Ениќој (Серско)

Ениќој или Ново Село (грчки: Προβατάς, Проватас; до 1928 г. Γενή Κιόι, Јени Ќој^[2]) — село во Серско, Егејска Македонија, денес во општината Сер на Серскиот округ, Грција. Сè до 1920-тите било населено исклучиво со Македонци.^[3]

Ениќој Προβατάς
Ениќој
Местоположба во областа Ениќој Местоположба на Ениќој во Серскиот округ и областа Централна Македонија
Координати: 41°4.7′N 23°23.25′E
Земја	Грција
Област	Централна Македонија
Округ	Серски
Општина	Сер
Општ. единица	Капетан Митруси
Надм. вис.	&1000000000000002000000020 м
Население (2021)[1]
• Вкупно	829
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа во Серското Поле на 10 км западно од градот Сер.

Историја

Во Отоманското Царство

Во XIX век Ениќој било село во Серската каза. Според „Етнографија на вилаетите Адријанопол, Монастир и Салоника“ во 1873 г. во Јениќој (Yéni-Keuï) имало 115 домаќинства сочинети од 220 муслимани и 80 Македонци.^[4][5]

Во 1891 г. Георги Стрезов вели дека селото е дел од областа Овакол и напишал за него:

„

Ени Ќој, на ЈЗ од Сер 1⁄2 час до реката. Низ ова село минува патот за Солун. Има 45 куќи. 50 души Македонци,[6] а остатокот Турци.[7]

“

Треба да се напомене дека под „Турци“ во тоа време неретко се подразбирале сите муслимани. Во овој случај, се работи за Македонци-муслимани.

Според статистиката на Васил К’нчов („Македонија. Етнографија и статистика“) во 1900 г. во Ени Ќој има 100 жители Македонци-христијани и 220 Македонци-муслимани.^[4][8]

По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Ениќој (Yeni-Keuy) живееле 136 Македонци егзархисти.^[4][9]

Во Грција

По Балканските војни во 1913 г. селото е припоено кон Грција согласно Букурешкиот договор. Таа година населението броело 520 жители, но во 1920 г. во селото е заведен само 361 жител.^[3] Во 1926 г. селото е преименувано во Проватас. Македонците-муслимани се иселени во Турција по сила на Лозанскиот договор, а под притисок на властите во Бугарија се иселиле 16 христијани.^[3] Државата во довела голем број грчки колонисти. Според пописот од 1928 г. Ениќој било етнички мешано село со вкупно 964 жители,^[3] од кои 829 лица (187 семејства) биле грчки колонисти, а останатите Македонци.^[10]

Во 1936 г. е удрен камен-темелникот на црквата „Св. Ѓорѓи“.^[11]

Месности во Ениќој преименувани со службен указ на 6 јули 1968 г.

Име	Грчки	Ново име	Грчки	Опис
Бизиргенкија	Μπιζιργένκια	Плусија	Πλούσια[12]
Алчак[13]	Άλτσάκι	Хамилон	Χαμηλών[12]	месност на Ј од Ениќој и на ЈЗ од Горно Караџово;[13]
Кара Табан	Καρά Ταμπάνι	Патома	Πάτωμα[12]
Пика[13]	Πίκα	Палиорема	Παληόρεμα[12]	река на ЈЗ од Ениќој[13]
Таш Парча	Τάς Παρτσά	Петра	Πετρα[12]
Беј Трла	Μπέη Ταρλά	Хорафија	Χωράφια[12]
Ѓубрелик[13]	Γκεμπρελίκι	Копротопос	Κοπρότοπος[12]	месност на СЗ од Ениќој[13]

Население

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1.185	1.225	1.665	1.507	1.510	1.525	1.344	1.099

Извор за 1940-1991 г.: Т. Симовски, Населените места во Егејска Македонија