Грамадна

Грамадна или Граматина (грчки: Ευκαρπία, Евкарпија, до 1927 година Γραμμάτινα, Граматина)^[2] — село во Општина Кукуш во Кукушкиот округ, Егејска Македонија, денес во областа Централна Македонија, Грција.

Грамадна Ευκαρπία
Грамадна
Местоположба во областа Грамадна Местоположба на Грамадна во Општина Кукуш и областа Централна Македонија
Координати: 41°4′N 22°54′E
Земја	Грција
Област	Централна Македонија
Округ	Кукушки округ
Општина	Кукуш
Општ. единица	Кукуш
Надм. вис.	&10000000000000234000000234 м
Население (2001)[1]
• Вкупно	618
Час. појас	EET (UTC+2)
• Лето (ЛСВ)	EEST (UTC+3)

Географија и местоположба

Селото се наоѓа на 7 километри северно од градот Кукуш, на неколку километри од грчко-македонската граница, во близина на североисточниот брег на Дојранското Езеро. Селото се наоѓа на надморска височина од 234 метри.

Грамадна опфаќа површина од 13 квадратни километри^[3].

Историја

Во отоманскиот збирен даночен список на немуслиманското население од вилаетот Тимур Хисар од 1616-1617 година селото е наведено под името Грамадна со 10 домаќинства. Со султански декрет од 11 декември 1619 година, селото бло предадено во сопственост на Мимар ага.^[4].

Во „Етнографија на Адријанопол, Монастир и Салоника“ се вели дека во 1873 г. Алексово се состоело од 70 семејства и 324 жители Македонци^[5][6] Според статистиката на Васил К’нчов („Македонија. Етнографија и статистика“) во 1900 година Алексово имало 600 жители Македонци^[5][7].

Селото било под влијание на Бугарската егзархија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 800 Македонци и работело егзархиско училиште^[5][8].

Во текот на Втората балканска војна, селото било опожарено од страна на грчките војски а самото македонско население било принудено да побегне од своите домови. Голем дел од македонското население заминало од селото кон Струмица и околните села^[3].

По крајот на Балканските војни, селото било вклучено во составот на Грција. На пописот од 1920 година, во селото биле евидентирани само 272 жители. Во 1927 година, селото било преименувано во Евкарпија.^[9]

Демографија

Во 1928 година селото било чисто бегалско со 548 жители бегалци.^[10], додека во 1940 година селото броело 842 жители. Селото во пописот од 1951 година броело 879 жители, на пописот од 1961 година, во селото живееле 797 жители, во 1971 година имало 639 жители, во 1981 година имало 651 жител, додека во 1991 година имало 539 жител^[11]. Денеска, населението на селото е 618 жители според пописот од 2001 година.

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	842	879	797	639	651	539	618	—

Извор за 1940-1991 г.: Т. Симовски, Населените места во Егејска Македонија

Личности

Станиш Наков

Родени во Грамадна

• Кара Васил^[12]
• Гоце Диков (1892 - ?)^[13]
• Станиш Наков

Починати во Грамадна

• Стојан Јариџиев^[14]