wikipedia, the free encyclopedia
Remove ads
Вичишта — село во општината Булчица на Дебарската област, источна Албанија.
Оваа статија се однесува на село во Голо Брдо, Албанија. За истоименото село во Егејска Македонија, погл. Вичишта (Костурско).
Remove ads
Географија
Селото се наоѓа во македонската област Голо Брдо. На 1,4 километри североисточно од главното село (наречено и Горно Вичишта) се наоѓа маалото Долно Вичишта. Главната населба е сместена на еден километар западно од границата со Македонија, каде од другата страна е големиот свиок на Црн Дрим, a над него е селото Бомово. На југоисток од неа лежи селото Голејца. Маалото Долно Вичишта е сместено крај следниот свиок на реката, на самата граница и неколку стотини метри северозападно од Бомово.
Remove ads
Историја
Селото за првпат е споменато во Слепченскиот поменик од XVI век како Bïчища. Подоцна во Трескавичкиот поменик од XVII век е забележано како Вчишта.
Во поменикот на Бигорскиот манастир се зачувани низа македонски имиња од Вичишта како Јадро, Богдан, Волкуш, Трпко, Митре и други.
Во селото до 1940-тите години имало христијански гробишта, а порано во селото постоела и црква „Св. Архангел“, заедничка за селата Вичишта, Голејца и Радоешта. Томо Смилјаниќ - Брадина наведува дека дел од иконите од оваа црква биле пренесени во дебарската катедрална црква „Успение на Пресвета Богородица“.[1]
Според Афанасиј Селишчев во 1870-тите и 1880-те селото сè уште било македонско.[2][3]
| „ | Селата Вичишта, Голевишта и Писанки на почетокот на XIX век биле македонски, пред 30 години биле напола македонски, а сега се населени од Арнаути. Само во Писанки се останати уште 3 македонски куќи. Арнаутите доаѓаат од Горица и од други посеверни места.[2][4] | “ |
Весникот „Дебарски глас“ во 1909 г. напишал:
| „ | Вичишта било чисто македонско село од 50 куќи. Сега целото село е запоседнато од Мустаф Џека од с. Горица (Малесија), брат на Азис Џека, за кого зборувавме во првиот број, и од семејството Маркевци, Арнаути од друго малесиско село чие име не успеавме да го дознаеме. Вичиштани се иселени во Дебар и во Видин. Последниот и најхрабар селанец, кој се борел машки и не сакал да ги остави куќата и имотот бил Дуко Вичишки, кој во самоодбрана убил еден Арнаутин што го нападнал. Војската дошла да му помогне и изгорела неколку куќи на Арнаутите грабнати од Македонците, но сепак на крајот Арнаутите успеале го заземат селото, а Дуко се преселил во Ербеле (Поле).[2][5] | “ |
Во 1909 г. Серафим Србиновски од Вичишта, кој живеел во Романија, ѝ порадил 40 лева на катедралата „Успение на Пресвета Богородица“ во Дебар.[6] Истата година војската го нападнала селото и ја запалила куќата на Азис Џека, а во судирот загинале 20 војници. На 3 октомври Џека е обесен.[7]
По Првата балканска војна во 1912 година селото влегло во состав на Албанија.
Во истражувањето на Миленко Филиповиќ од 1935 година за книгата за Голо Брдо, запишал дека селото е албанско со околу 20 куќи.[1]
Remove ads
Население
Во „Етнографија на вилаетите Адријанопол, Монастир и Салоника“ се вели дека во 1873 г. во Вирчишта (Virtchichta) имало 15 домаќинства сочинети од 19 Македонци-христијани и 22 Албанци-муслимани.[2][8]
Според статистиката на Васил К’нчов („Македонија. Етнографија и статистика“) на почетокот на XX век селото веќе било наполно албанско, заведувајќи 130 Арнаути муслимани.[9]
Родови
Според истражувањата од 1935 година, фисови во селото биле:[1] Цамовци по потекло од Топољани и Џековци од Зога.
Самоуправа и политика
Во XIX век Вичишта било македонско село во Дебарската каза, кое било во тек на албанизација, односно истиснување на македонското население.
Сè до 2015 година селото било во состав на Општина Горица.
Личности
- Глигор Стефанов (1864 – 1913) — лебар, загинал во Втората балканска војна
Поврзано
Наводи
Wikiwand - on
Seamless Wikipedia browsing. On steroids.
Remove ads