Волфова награда за математика

Волфова награда за математика — награда за математика што речиси секоја година^{[б 1]} ја доделува Волфовата фондација во Израел. Таа е една од шесте Волфови награди воспоставени од Фондацијата и доделени од 1978 година. Другите се за земјоделство, хемија, медицина, физика и уметност. Волфовата награда вклучува и парична награда од 100.000 долари.^[1]

Според истражувањето за угледот спроведено во 2013 и 2014 година, Волфовата награда за математика е трета најпрестижна меѓународна академска награда по математика, по Абеловата награда и Филдсовиот медал.^[2][3]

Добитници

Година	Име	Државјанство	Образложение
1978	Израел Гелфанд	СССР	за неговата работа на полето на функционалната анализа, групното претставување и за неговите значајни придонеси во многу области на математиката и нејзините примени.
	Карл Лудвиг Зигел	Германија	за неговиот придонес во теоријата на броевите, теоријата на неколку комплексни променливи и небесната механика.
1979	Жан Лере	Франција	за пионерската работа во развојот и примената на тополошки методи во проучувањето на диференцијални равенки.|
	Андре Веј	Франција	за неговото вдахновено воведување на алгебарско-геометриски методи во теоријата на броевите.
1980	Анри Картан	Франција	за пионерската работа во алгебарската топологија, комплексните променливи, хомолошката алгебра и вдахновеното предводење на поколенија математичари.
	Андреј Колмогоров	СССР	за длабоките и оригинални откритија во Фуриеовата анализа, теоријата на веројатноста, ергодичната теорија и динамичните системи.
1981	Ларс Алфорс	Финска	за темелни откритија и создавање на моќни нови методи во теоријата на геометриските функции.
	Оскар Зариски	САД	творец на модерниот пристап кон алгебарската геометрија, преку нејзино спојување со комутативната алгебра.
1982	Хаслер Витни	САД	за неговата темелни дела во алгебарската топологија, диференцијалната геометрија и диференцијалната топологија.
	Марк Крејн	СССР	за неговите темелни придонеси во функционалната анализа и нејзините примени.
1983/84	Шјинг-Шен Черн	НР Кина  САД	за извонредните придонеси во глобалната диференцијална геометрија, кои имале длабоко влијание на целата математика
	Пал Ердеш	Унгарија	за неговите бројни придонеси во теоријата на броевите, комбинаториката, веројатноста, теоријата на множествата и математичката анализа, како и за личното поттикнување на математичарите од целиот свет.
1984/85	Кунихико Кодаира	Јапонија	за неговите извонредни придонеси во проучувањето на комплексни и алгебарски многуобразија (вариетети).
	Ханс Леви	САД	за поттикнување/започнување многу, сега класични и суштински, случувања во парцијалните диференцијални равенки
1986	Самуел Ајленберг	Полска  САД	за неговата темелна работа во алгебарската топологија и хомолошка алгебраЖхомолошката алгебра.
	Атле Селберг	Норвешка	за неговата длабока и оригинална работа на теоријата на броевите и на дискретните групи и автоморфни облици].
1987	Кијоси Ито	Јапонија	за неговите темелни придонеси во чистата и применетата теорија на веројатноста, особено за создавањето на стохастичкото инфинитезимално сметање.
	Питер Лакс	Унгарија  САД	за неговите извонредни придонеси во многу области на математичката анализа и применетата математика.
1988	Фридрих Хирцебрух	Германија	за извонредното дело што ги комбинира топологијата, алгебарската геометрија и диференцијалната геометрија и алгебарската теорија на броевиte; и за неговото поттикнување на математичката соработка и истражување.
	Ларс Хермандер	Шведска	за темелното дело во модерната анализа, особено, примената на псевдодиференцијални оператори и Фуриеовиот интегрален оператор во линеарните парцијални диференцијални равенки.
1989	Алберто Калдерон	Аргентина	за неговата новаторска работа на единечни интегрални оператори и нивната примена во важни проблеми во парцијалните диференцијални равенки.
	Џон Милнор	САД	за генијалните и многу оригинални откритија во геометријата, кои отворија важни нови перспективи во топологијата од алгебарска, комбинаторна и диференцијабилна гледна точка.
1990	Енио Де Џорџи	Италија	за неговите иновативни идеи и темелни достигнувања во парцијалните диференцијални равенки и варијациското сметање.
	Илја Пјатецки-Шапиро	СССР Израел	за неговите темелни придонеси во областите на хомогени комплексни домени, дискретни групи, теорија на претставување и автоморфни облици
1991	Не е доделена
1992	Ленарт Карлесон	Шведска	за неговите темелни придонеси во Фуриеовата анализа, комплексната анализа, квазиконформното и динамичните системи].
	Џон. Г. Томпсон	САД	за неговите длабоки придонеси во сите аспекти на теоријата на конечни групи и врските со другите гранки на математиката.
1993	Михаил Громов	Русија  Франција	за неговите новаторски придонеси во глобалната Римановата и симплектичната геометрија, алгебарската топологија, теоријата на геометриски групи и теоријата на парцијалните диференцијални равенки.
	Жак Титс	Белгија  Франција	за неговите пионерски и темелни придонеси во теоријата на структурата на алгебарските и другите класи на групи, а особено за теоријата на градби.
1994/95	Јирген Мозер	Швајцарија  САД	за неговото темелно дело за стабилноста во Хамилтоновата механика и неговите длабоки и влијателни придонеси кон нелинеарните диференцијални равенки.
1995/96	Роберт Ленглендс	Канада	за неговата пионерска работа и извонреден увид во областите на теоријата на броевите, автоморфните облици и претставувањето на групи.
	Ендру Вајлс	Обединето Кралство	за спектакуларни придонеси во теоријата на броевите и сродните области, големи достигнувања во темелни претпоставки и за решавање на Последната Фермаова теорема.
1996/97	Џозеф Б. Келер	САД	за неговите длабоки и новаторски придонеси, особено во електромагнетното, оптичкото и звучното ширење на брановите и во флуидната, , квантната, статистичката и механиката на цврсти тела.
	Јаков Синај	Русија  САД	за неговите темелни придонеси кон математички ригорозните методи во статистичката механика и ергодичната теорија на динамичnите системи и нивните примени во физиката.
1998	Не е доделена
1999	Ласло Ловас	Унгарија  САД	за неговите извонредни придонеси во комбинаториката, теоретската компјутерска наука и комбинаторната оптимизација.
	Елијас Стајн	САД	за неговите придонеси кон класичната и Евклидовата Фуриеова анализа и за неговото исклучително влијание врз новото поколени аналитичари преку неговото речовито предавање и пишување.
2000	Раул Бот	Унгарија  САД	за неговите длабоки откритија во топологијата и диференцијалната геометрија и нивните примени во Лиевите групи, диференцијалните оператори] и математичката физика.
	Жан-Пјер Сер	Франција	за неговите бројни темелни придонеси во топологијата, алгебарската геометрија, алгебрате и теоријата на броевите и за неговите вдаховени предавања и дела.
2001	Владимир Арнолд	Русија	за неговата длабока и влијателна работа во мноштво области на математиката, вклучувајќи ги динамичните системи, диференцијалните равенки и теоријата на сингуларностите.
	Сахарон Шелах	Израел	за неговите бројни темелни придонеси кон математичката логика и теоријата на множествата, како и нивните примени во други делови од математиката.
2002/03	Микио Сато	Јапонија	за неговото создавање на алгебарската анализа, вклучувајќи ја теоријата на хиперфункција и теоријата на микрофункција, холономска квантна теорија на поле и унифицираната теорија на солитонски равенки.
	Џон Тејт	САД	за неговото создавање на темелните концепти во алгебарската теорија на броевите.
2004	Не е доделена
2005	Григориј Маргулис	Русија  САД	за неговите монументални придонеси во алгебрата, особено во теоријата на решетка во полуедноставни Лиеви групи, и впечатливи примени на ова во ергодичната теорија, теоријата на претставување, теоријата на броевите, комбинаториката и теоријата на мерiи.
	Сергеј Новиков	Русија	за неговите темелни и пионерски придонеси во алгебарската и диференцијалната топологија, како и во математичката физика, особено воведувањето на алгебарско-геометриските методи.
2006/07	Стивен Смејл	САД	за неговите новаторски придонеси што одиграа темелна улога во обликувањето на диференцијалната топологија, динамичните системи, математичката економија и други предмети од математиката.
	Хилел Фурстенберг	САД Израел	за неговите длабоки придонеси во ергодичната теорија, веројатноста, тополошката динамика, анализата на симетричните простори и хомогени текови.
2008	Пјер Делињ	Белгија	за неговата работа на мешаната Хоџова теорија, Вајловите претпоставки, Риман-Хилбертовата кореспонденција и за неговите придонеси во аритметиката.
	Филип Грифитс	САД	за неговата работа на варијации на Хоџовите структури, теоријата на периоди на Абеловите интеграли и за неговите придонеси во комплексна диференцијална геометрија.
	Дејвид Мамфорд	САД	за неговата работа на алгебарски површини, на геометриска инвариjантна теорија и за поставување на темелите на современите алгебарска теорија на модули на криви и тета функција.
2009	Не е доделена
2010	Шинг-Тинг Јау	САД	за неговата работа во геометриската анализа која имаше длабоко и драматично влијание врз многу области на геометријата и физиката.
	Денис Саливан	САД	за неговите новаторски придонеси во алгебарската топологија и конформната динамика.
2011	Не е доделена
2012	Михаел Ашбахер	САД	за неговата работа на тероијата на конечни групи.
	Луис Кафарели	Аргентина	за неговата работа на парцијалните диференцијални равенки.
2013	Џорџ Мостоу	САД	за неговиот темелен и пионерски придонес на геометријата и теоријата на Лиеви групи.
	Мајкл Артин	САД	за неговите темелни придонеси во алгебарската геометрија, како во комутативната така и во некомутативната.
2014	Питер Сарнак	ЈАР  САД	за неговите длабоки придонеси во анализата, теоријата на броевите, геометријата и комбинаториката.
2015	Џејмс Артур	Канада	за неговата монументална работа на формулата за трага и неговите темелни придонеси во теоријата на автоморфно претставување на редуктивни групи.
2016	Не е доделена
2017	Ричард Шон	САД	за неговиот придонес во геометриската анализа и разбирањето на меѓусебната поврзаност на парцијалните диференцијални равенки и диференцијалната геометрија.
	Чарлс Феферман	САД	за неговите придонеси во голем број математички области, вклучувајќи ја комплексната мултиваријантна анализа, парцијалните диференцијални равенки и субелиптичните проблеми.
2018	Александар Бејлинсон	Русија  САД	за нивната работа што направи значителен напредок на интерфејсот на геометријата и математичката физика.
	Владимир Дринфелд	Украина  САД
2019	Жан-Франсоа Ле Гал	Франција	за неговите длабоки и елегантни придонеси во теоријата на стохастичките процеси..
	Грегори Лоулер	САД	за неговото сеопфатно и пионерско истражување на избришани јамки и случајни прошетки (Loop-erased random walk).[4]
2020	Сајмон Доналдсон	Обединето Кралство	за нивните придонеси во диференцијалната геометрија и топологијата.[5]
	Јаков Елијашберг	САД
2021	Не е доделена
2022	Џорџ Лустих	Романија  САД  Унгарија	за неговите новаторски придонеси во теоријата на претставување и сродните области.[6]
2023	Ингрид Добеши	Белгија  САД	за нејзината работа во теоријата на уејвлет (бранови) и применетата хармонична анализа.[7]
2024	Ади Шамир	Израел	за неговите темелни придонеси во математичката криптографија.[8]
	Нога Алон	Израел	за неговите темелни придонеси во комбинаториката и теоретската компјутерска наука.[9]
2025	Не е доделена

Добитници по земја

Во долната табела се дадени добитниците по земја (ажурирана до добитниците од 2024 година). Добитниците кои имаат повеќе државјанства се бројат за секое државјанство.

Држава	Број на добитници
САД	34
СССР /  Русија	10
Франција	7
Израел	5
Унгарија	5
Јапонија	3
Белгија	3
Германија	2
Обединето Кралство	2
Канада	2
Аргентина	2
Шведска	2
Украина	2
ЈАР	1
Полска	1
Италија	1
Кина	1
Норвешка	1
Финска	1
Романија	1

Поврзано

• Волфова награда
• Волфова награда за физика
• Волфова награда за хемија
• Волфова награда за земјоделство
• Волфова награда за уметност

Белешки

1. Волфовата фондација ја опишува наградата како годишна, меѓутоа, некои награди се поделени по години, додека во некои години не се доделува награда.